MIKA 4:9 - OTSAO BAIBEL (BSI)

⁹ Hünzom büthüikoxle akhongle sop? Sheko mixnu nao ngün wok-kak pupu le hünzom ang chem sikngünle ngo? Ija a tuita wanghom chitüikya khoma changpia, hia hünzom mong achenle ngokyabu a zile paokya khoma changpu?

MIKA 4:9 ပူးပေါင်းရင်းမြစ်များ

JEREMIA 8:19

Apalax! Haxtok pangkha towüi Ile ku khünaknu akhongkya kue atatle, “Zaion ma Jowanpa münngo hia? Zaion nok wanghompa ima müntüi hia?” Jowanpa, hwom wanghompa-e lan, “Hünzome ma chapabu to shwomlaxle tamchu laxli chitüikya mixnok baozangbu tong to akhuxlaxle ku ang mong büthüikoxle amapu?”

HOSIA 10:3

Lebama wüi ibu khünakbue thüiüi: “Kwom ang wanghom müntüi chemthüikoxle kwome Jowanpa thua münza. Wanghome kwom ang chem alan faüi?”

HOSIA 3:4

Ija jaojaole Israel khünaknu a, wanghom hia lompabu chilax homtoxle, tö koxkya hia otsao long küikya chitüi homtoxle, chichangba o-nan to hu ang twonkya chapabu chichangba chasabu chilax homtoxle ngole hüi.

MANGSOP 4:20

Hwome kwom khüzün otong hwople kop, Jowanpae zünle kopkya kwom wanghompa, pangnu zansing chak tokya kwom kho awa ang thoüile kwome chix to mongongle tüikya.

JEREMIA 50:43

Babilon nok wanghompa-e ija kaxho atat, ilaxle chix chak a faile tang. Chix a mongtsik-mongmae kop, ija a shekonu tuitae nao ngün ang kakkya ningle chang.

JEREMIA 22:23

Lebanon tokhange apüikya sedar thamkha to nang kho azangle ngo; ikoxle nang to tsütle kakkya zuma nang a chingcha ashukle changüi, mixnu tuita to nao ngün wok-kak kakkya ningle a.

JEREMIA 4:21

Zanhok shixkya to kue chemtukux hule ngoüi ilaxle nyazongbu mütle angaokya apale ngoüi?

ISAIA 26:17

Jowanpa, nange kwom asop, sheko tuitae nao ngün ang sikngün pongma sopkya ningle.

ISAIA 21:3

Kue ngünkya mikngün-ohüne ku chabüt-lasün ang tamchu okak ang achangle; ija okak a sheko tuita nao ngün ang kakpupule changle.

ISAIA 13:8

Hwom a huanuma abütüi ilaxle sheko tuitae nao ngün ang kakpupule kakkyae hwom to anaoüi. Hwome tata to za dongle huüi, ilaxle azakkyae hwom thün ma wünchuaüi.

JUHAN 16:21

Sheko tuita ang naoput wok kak pongma mongtsikle, chemthüikoxle she hato sikngün angkya otu ngangle hüikoxle. Ikoxlechu nao ngünle khangkho zangngai füima, she-e ija sikngün alakle asamüi, ikoxle she-e nao ngün ang kopkya khoma mong mix tüle müiüi.

MIKNGÜN-OHÜN 12:2

She-e nao ngünüi khakha, üntoxle naongün wok kakkyae she tüle akhong.

JEREMIA 48:41

ilaxle ibue tinglongbu hia zanhunuibu hwople kopüi. Ija nyix a Moab nok süpahibu a nao ngün pongma shekonu tuita monghik ma hixüi.

HOSIA 13:13

Israel nok ang ozün ma ngo angkya olom tüile, ikoxle lax angkya a ongat jaojao changpu: ija a, athax zangngai ngünle laiüi khakha naosae honu wokkha angkya münlaipu le angamkya ningle changpu.

MIKA 5:3

Ikhoma ija naosa ngün angkya mixcha tuitae nao ngünle changkya kople Jowanpae chix khünaknu a zan-nokbu chak to koxle thomüi. Ifüima zanda ang ngokya Israel khünak ibu ma khünakbu füi tamchatle motomle changüi.

JEREMIA 4:31

Kue sopkya ozing tuita atat, mixcha tuita nao ngün ang sopkya zing ningle, mixcha tuitae pongwang lükya nao ngün ang awaokya ningle. Ija a wikha akalaxle zaksyet ang azongle Jerusalem sopkya zing tuita, she chak pünlaxle she-e thüi: “Ku a maxdaoa! Hwom a ku lang ang nguile ngole!”

JEREMIA 30:10

“Ku khünaknu, hünzom taxza; Israel khünaknu, hünzom abütkya taxtüi. Ija tsailo nok tokya hünzom kue sünüi, athax hünzom zanda ang ngole tüikya nok tokya a. Hünzom a ma hom to chatüi ilaxle mongsom ma ngoüi; hünzom to chem münthüi: ilaxle owaechu hünzom aza-anale chang ang müntom.