MIKA 4:13 - OTSAO BAIBEL (BSI)

¹³ Jowanpae thüi: “Jerusalem angkya khünaknu, paokox üntoxle hünzom zanpabu to sikangünkox! Kue hünzom a jan ozong hia khop chisok füikya maihupong tuita ningle tsak-zongle chang ang tomüi. Hünzome jat-libu huanuma olithule changüi, ilaxle hwome changnong-pünthomle kopkya tuinabu hünzome ku Chaxwannu Jowanpa ang kox angkya changpu.”

MIKA 4:13 ပူးပေါင်းရင်းမြစ်များ

DANEL 2:44

Wanghom ibue apün-adale ngokya tuk ma zangkangting tokya Zang-e wangting tuita zingle alaiüi, ija chiashuk toxkya wangting ang changüi. Ija wangting to owaechu tingtakle münchangüi, ikoxle mama wangtingbu komkaile amüt laxle ija wangting a oshuk-okim chitüile ngoüi.

ISAIA 23:18

Thalex laxle she-e kopkya ngun a Jowanpa hanpak ang atsaole danüi. She-e ija athünle münthomüi, ikoxle Jowanpa to shwomkya khünakbue hwom hanpakma laxsese süt hia nyizabu shak ang twonüi.

ISAIA 18:7

Shuanubue atsyenlaxle tüikya haxtok, tsak-zong hia zaxzangle tüikya jat-li, tomchong-hualole tamchu tsangtsa khwon nünfuile tüikya khünakbu, opang thua zangfang pangwüi zale akong ngopuix, ibu koxkya töbu pongle kop angkya Jowanpa Khüthak Zang hato hanpak nguile hüile. Hwom a Jowanpa Khüthak Zang to shwomkya Zaion Haxnu to ngui angkya changle.

1 KORIN 16:2

Ku nguikya zuma ngun saile chingo angkya kuxma, mae kopkyakya ma thütle, nazak nyixnyix hünzom pangnusae wüi ngun hidaopong saile athün thom angkya changle.

ZEKARIA 6:5

Chixe lan: “Ibu a zangchei ali changpu; hwom a athax ile, zangfang pangnu Jowanpa ngwotnui tokya nguikya changle.”

ZEKARIA 4:14

Ifüima chixe akax: “Ija a, pangnu chaxwannu Jowanpa, chix thothale chang angkya hanpakma Zang-e zünle tamchu kamle kopkya mixsün anyi changle.”

JEREMIA 51:33

Lebama wüi hwom a zanpabue hütle langüi ilaxle tsaxnak nui to tsax to nakpupule hwom to tingle akhün toxüi. Ku, Jowanpa, Israel nok Khüthak Zang-e ija akaxdaoa.”

MÜNCHUAK-TSAI 68:29

Jerusalem angkya nang Zangshwom-Hom makhange. Ijongkha a wanghombue nang hato hinghobu apüikya onui changle.

JIHUSUA 6:19

Khop, hun, wi chichangba jan ibu a Jowanpa hanpak ang süidaoa. Ibu a Jowanpa suak ma shoüi.”

ISAIA 5:28

Hwom naxhixbu a tüle anaxle, ilaxle hwom hapnubu a hap ang achwonle tüile. Hwom man chisokbu a long-jan lailaile tsak, ilaxle hwom man-kanlin ochabu shangflo ningle anguix.

MÜNCHUAK-TSAI 72:10

Spain nok hia shuazo angkya wanghombue chix ang hinghobu koxüi; Sheba hia Seba nok wanghombuechix hato töbu apüile koxüi.

TSAITONG-KAXTONG 33:25

Chix tinglongbu a jan zünkaibu füi ziakople naxtüi, Ilaxle jento chix a khangkhosünle naxngo.”

ISAIA 21:10

Ku khünaknu Israelbu, hünzom a wonglai tsax ningle zütdaoa, ikoxlechu athax kue hünzom hato Jowanpa, Israel nok Zang makhange kue atatle laxkya kaxho müikya tsingang koxpu.

JEREMIA 51:20

Jowanpae thüile, “Babilon, nang a ku jantu changpu, azan pongma ku chang-hi-pax a. Kue nang a chaxwannu nok jat-li hia wangtingbu thuple akhix ang twonpu,

HOSIA 10:11

“Hanpak tuita ma Israel khünakbu a, tsaxnak ang achwonle tüikya, mwot anodaokya maihu ningle tüikya. Ikoxlechu osün müikya hwom dingkux ma mui-dang alikle kox angkya kue mongzangwünle tsuakdaoa ilaxle sütsakkya mwot mok ang she atsangüi. Kue Judah ang han ma be ang tomdaoa ilaxle Israel-e muidang linüi.

HABAKUK 3:12

Chaxwannu akaile nang mongtsik füi zan to ka; nang mongtsik füi nange jat-libu abün ang tom.

MÜNCHUAK-TSAI 24:1

Chaxwannu üntoxle ima atüitüi komkaile Jowanpa kux changpu; haxwan üntoxle ima ngokyabu a chix kux changpu.

MIKA 5:7

Israel khünak opang chizile azang laxpuix, ibu a jat-libu hanpakma Jowanpa tokhange ahüikya tamchatle azün ang tom angkya nyenti ang, pünnu kho to puakya maipuabu ningle changüi. Hwome khünak to chichangle Jowanpa to mongongkya tüiüi.

ZEKARIA 12:3

Ikoxlechu chemtue ija hanpak nguile hüiüihex, kue Jerusalem a lixkya longnu tuita ningle achangüi--owa jat-lie ija nwon ang azonglaxüihex hwome maklaxle changüi. Chaxwannu jat-li pangwüi athütlaxle she zan to kaüi.

ZEKARIA 12:6

“Ipongma kue Judah angkya saxthombu faokha tokya wün lailaile achangüi chichangba puamünle ngokya zim angkya wün ningle achangüi--tomzi jat-libu pangwüi hwome amütüi. Jerusalem angkya khünaknu a tingnu mong ma khosün müile ngoüi.