MIKA 3:6 - OTSAO BAIBEL (BSI)

⁶ “Ajepahom, hünzom hanpak zanghan a kaipu; hünzom zanghannu a dütüi khakha. Hünzome ku khünaknu ochei lom to zunle paokya khoma, athaxpi hünzom ang ajekya zakdaoüi, ilaxle hünzome füichi hanpak bama chemchu akax ang münthoüi.”

MIKA 3:6 ပူးပေါင်းရင်းမြစ်များ

ISAIA 29:10

Jowanpae nang a mik angux ang tomdaoa, mikngüt müile jip ang achwonle ngolax. Ajebu a khünaknu mik ang changsepa, ikoxle Zang-e hwom mik ma zimdaoa.

ISAIA 59:10

ilaxle kwom pangwüi mikpwompabu ningle pwomle aham. Tungto-sejale kwom chikho thu; ija a zangnak-kha ningle tamchu amalumfang zangnak fang ningle süt.

JEREMIA 15:9

Sasün hwom anüt amütkya mixchanu zakmaxle tox, zaksyet ang azongzi. Anyixningkya she zangngai a zangnaknu ang achangle pao; she-e zak kople ilaxle mongkha ma kakle. Anyix ozün ma ngole tüikyabu, hünzom a zanpabu chak to lang ang koxüi. Ija kax, Jowanpa, kue akaxdaoa.”

JEREMIA 13:16

Jowanpa, hünzom Zang achuak kox, chixe zangnaknu ahüiüi thoma, ilaxle haxnubu ma hünzom asuale changüi thoma; hünzome sungle monghom ngokya zangngai chixe zangnaknu ang achangüi thoto.

MÜNCHUAK-TSAI 74:9

Otsao münwan kwom kux komkaile amadaoa; ajepabu tuita danle chitox, ilaxle ija ile chemtukux ngo angkya hex owaechu chiawan.

EZEKEL 7:26

Thama tuita füima mama thama azuile hüiüi, ilaxle kaxho oma a chizopkya jajen ningle thokle hüiüi. Hwome chem ngünpuix, ibu ngaile aho angkya hanpakma hünzom ajebu füi tsaiju-kaxjule changüi. Nguapabue khünaknu hama anwot-ano angkya chemchu chitüile changüi, ilaxle tüichong mixmüibu ma zünkax-saikax chemchu chitüile changüi.

AMOS 8:11

“Kue haxtok hato otui-onuak ahüi angkya hanpak nguile hüile. Khünaknu ang wok anokya tüiüi, ikoxle süt saxsele münchang; khünaknu ang ti alankya tüiüi, ikoxle ti lingse le münchang. Hwom a Jowanpa chito khange hüi angkya kaxho bama wokno-tilankya tüiüi. Jowanpa Khüthak Zang, kue ija kax akaxpu.

MIKA 2:6

Khünaknue ku hama hwon-anole thüi: “Kwom hama hwon taxano. Ijabu bama kwom hama taxwün ngo. Zang-e kwom to anu-ahaile changüi münchang.

JEREMIA 18:18

Ifüima khünaknue thüi: “Jeremia hanpakma tütali tümok-hax! Kem ang adangle fa angkya hanpakma nguapabu, zün-sai angkya hanpakma jepabu, ilaxle Zang kaxho angkya hanpakma ajebu tüile ngo angkya changle. Kemepi chix ma kaxhux fehax ilaxle chix zangwün to apale taxngohax.”

EZEKEL 13:9

Hünzom othai mikngün ngünle ngokya hia othai jekax hole ngokya ajebu, kue hünzom to sikangünüi khakha. Ku khünaknu tsaifün-kaxwünle changkya khama hünzom müntüiüi; hünzom mün a Israel nok nokpubu mün khato müntüiüi; hünzom a hünzom chaxwan to chatle tam-münchat. Ifüima hünzome ku a Jowanpa changle le awanüi.