MIKA 4:4 - OTSAO BAIBEL (BSI)

⁴ Pangnusa wüi tumüi-lomkhaole ngoüi ma grep haxtok hia fupsa pünham khato a, ilaxle owaechu hwom aza-anale chichangüi. Ija kax Jowanpa Khüthak Zang-e tsaodaoa.

MIKA 4:4 ပူးပေါင်းရင်းမြစ်များ

ZEKARIA 3:10

Chemtue ija nyix hüiüihex, hünzom grep haxtok hia fupsa pünbue akhople tumüi-lomkhaole tüikya hia chaza angkya chemchu chitüile tokdomdakya to mongmüi ang hünzome ma tomzi se angkya changle.”

1 WANGHOMBU 4:25

Chix ozün ma ngokya kople, Judah hia Israel angkya khünaknu pangwüi, kako foto makuxkuxle grep manzai hia fupsa pünbu füi ngo.

EZEKEL 39:26

Chemtue hwom ma haxtok ma tamchatle chem chaza angkya chitüile ngopuix, hwom aza-ana angkya mix owachu chitüile a, hwome ku khohangle changkya khoma apongle hüidaokya thama alakle asam ang tsuaküi.

ISAIA 1:20

Ikoxlechu hünzome ku mün amale jangchang, hünzom a zikmüt-mangkho thama ma tüile. Ija a, Jowanpa, kue akaxdaoa.”

ISAIA 54:14

Sukya kaxfün hia süntswone nang tsak-zong ang tomüi. Hünzom a mixe adakya hia thama adünkya füi atsai ngo ang tomüi.

EZEKEL 34:28

Songsari noke athaxpi otuechu hwom thomjole münchangüi, ilaxle faomüibue otuechu hwom langle saxkya kha müntüiüi. Hwom a owaechu hwom to aza-ana angkya chitüile tumüi-lomkhaole ngoüi.

ISAIA 58:14

ile jangchang nange ku thothakya ma kopse mongmüi kopüi. Chaxwannu pangnu thüntho to kue nang achuak-achenle changüi, ilaxle kue hünzom putong Jakop ang koxkya haxtok ma hünzom mongmüi-pwonlale ngoüi. Ija, Jowanpa, kue akaxdaoa.”

ISAIA 40:5

Ifüima Jowanpa fuazang ngaile ahoüi, ilaxle ija khünaknüsa noke wüi ngünüi. Ija a Jowanpa chix jaoe tsaokya kax changle.”

EZEKEL 38:11

Kothongaizakya nok, ojongkha to khünaknu mongsom ma tamchu tumüi-lomkhaole, pan ngax chizaile tamchu zanhukya chemchu chitüile chingcha-ashukle ngole tüikya, ija nok tingtakle chang angkya nang mongto zangwünle tsuaküi.

EZEKEL 34:25

Kue hwom füi tumüi-lomkhaole ngo angkya tsaotsütkya tüiüi. Ija haxtok ma tüikya müima-nyaxshixbu pangwüi max ang tomüi, ile changkox tix wüi ku chunbu wunsa khato tamchu faonu mongto chaza angkya chemchu chitüile jip-pom ang thoüi.

ISAIA 26:16

Nange nang khünaknu to sikangün, Jowanpa, ilaxle fuxtsüi chifün tokhange hwome nang to jop.

LIWI 26:6

“Kue hünzom haxtok ang mongsom koxüi, ilaxle hünzom owa thua zakya chitüile mikngüt müile jip ang kopüi. Hünzom haxtok angkya müima-nyaxshixbu pao ang tsanüi, tamchu tütue chu chaxpwon-zanlekya müntüiüi.

JOB LAIPEX 11:19

Nang a zanpabu thua za-ngo angkya chemchu müntüiüi; Khünakbue nang ang hwom to fonghüile thüiüi.

MÜNCHUAK-TSAI 72:3

Haxtoke ahak-aluakya ma mongzom müikya naxtüi; ija otsao chem hex ija awanle naxkop.

ISAIA 17:2

Siria tingnu a othuithui hanpak ang awütle toxüi. Ibu a chun hia maihubu hanpakma fumtsütnui ang ngoüi, owaechu hwom jwonle münapao.

ISAIA 22:25

Chemtue ija changle hüiüihex, amongle takle thomkya lak a aloxüi ilaxle dütle hüiüi. Ilaxle ikhama bünle thomkya mwot-kat pangwüi ima ashuküi.” Jowanpae ija akaxdaoa.

ISAIA 36:16

Hezekiah kax to taxapa! Tingnu angkya lai ilaxle chak ajong angkya Asiria nok chongwangpae hünzom ang kaxtom koxle. Hünzome ma grep zu angkya grep ziak hia fupsa pün ang fupsa ziak sax angkya hünzom ang danle, ilaxle tichu hünzome ma tüküibu angkya ling ang tomle —

JEREMIA 30:10

“Ku khünaknu, hünzom taxza; Israel khünaknu, hünzom abütkya taxtüi. Ija tsailo nok tokya hünzom kue sünüi, athax hünzom zanda ang ngole tüikya nok tokya a. Hünzom a ma hom to chatüi ilaxle mongsom ma ngoüi; hünzom to chem münthüi: ilaxle owaechu hünzom aza-anale chang ang müntom.

1 WANGHOMBU 5:5

Jowanpae ku apa Dawid füi, ‘Nang sasün owa kue nang füima wanghom ang zingle changüihex, chixe tix ku ang Zangshwom-Hom zaile alaiüi’ le tsaosax. Ilaxle athax kue Jowanpa ku Zang to shwom angkya hanpakma ija Zangshwom-Hom zingüile kue mongzangwünle changdaoa.

WANWÜNKAX 3:25

Chichangchizangkyabu hato asünle hüikya zangchei-zangwat ningkya thua nang za-ngo angkya chemchu müntüi.

ISAIA 32:17

Chemthüikoxle pangnusae wüi chem supuix ija tix moküi, ilaxle othuithui hanpak ang tumüi mongsom hia chalomkya tüile ngoüi.

JEREMIA 23:4

Hwom to humele chang angkya apün-awang angkyabu kue kamüi. Athaxpi ku khünaknu otuechu za-zyenle hia chabüt-lasünle münchangüi, ilaxle kue hwom to tamchatle sik-münangün. Jowanpa, kue ija kax akaxdaoa.”

MIKA 5:3

Ikhoma ija naosa ngün angkya mixcha tuitae nao ngünle changkya kople Jowanpae chix khünaknu a zan-nokbu chak to koxle thomüi. Ifüima zanda ang ngokya Israel khünak ibu ma khünakbu füi tamchatle motomle changüi.

ZEFANIA 3:13

Ota toxle tüikya Israel khünakbue owa zongtochu thaikya mwot chimoküi, chichangba owawa dyen-nganle chang ang münazongüi. Hwom a owa thuachu za angkya chitüile ahak-aluale tamchu khosün ma ngoüi.”