MIKA 4:6 - OTSAO BAIBEL (BSI)

⁶ Jowanpae thüile: “Kue sikangünle mixnok chaxwan zanda ang ngokya ku khünaknu kue chatle asox angkya hanpak nguile ngole.

MIKA 4:6 ပူးပေါင်းရင်းမြစ်များ

ZEFANIA 3:19

Hanpak a hüile ngole! Kue hünzom to zothuple ngokyabu to sikngün ang tomüi; chafai mixbu kue komle azünüi ilaxle zandabu hom to chatle apüiüi. Hwom zakkop kue münchong ang achangüi, ilaxle chaxwannu pangnue hwom achuaküi.

JUHAN 10:16

Ikoxle ija othom kha angkya chichangle, ku ang chun mamabuchu wüi tüihule; kue hwomchu wüi apüi angkya changle; hwome ku kax ma laxle tüiüi, ile nyetmix tuita fangma othom tuita ang achang angkya changle.

ISAIA 56:8

Jowanpa Khüthak Zang, owae zanda ang ngokya Israel nok chix khünaknu owae ma hom to apüipuix, chixe chatle chuwüi mama khünakbu chu hwom füi wom ang apüi angkya tsaole.

MÜNCHUAK-TSAI 147:2

Jowanpae Jerusalem zingle achat ngole; chixe zanda ang ngokyabu chatle apüile ngole.

KAXHO MÜIKYA LUK 19:10

Khünak Hosa a maxdaokyabu lom ang hia sün ang nguipu.”

MIKA 2:12

“Ikoxlechu Israel khünak hünzom danle toxkyabu, kue hünzom pangwüi asox-atom ang tomüi. Kue hünzom a chunbu opom to wangkya ningle pangwüi chatle asox ang tomüi. Wunsa khato chune awangle tüikya ningle, hünzom haxtok a khünaknue awangle changüi.”

EZEKEL 36:24

Pangnok jating tokya kue hünzom chatle hünzom chaxwan to apüiüi.

JEREMIA 31:8

Kue hwom a shuakux chitokya apüiüi ilaxle haxtua-zangnam tokya kue asox-atomle changüi. Miksut hia chafaibu ngaxchu hwom füi tomle nguiüi, naowok hia nao ngüntu nguile tüikyabu chuwüi nguiüi. Hwom a chongkya jat-li tuita ang nguiüi.

JEREMIA 3:18

Israel nok a Judah füi athütüi, ilaxle hwom tomtomle shuakuxchi nok to zanda ang ngole hüikya haxtok tokya, kue hwom pupa hwom ang onyem ang hwom haxtok ang lax ang koxkya haxtok to chatüi.”

MÜNCHUAK-TSAI 38:17

Ku a nguaküi khakha ilaxle ku to tsütle kakkya ojao chizak.