MIKA 5:10 - OTSAO BAIBEL (BSI)

¹⁰ Jowanpae thüi: “Hepongma kue hünzome manbu paoüi ilaxle hünzom man-kanlinbu amaüi.

MIKA 5:10 ပူးပေါင်းရင်းမြစ်များ

ZEKARIA 9:10

Jowanpae thüile, “Israel angkya zankat man-kanlinbu kue awütüi ilaxle Jerusalem angkya manbu laxlaxtoxüi; azan pongma twonkya hapnubu amale awütüi. Hünzom wanghompa-e jat-libu füi tumüi lomzingüi; chixe tinu makhange tinu to o-le apünüi, Eufrat shuanu makhange haxtua-zangnam alople.”

HOSIA 14:3

Asiria-e kwom otuechu sün ang müntsuak ilaxle zankat manbue kwom kho awa ang müntho. Kwome kwom chapabu füi ibu a kwom Zang changle le chatle münthüi. O Jowanpa, owa hato pao angkyachu chitüile ngokyabu to nange chingcha ahohüi.”

HOSIA 1:7

Ikoxlechu Judah khünaknu hato kue mongkün ahoüi. Ku, Jowanpa, hwom Zang-e hwom khosünle kopüi, ikoxle ija kue ochax-ozan ma: chang-hi-pax, sanhap hia hapnu chichangba man hia mankho ma ngakya khünakbu, ibu füi tsuakle faüile münchang.”

JEREMIA 3:23

Haxnukho to kwome songsari baozang shwom ma kwom ang chem olüi chitüi. Israel nok hato ofong-otsox a Jowanpa, kwom Zang makhange tix hüipu.

ISAIA 2:7

Hwom haxtok a hun hia khopbue awangle tüile, ilaxle hwom tuina ma oshuk-oza müntüi. Hwom haxtok a manbue awangle tüile ilaxle hwom man-kanlinbu ma oshuk-oza müntüi.

TSAITONG-KAXTONG 17:16

Wanghompa ang chix hilua-naomüi hwom hanpakmale man huanuma tüi angkya oli lechu münchang, ilaxle chixe Ijip nok to manbu shak ang khünak chiakatüi, chemthüikoxle Jowanpae chix khünaknu ikhato tamchichat angkya akaxdaoa.

HAGAI 2:22

ilaxle wangtingbu tsungle thokle hwom tsak-zong amütüi khakha. Kue man-kanlin hia ija ahamkya khünakbu asongle thoküi; manbu a zile paoüi ilaxle ibu zopkya khünakbue tata alang-ahuakle changüi.