MIKA 4:5 - OTSAO BAIBEL (BSI)

⁵ Pangnok jating towüi ma baozang-zang to shwomle ilaxle kam ma laxle, ikoxlechu kwome Jowanpa kwom Zang to othuithuima shwomüi.

MIKA 4:5 ပူးပေါင်းရင်းမြစ်များ

ZEKARIA 10:12

Kue ku khünaknu tsak-zongle chang ang tomüi; hwome ku to shwomüi ilaxle ku kax ma laxle tüiüi.” Jowanpae akaxdaoa.

KOLOSI 3:17

Hünzome chix makhange Hopa Zang ang münchong fakya zuma, hünzome mokkya hia akaxkya pangwüi, Jowanpa Jisu mün ma tsuakkox.

JIHUSUA 24:15

Hünzome chix thothase le chitsu, hünzome opupu thothaüihex, ija anyix wüi wünle tsuaklax; hünzom pupa hwome Mesopotamia nok to shwomle hüikya baozangbu to shwomüi hia chichangba athax kem ngole tüikya Amor noke shwomkya baozangbu to shomüi. Kwom homkha tamchu ku, kwome a Jowanpa thotha lüwüi ngoüi.”

ISAIA 2:5

Athaxpi, Jakop sixlibu, Jowanpae kem ang fakya zangngai ma ahamhax!

MÜNCHUAK-TSAI 48:14

“Ija Zang a othuithuima kem Zang changle; mahüikya hanpak pangnu ma chixe kem lomzunüi.”

KOLOSI 2:6

Hünzome Khrista Jisu pongle kopdaokya daile, chix füi notomle ngolax.

ISAIA 26:8

Kwome nang mongtex man topu ilaxle nang ma kwom monghom thompu; kwome sung-zaokya pangnu a nangtix changle.

2 WANGHOMBU 17:34

Hwome anyix kople hwom zanglom ozangbu tole tüile. Hwome Jowanpa to chishwom ilaxle chixe Jakop, owa ang Israel le mün fapuix, chix sixli hwom ang fakya kaxtombu kax machu chilax.

2 WANGHOMBU 17:29

Ikoxlechu Samaria ma ngole tüikya khünakbue chizakle makuxkux chapabu zingle wüi ngo, ilaxle hwome ibu Israel noke zingkya zangshwomnuibu ma dan. Khünak mathomthom süile tingnu ma ngokyabue ma nuinui to chapabu zai.

PONGWANG LAIPEX 17:1

Chemtue Abram zanglao puli-aku changkya hex, Jowanpa chix hato ngai ilaxle akax: “Ku a Khüthak Zang changpu. Ku kax ma laxlax ilaxle chem supuix ija moklax.

MÜNCHUAK-TSAI 71:16

Ku a Jowan Zang tsak-zong ma paoüi; kue nang müikya, nang tata müikya bama apuküi.

WANGSHEMBU MWOT 14:16

Ami pongma chixe khünaknu a mae changpu le atextex chitole ang koxle hüidaoa.

ISAIA 26:13

Jowanpa kwom Zang, kwom to mixe apün laxle ngole hüipu, ikoxlechu kwom Jowanpa a nang tata wüi.

TSAITONG-KAXTONG 27:10

idaile chix kax ma laxle tüilax ilaxle anyix kue hünzom ang koxle ngokya kaxtombu thomlax.”

MÜNCHUAK-TSAI 20:6

Jowanpa, chixe zünle kopkya wanghompa ang chixe tholün ang tomkya athax kue tsingle; chix otsao zangkangting tokhange chix to chixe lanle, üntoxle chix tsak-zong makhange chix ang tsuakkya koxle.

JEREMIA 32:40

Kue hwom füi oshuk-chitüikya tsaotsüt tuita zingüi. Kue hwom hanpakma müikya mwot mokkya tam-münzak, ilaxle hwom mong makhange abakle ku chathua zale ngo ang tomüi, ikoxle tix hwome ku hato tok chiahoüi.