MIKA 3:11 - OTSAO BAIBEL (BSI)

¹¹ Tingnu angkya pünpa-chongwangbue zuizun kop angkya hanpakmale khünaknu to apün, nguapabue Wanlom a kop ang taile kox, ajebue hwom mikngün ngun hanpak ang tix ngai: ikoxle hwom pange wüi Jowanpa a hwom füi tüile le akax. Hwome thüi: “Kwom hato thomzün chemchu münhüiüi. Jowanpa a kwom füi tüile.”

MIKA 3:11 ပူးပေါင်းရင်းမြစ်များ

JEREMIA 6:13

Khünak pangnusae, chongkya-hixkya noke, huxtsing-loptsang lom tokhange ngun-syen athün ang azongle; ile ajebu hia nguapabue ngaxchu wüi khünaknu dyenlale changle.

ISAIA 1:23

Nang lompabu a alünle ajongkyabu tamchu ahuxmixbu zuikhui ang changdaoa, hwome othuithuima hingho-chaktwon hia zuizunbu pongle kople. Hwome otuechu khwa ma zasa-khaxsabu kho münse chichangba zomnubue apüikya zangwün to nathale münchang.

MIKA 3:5

Hwom ang otha koxle changkyabu ang mongsom koxüile tsaosaxkya ajebue ku khünaknu dyendaoa. Hwom ang otha chikoxkyabu ang ochax-ozan thama apong angkya aza. Ibu ajebu füi Jowanpae akaxle,

JEREMIA 7:4

Hünzome: ‘Kwom to chem münthüi! Ija a Jowanpa Zangshwom-Homnu changle, ija a Jowanpa Zangshwom-Homnu chang, ija a Jowanpa Zangshwom-Homnu changle!’, le thüikya dyen-lakya zangwün to mongongkya zakdao.

1 PITAR 5:2

Atsangle chichang homtoxle mongtsutsu le, Zange hünzom ang koxle tüikya chun zyem nyelax. Omün kop ang chichangle otsing tomtata ma thotha ang mongtsukya füi ma mwot mokkox.

TITA 1:11

Hwom zangwün abax angkya zongpong jao changle, chemthüikoxle hwome ngun kop angkya thünzak mwot anwot-anokya tokhange hwome kako-kako angkhae lanle mong ama ngole.

MIKA 7:3

Ochax mwot mok ang pangnusa wüi tüle anaxle. Nguakax wangkhobu hia kaxfünpabue zuizunbu jule. Tsaipu-kaxpabue ibu hama hwom mongtex wünle koxle, ilaxle ija ningle hwom notom laxle katzua tsuakle.

ISAIA 48:2

Ikoxlechu hünzome mongngam füi hünzom a otsao tingnu nokpu changpu ilaxle hünzom Israel nok Zang to mongongpu, chix mün a Jowanpa Khüthak Zang changpule akax.

JEREMIA 8:10

Ikhoma kue hwom haxtokbu a haxpu ozünbu ang koxüi ilaxle hwom kakonubu a mix ang koxüi. Chongkya hixkya noknusae wüi thaikya olom tokhange ngun athün ang azongle. Nguapabu hia ajebue ngaxchu khünaknu dyenle.

1 SAMUEL 8:3

Ikoxle hokhie hopa mwotlom chito, hokhi a ngun kop angkya zaza to mongkoxle mok, ikhoma hokhie sukya kaxfün chifatox homle zuizun laxlaxle tix tsaifün-kaxwünle chang.

HUAKE LAIPEX 16:15

Mosa ang mongtsik ilaxle Jowanpa füi akaxle thüi: “Khünak ibue koxkya tö tütachu pongle taxkop, kue hwom to chemchu thaile chimok; kue hwom kux mantsak tuita ngaxchu chilax.”

JUD LAIZA 1:11

Hwom a maxsax! Hwome Kain man to. Ngun hanpakma hexle hwom alüile Balam thaikya othai chak to kox. Hwome Korah ningle alün-aloxle ajong, ilaxle chix lailaile hwom amüt.

1 TIMOTHI 3:3

chix a tuita jutok saxngakya mix chichangba hyet lom mix ang chichangüi, jonai ma hia mongsom füikya mix ang achang angkya oli changle; chixe ngun syen to mongkünkya chitüi angkya oli changle;

AMOS 9:10

Ku khünaknu khama opange, ‘Zang-e kem hato thama chiahüi ang khato’ le akaxpuix, ochax khünak ibu a zanhok ma max ang tomüi.”

HOSIA 4:18

Hwome tokle ju lingkya füima, tsangtsa hangkya ma mongzom müi, ilaxle chingcha chitüikya chifün mix achuaksele tsu.

