MIKA 4:3 - OTSAO BAIBEL (BSI)

³ Chixe jat-libu ba angkya ala-shakya zangwün fünle faüi, chongkya janzüi füikya tsailo tokya hia soxle tüikyabu bama. Hwome ma changlobu haxkhut kho ang thuple zingüi ilaxle hwom paxbu fumham chang ang jaoüi. Jat-libu tamchatle zan to münkaüi, achax-azan ang tamchatle tha-nyemle chichangüi.

MIKA 4:3 ပူးပေါင်းရင်းမြစ်များ

ISAIA 2:4

Chixe chongkya jat-libu ba angkya ala-ashakya zangwün tsuakle faüi. Hwome hwom changbu han-kho ang achangle thupüi ilaxle paxbu a fumham changlosabu ang thuple alaiüi. Jat-libu tamchatle tata zan to münkaüi, tamchatle achax-azan ang atha-nyemle münchangüi.

HOSIA 2:18

Ipongma kue faomüi janyax pangwüi füi tsaotsütle changüi, ikhoma hwome ku khünaknu to thomzün maklax ang müntomüi. Kue hwom haxtok angkya zankat chang-pax pangwüi awüt faüi, changlo hia hapnu, ibu pangwüi, ilaxle ku khünaknu a tumüi ma chaza angkya chitüile ngo ang tomüi.

WANGSHEMBU MWOT 17:31

Chemthüikoxle chixe zünle kopkya khünak tuita makhange chixe chaxwannu pangnu otsingtsing kaxfün ma kaxfün angkya chixe Hanpak Nyixta tyale thomdaoa. Chixe ija otsingtsing changpule, ija mixsün chatle azangle zo ang tomkya tokhange pangnusa ang wüi angaile fadaoa.”

ISAIA 65:25

Shwon hia chun hosabue tomwüi saxlingle ngoüi; maihue saxkya ningle mailangbue tsaxsa saxüi, ilaxle pubu ma thomzün angkya chemchu chitüiüi. Zaion, ku otsao haxnu ma, thomzün angkya hia ochax chemchu müntüiüi.”

MÜNCHUAK-TSAI 98:9

chemthüikoxle chix a chaxwannu to apün ang nguile. Sukya kaxfün füi tamchu masüi-mix-chilüile chixe chaxwannu angkya khünaknu to apünüi.

MÜNCHUAK-TSAI 96:13

apün-awang angkya hanpakma Jowanpa chaxwannu to nguipongma. Masüi-mixlüi chitüile sukya kaxfün füi chixe chaxwannu angkya khünaknu thakma apünüi.

MIKNGÜN-OHÜN 19:11

Ifüima zangkangting ka daple tüikya kue ngün, ija ma mantho tuita tüikya. Ija mankho ma ngakya mix ang mongong shingmong üntoxle otsingtsing le nyak; chixe kaxfünkya hia azankyabu mwot sukya olom ma mok.

ZEKARIA 14:3

Ifüima, amipongma chix azanle hüikya ningle Jowanpa a ibu jat-libu zan to kaüi.

ZEKARIA 9:10

Jowanpae thüile, “Israel angkya zankat man-kanlinbu kue awütüi ilaxle Jerusalem angkya manbu laxlaxtoxüi; azan pongma twonkya hapnubu amale awütüi. Hünzom wanghompa-e jat-libu füi tumüi lomzingüi; chixe tinu makhange tinu to o-le apünüi, Eufrat shuanu makhange haxtua-zangnam alople.”

MIKA 5:15

Ilaxle ku mongtsik chongkya füi kue ku kax ma chilaxle tüikya onok pangwüi to kue olüix khomüi.”

JOEL 3:2

Ku jat-libu pangwüi asox ang tomüi ilaxle hwom a kaxfün lax angkya haxsha to apüiüi. Ikhama kue hwom bama kax fünüi hwome ku khünakbu to hwondaokya pangnu bama kaxfün faüi.

DANEL 2:44

Wanghom ibue apün-adale ngokya tuk ma zangkangting tokya Zang-e wangting tuita zingle alaiüi, ija chiashuk toxkya wangting ang changüi. Ija wangting to owaechu tingtakle münchangüi, ikoxle mama wangtingbu komkaile amüt laxle ija wangting a oshuk-okim chitüile ngoüi.

ISAIA 60:12

Ikoxle chaxwannu nok owapange hünzom thothale chichangpuix Ibu a komkaile max ang tomüi.

ISAIA 51:5

Ku akhangle nguilaxle hwom khosünle kopüi; kue lüt angkya hanpak soxle tüile. Chaxwannu nok thak ma ku jaojaoe apünüi. Tsailo nokbue ku ngui angkya to hule ngo; kue hwom khosünle kopüi lükya monghom füi hwome hule ngo.

ISAIA 25:3

Tüle tsak-zongle tüikya nokbue nang achuakle changüi; mongtsik ashukle tüikya tingnubu to nang thua zakya tüiüi.

ISAIA 9:7

Chix chongwang janzüi a chong ang chong ang sütüi; chix wangting a jento tumüi-mongsom ma ngoüi. Chixe Wanghompa Dawid mantswon chongwang ningle apünüi, changkya hia sukya a chix tsak-zong chifün ang laxüi, athax makhange oshuk hanpak alople. Jowanpa Khüthak Zang-e ibu pangwüi mok angkya mongzang wündaoa.

MÜNCHUAK-TSAI 82:8

O Zang, oman, keme chaxwan apünhax; jat-libu pangwüi hünzom kux changle.

MÜNCHUAK-TSAI 72:7

Chix tsün ma otsao a tüle putsale naxchang, ilaxle ahak-aluakya lyetnue fale ngokya kople naxngokox.

MÜNCHUAK-TSAI 46:9

Chaxwannu tok angkya achax-azan ngokya chixe azak; hapnubu chixe apak awüt, paxbu amale awüt, üntoxle dibu wün khato tak.

1 SAMUEL 2:10

Jowanpa zanpabu a max ang tomüi; zangkhoting tokhange chixe hwom khangkho ma atsak-adung ang tomüi. Jowanpae zangfang pangwüi kaxfünüi; chixe chix wanghom ang tsak-zong koxüi, chixe zünle kopkya wanghompa ang chixe anao ang tomüi.”

MÜNCHUAK-TSAI 72:3

Haxtoke ahak-aluakya ma mongzom müikya naxtüi; ija otsao chem hex ija awanle naxkop.

ZEKARIA 8:20

Jowanpa Khüthak Zang-e thüile: “Tingnu tingnubu tokhange khünaknu Jerusalem to ngui angkya hanpak hüile ngole.

MÜNCHUAK-TSAI 46:10

Chixe thüi: “Azan ngokya zakün, jat-libu khama apünkya, chaxwannu thakma apünkya Zang a ku changle le awanün.”

HOSIA 2:20

Kue ku kaxtsao thomüi ilaxle nang a ku kux ang achangüi, ilaxle nange ku a Jowanpa changpule ngaiüi.