MIKA 3:7 - OTSAO BAIBEL (BSI)

⁷ Opange füichi hanpak bama ajele akaxlaxüihex, hwom kax ningle changle chingaikya zuma hwom thajao-wünhaile changüi. Hwom pangnu wüi thünkhux-thajaole chang ang tomüi chemthüikoxle Zang-e hwom kax to chilan koxle.

MIKA 3:7 ပူးပေါင်းရင်းမြစ်များ

ZEKARIA 13:4

Ija tunu nguile hüisheme, aje owachu mae ngünkya bama tsaichong-kaxbongle chang angkya müntüi. Chixe aje ningle mokle aho tamchu khünaknu dyen angkya hanpakma ajepa hwom za-pua laxle chang angkya mwot chemchu müntüi.’

ISAIA 44:25

Füichi hanpak ajekyabu kue ongat ang achangpu ilaxle lyettex-hantyale akaxkyabu tsingpabu mongsam ang tompu. Jepabu kax kue oba-okha ang achangpu ilaxle hwom hwon-je a ongat changpule ahopu.

AMOS 8:11

“Kue haxtok hato otui-onuak ahüi angkya hanpak nguile hüile. Khünaknu ang wok anokya tüiüi, ikoxle süt saxsele münchang; khünaknu ang ti alankya tüiüi, ikoxle ti lingse le münchang. Hwom a Jowanpa chito khange hüi angkya kaxho bama wokno-tilankya tüiüi. Jowanpa Khüthak Zang, kue ija kax akaxpu.

EZEKEL 24:17

Nang asutle sopkya atat ang taxtom. Nang mongma aho ang khang onglaxle chichangba cha hua ma ahamle taxchang. Nange khang akhole taxchang chichangba mangsop mixbue saxkya süt saxle taxchang.”

1 SAMUEL 28:6

ikhoma chixe chemle thüiüile Jowanpa ma tsaitik-kaxshole chang. Ikoxlechu chix zangwün to Jowanpae chemle chu chilan, wünmang chitochu chiaho, chichangba o-nan machu chidong chichangba ajebu makhangechu chiaho.

LIWI 13:45

Ngwon kak füikya khünake nyi-za otsyen laxüi ilaxle chix khang angkya kho chu chaole thomüi; ilaxle chixe thakchi tun to chwople koplaxle: Ku a chitsaokya mix! Ku a chitsaokya mix! le akhongüi.

MIKA 7:16

Jat-libue ija ngünle laxüi ilaxle hwom tsak-zong ipongle tüikya khato hwom ang mongmale thütüi. Mongmakya khosame hwome hwom tunbu huxüi ilaxle hwom nabu zimüi.

EZEKEL 24:22

Ifüima hünzome, kue chem tsuakdaopuix ija moküi. Hünzome thün to chwople chichangüi chichangba mangsop mixbue sopkya süt chisaxüi.

MÜNCHUAK-TSAI 74:9

Otsao münwan kwom kux komkaile amadaoa; ajepabu tuita danle chitox, ilaxle ija ile chemtukux ngo angkya hex owaechu chiawan.

1 SAMUEL 28:15

Samuel-e Sol ang thüi: “Nange ku ting büthüikoxle atüi? Nange ku büthüikoxle tamchat ang tompu?” Sol-e lan: “Ku a müimamakya khosam ma tüile! Filistia nok ku füi azan ang achwonle tüile, ilaxle ku a Jowanpae dantoxdaoa. Athaxpi chixe kutsai-kukax to chemle chu münlan, ajebu makhange ngaxchu kaxhole münchang, wünmang chitochu münaho. Ikhokhoma kue nang sepu, idaile kue chemle mokse dai ija nange wüi apuale fahüi.”

1 SAMUEL 14:37

Ikhoma Sol-e Zang ma atüi: “Kue Filistia nok to chising hia singüi? Nange kwom ang lüt ang chitom hia tomüi?” Ikoxlechu ija nyix Jowanpae chemle chu chilan.

1 SAMUEL 9:9

Sol-e lan: “Ija a müikya tutex tuita changle! khaxa paohax.” Idaile hokhi a ija otsao khünak ngokya tinglong to ngui. Okhi a tinglong to dong ang haxfa to ahamle tüipongma, hokhi füi ti to za angkya naochabu apong. Okhie naocha ibu ma atüi: “Ajepa tinglong ma chitüitüipuix?” (Ipongma ajepa ang ngünpa le nyak, ikhoma owawae Zang ma tütali atüise jangtsuba, chixe thüiüi: “Aje hato paohax.”)

LAIPAO 9:11

Hing twonmixbu Mosa pomtho to ngui ang chithole chang chemthüikoxle mama Ijip nokbu ningle hwom tochu mak-chake awangle chang.

MIKA 3:4

Hünzome Jowanpa to nyakle akhong angkya hanpak hüile ngole, ikoxlechu chixe hünzom to apaüi münchang. Chixe hünzom zangjop to münlanüi, chemthüikoxle hünzome ochax mwot mokdaoa.

JEREMIA 18:18

Ifüima khünaknue thüi: “Jeremia hanpakma tütali tümok-hax! Kem ang adangle fa angkya hanpakma nguapabu, zün-sai angkya hanpakma jepabu, ilaxle Zang kaxho angkya hanpakma ajebu tüile ngo angkya changle. Kemepi chix ma kaxhux fehax ilaxle chix zangwün to apale taxngohax.”