ISAIA 56:11

Hwom a tamchu wok afwotle sax ang chikopkya nüfux füikya hi tuita ningle. Lompa ibu ma tsing-wankya chemchu müntüi. Hwome pange wüi ma mongtsutsu ma mokle ilaxle ma fünmüimüi lomle.

MATHI 3:9

Tamchu Abraham kwom hopa changpule hünzome akaxkya khoma hüiüi tüikya Zang mongtsik chak tokya hünzom azang ang tho angkya oli münchang. Zange ibu longdwon makhangechu Abraham susabu alai ang tho angkya changle.

MALAKI 1:10

Jowanpa Khüthak Zang-e thüile: “Hünzome ku tö-tsap ma chilaxli wün atsople changkya füi, ija abax angkya hanpakma owawae Zangshwom-Hom kahakle namchangbae le kue thütle. Ku hünzom füi mong münmüi; nange ku hato apüikya tö kue pongle münkop.

ZEFANIA 3:3

Ikhama alixachongbu a ahungle ngokya mailangbu ningle; ikha angkya kaxfün mixbu a, müiza nyaxza chemchu ngainopkya zangngai thoma bang ang chitsukya, woknuak ma ngokya shwonbu ningle.

EZEKEL 22:27

Tingpün-nokwangkyabu a, hwom langdaokya müimang ma atinle ashik-akhixle saxkya shwonbu ningle. Hwom ahak-aluale chang angkya hanpakma hwome mix lang mix.

EZEKEL 22:12

Hünzom züizüie omün koxlaxle mix mik amütle. Züizüie mamix Israel khünak tomtom ang thashe koxkya sasün füi achatle laxle, iningle chitüi-chinang tsang-hangkya füi hwom ahak-aluale. Hwome ku alakle awütdaoa.” Jowanpa Khüthak Zang-e ija akaxdaoa.

WANWÜNKAX 17:23

Chichangchizangkya kaxfünpabue huxsa zuizunbu laxle, ikoxle sukya kaxfün a chifa.

ISAIA 5:23

Ikoxlechu zuizun koplaxle hünzome thaikya khünak danle apao, ilaxle chithaikya mix ang sukya kaxfün kop ang chitomle abax.

JEREMIA 23:17

Kue akax daokya kax to mün-apapule angamkya khünaknu füi, hwome chizakle, hwome oma chemchu münapongpule akax ngo. Mongkhüile ngokya khünakbu ang chuwüi hwome thomshix-thama chemechu hwom to nun-maokya müntüipule akax.”

JEREMIA 26:7

Nguapabue, ajebue, ilaxle khünaknu pangnue Zangshwom-Hom ma kue ibu akaxkya atatpu,

EZEKEL 34:2

Chixe ku ang thüi: “Ziün angkya khünak, Israel nok pünpa-chongwangbu tha ajaokox. Hwom hanpakma aje-kox, ilaxle Jowanpa Khüthak Zang-e, kue hwom füi akaxse kax ija hwom füi akaxle changkox: Hünzom Israel nok chunnyetmixbu, hünzom a maxdaoa! Hünzome hünzom mo wünle ikoxle chemtuechu chunbu paktikle münchang.

HOSIA 4:8

Ku khünaknu ochax tokhange hünzom ahak-aluale tsong, ikhoma hwome ochax sisile naxlyen le hünzome thüt.

AMOS 5:14

Oja ochax hex ija chichangle, chem supuix ija mok angkya a nang mongjang ang achanglax, ile chang koxle nang ozün ma ngoüi. Nange akaxkya ningle, Jowanpa Khüthak Zang a otsing tomtata ma nang füi ngoüi.

MALAKI 2:9

Hünzom ku mongtex ma kax ma laxle chitüikya khoma tamchu pangnu to tomwüi chihukya khoma, kue, Israel khünakbu ang hünzom ada ang tomüi.”

HUAKE LAIPEX 22:7

Idaile Moab nok hia Midi nok lompabue, thuakzomle chang angkya hanpakma omün koplaxle Balam hato khünakbu apao; chixe Balam hama Balak-e fakya kaxho kox.

JEREMIA 5:12

Jowanpa khünakbue chix pongle chikop ilaxle akax: “Chixe chemli-chemlichu münmok.”

ZEFANIA 3:4

Ajebu a hünlit ojao chilaxkyabu tamchu ong angkya kha chitüikyabu; nguapabue ikha angkya otsao chitsaokya ang achang, ilaxle ma fün amüi angkya hanpakma hwome Zang wanlom ajoajüi.