MIKA 2:9 - OTSAO BAIBEL (BSI)

⁹ Hwome mongkünle tüikya homkha angkya hünzome ku khünak shekobu jwon, ilaxle othuithui hanpak ang kue hwom ang koxkya naosombu hünzome hwom chak tokya pale pao.

MIKA 2:9 ပူးပေါင်းရင်းမြစ်များ

HABAKUK 2:14

Ikoxle chaxwannu a, tinu thün ma tie awangle tüikya lailaile, Jowanpa fuazang tsingkyae awangle tüiüi.

EZEKEL 39:21

Jowanpae thüile: “Ku fuazangkya hia sukya kax füi apüi angkya hanpakma kue ku tsak-zong chemle twonpuix, ija kue zangfangja hato aho angkya changpu.

2 KORIN 4:6

Khrista thünza ma Zang fuazangkyae nyankya tsingle lax angkya bama kem mongkha to chix zangngaie nyanle fa angkya Zang a “Zangnaknu khatokya zangngai laiün”, le akaxkya Zang tuitata wüi changpu.

2 KORIN 3:18

Idaile kem noknusae wüi thünkhung nyi chithom homle, Jowanpa fuazang ocha ngün ang tomhax; üntoxle Chasa owa, Jowanpa tokhange hüipuix, ija fuazang tuitatae wüi, kem chix lailaile otax-onüi fuazangkya ma lüile azün ang koxüi.

KAXHO MÜIKYA LUK 20:47

Opange zomnubu chwom laxle hwom hombu tsuipuix, ilaxle naxzao le ozulole zangjop puix, ibu Wanlom nwotmixbu hanpakma likhünlax! Akhole ma angkya a hwom sikngün changle.”

MARK 12:40

Owae zomnubu chwom laxle hwom kuxka laxpuix ilaxlechu naxzaole ozulole zangjoppuix; amakya sikngün a hwome kopüi!”

MATHI 23:13

“Wanlom nwotmix hia farisibu a künkux-mongkwombu changle! Hünzom maxsax! Hünzome khünaknu thüntho ma zangkangting ka hakle ilaxle hünzom chuwüi ikhato chidong tamchu ikhato dongse le azongkyabuchu wüi hünzome dong ang chitom.

ZEKARIA 2:5

Jowanpa chixjao ija tingnu zongto wün katuk ang changüi ilaxle chix fuazangkya füi ikhama ngo angkya changle.”

MIKA 2:2

Chemtue hwome haxtok laxse tsupuix, hwome ibu zongma pale lax; chemtue hwom hom laxse tsupuix, hwome ibu lax. Hwom thüntho ma opupu tuina chu chem chithüile thom ang chitho.

JOEL 3:6

Hünzome Judah hia Jerusalem angkya khünaknu tsui paolaxle ochu tokya Grik nokbu ang hwom hangdaoa.

JEREMIA 10:20

Kwom nyihombu amadaoa; ibu to kople thomkya zubu a afündaoa. Kwom naosom hwom pangwüi paole samdaoa; kwom nyihombu chatle ajong angkya owachu chitox; ikha angkya nyibu asha angkya owachu danle chitox.”

MÜNCHUAK-TSAI 72:19

Othuithuima fuazangkya chix mün achuak-achen kox! Chix fuazangkyae chaxwannu awangle naxchang. Amen! Amen!

1 SAMUEL 26:19

Wanghompa, kue akaxse ku kax to tam apahüi. Nang ku zongto zan ang achangle paokya Zang tokhange jangchang, tö koxkya makhange chix mong alüix ang tsuaküi, ikoxle khünakbue alop-alüikya jangchang, Jowanpa thuakzom hwom hato naxhüikox, chemthüikoxle Jowanpa haxtok angkya hwome ku mixnok chaxwan to jwonle apaopu, ilaxle mixnok baozangbu to shwom angkya chifün ma ku asam thompu.

AMOS 2:7

Hwome chitho-chilün hia juafong angkya chitüile maxngokyabu tingle akhündaoa ilaxle mixshix-zasabu hwom lom ang thwomle apaodaoa. Hopa hia sasün nyie danucha tuita füi tomwüi nganguile changdaoa, ilaxle ku otsao mün akhu ang tomdaoa.