MIKA 4:8 - OTSAO BAIBEL (BSI)

⁸ Üntoxle nang, Jerusalem, ojongkha ma Zang-e, sailya kho tokhange chun-nyetmix tuita ningle, chix khünaknu to hule nyeüi, ilaxle hünzom kux ang ngokya a pongwün tingnu ang tamchatle achangüi.

MIKA 4:8 ပူးပေါင်းရင်းမြစ်များ

ISAIA 1:26

Kaitanto tüikya ningle kue hünzom ang pünpa-chongwangbu hia nguakax-wangkhobu koxüi. Ifüima Jerusalem ang ‘otsao hia mongong tüikya tingnu’, le nyaküi.”

ZEKARIA 9:10

Jowanpae thüile, “Israel angkya zankat man-kanlinbu kue awütüi ilaxle Jerusalem angkya manbu laxlaxtoxüi; azan pongma twonkya hapnubu amale awütüi. Hünzom wanghompa-e jat-libu füi tumüi lomzingüi; chixe tinu makhange tinu to o-le apünüi, Eufrat shuanu makhange haxtua-zangnam alople.”

MIKNGÜN-OHÜN 22:5

Ikhato otuechu zangnakkya müntüi, ilaxle wüntik hia zanghane fakya hwom zongto chem mwot ang münchang, chemthüikoxle Opunu Zang tix hwom zangngai ang changüi, ilaxle hwome wanghombu ang achangle othuithuima apün-adaüi.

ZEKARIA 9:12

Zanda ang ngokyabu, hünzom opang ma monghom tüilaxpuix, chatlax; chem chazakya chitüile ngo angkya nang ngwotnui to chatlax. Athax kue akaxpu, hünzome sikngün apongdaokya to othom anyie nüile kue mohimanüi.

OBADIA 1:21

Zan to lütlaxle tüikya Jerusalem angkya khünakbue Edom nok to singüi ilaxle hwom to apünüi. Ilaxle Jowanpa chix jaojao wanghom ang changüi.”

PONGWANG LAIPEX 35:21

Jakop ikha angkya achexle pao üntoxle Edar longhom akailaxle tachi ma chix pom zai.

EFISIA 1:21

Ikhato Khrista-e, ding to apün-awangkyabu, tsakzongbu tamchu baozangbu thakma apün-awangle; chix ma ija chaxwannu hia füichi chaxwannu tsakzongbu mün füi ataxkya mün tüile.

MARK 12:1

Ifüima Jisu-e hwom füi kaxpan makhange akax ang süt: “Khünak tuitae grep haxtok manzai. Ija akhople zün zinglaxle zuziak fyet ang hax tho ilaxle nyet nui ang tap tuita zing. Ifüima mwotmok mixbu chak to manzai ang danle toxlaxle chix a mix chaxwan to mixwün ang pao.

DANEL 2:44

Wanghom ibue apün-adale ngokya tuk ma zangkangting tokya Zang-e wangting tuita zingle alaiüi, ija chiashuk toxkya wangting ang changüi. Ija wangting to owaechu tingtakle münchangüi, ikoxle mama wangtingbu komkaile amüt laxle ija wangting a oshuk-okim chitüile ngoüi.

2 SAMUEL 5:7

Ikoxlechu Dawid-e Zaion angkya hwom zanhu nui kop ilaxle ija a “Dawid Tingnu”, le achangle pao.)

HUAKE LAIPEX 24:19

Israel jat-li a hwom to chifa fang ma thomüi Ilaxle okia ma ngokya khünak tuita ngaxchu ozün ma chitoxle wyakle awütüi.”

MATHI 21:33

Jisu-e thüi: “Mama kaxpan apalax; Hanpak tuita ma grep haxtok hopunu tuita tüikya. Chixe ija haxtok akanle tsawat wat, ju fyet angkya nui ang hax tho ilaxle nyet nui sailia dünle tox. Ofüima mwotmok mixbu chak to ija haxtok mo angkya danle toxlaxle chix a mixwün to pao.

DANEL 7:18

Ilaxle Khüthak Zang to shwomkya khünakbue ija wangting apünkya tsak-zong a hwom chak ma kopüi ilaxle ija jento hwom chak ma thomüi.”

ISAIA 5:2

Chixe hax tho ilaxle ikha angkya longbu atsao; chixe sümüikya grep zubu küi. Ibu nye angkya hanpakma chixe ding homsabu zai, ilaxle grepbu nak ang tswomkha tho. Chixe grep jum angkya tanle ngo, ikoxle grep ziak pangwüi osik ang achang.

ISAIA 10:32

Anyixkha zanpabu a Nob tinglong ma tüile, ilaxle ikhato Jerusalem tingnu angkya Zaion Haxnu ma hwome chaktombu sile aloxle.

MÜNCHUAK-TSAI 48:3

Tingnu mong angkya zanhunuibu ma chix ma chalomlule tüile le Zang-e ahodaoa.

MÜNCHUAK-TSAI 61:3

chemthüikoxle nang a ku kho-awapa changpu, nang tix zanpabu tunthoma shingmongkya ku ziakop changpu.

MIKA 2:12

“Ikoxlechu Israel khünak hünzom danle toxkyabu, kue hünzom pangwüi asox-atom ang tomüi. Kue hünzom a chunbu opom to wangkya ningle pangwüi chatle asox ang tomüi. Wunsa khato chune awangle tüikya ningle, hünzom haxtok a khünaknue awangle changüi.”

NEHEMIA 3:25

Uzai sasün Palal-e ifüi athuikya katuk zaile alai. Katuk zongkhing makhange owang wangle wanghom khualo nyetmixbu ngwotnui zui angkya thakchikao wanghom homlo homthün ha alople changkya; Parosh sasün Pedaiah-e ifüi athuikya katuk zaile alai. Handünchi ma Ti Zünkai hia Zangshwom-Hom nyetnui tüikya. (Ija tingnu ma, Zangshwom-Hom mwotmixbu ngokya kha, Ofel le nyakkya tingzong zui ma changkya.)

MÜNCHUAK-TSAI 24:7

Zünkaibu oka hyetle achenkox kaipongkya fülombu dapkox, fuazangkya chongwangpa ngui angkya changle.

TSAITAX-NGAONÜI 4:4

Nang dingtom a Dawid homthün lailai, anguix wüi anguix tamchu nün wüi nün, ija akhople, ojat khonguile dibu asha thomkya ningle likwün füi.

ZEKARIA 9:9

Mongmüikox, mongmüikox, Zaion angkya khünaknu! Mongmüi to akhong kox, hünzom Jerusalem angkya khünakbu! Hulax, hünzom wanghompa hünzom hato nguile ngole! Chix a zanbu to lütlaxle chuak-chongle nguingole, ikoxlechu mantsak kun kha angkya mantsaksa kho ma ngalaxle somdangle.