MIKA 2:7 - OTSAO BAIBEL (BSI)

⁷ Hünzome Israel khünaknu a othuak-ozom ma ngole le thütpia? Jowanpae adukya amütdaopia? Otsing tomtata ma chixe iningkya mwot mok ang chami? Chixe sukya mwot mokkyabu füi chingcha ma zang münwün hexnyi?”

MIKA 2:7 ပူးပေါင်းရင်းမြစ်များ

MÜNCHUAK-TSAI 84:11

Chingchajaja hia achuak-achenkya füi kem to mohimankya Jowanpa a kem kho-awapa tamchu fuazangkya chongwangpa changle. Sukya mwot mokle changkyabu ang mokle fa angkya Chixe müikya oli tütali tochu münle münthüi.

JEREMIA 15:16

Nange ku füi zangwünpu, ilaxle kue kaxfa tuita chialyetle apapu. Jowanpa Khüthak Zang, ku a nang kux changle, ikhoma nang zangwünbue mongmüi-pwonla tungle ku mongkha awangle.

MÜNCHUAK-TSAI 15:2

Opange pangnu lom ma Zang kax ma laxle tüipuix üntoxle othuithuima changkya mwot mokle tüipuix, opang zangwün sule tamchu mongkoxle tüipuix,

ZEKARIA 4:6

Ifüima kaxtaimixe ku ang, Zerubbabel hato Jowanpa kaxho ija kox angkya akax: “Janzüi makhange münchang, tsak-zong makhange münchang, ikoxle ku Chasa makhange tix, le Jowanpa Khüthak Zang-e thüile.

HOSIA 14:9

Ikhama chem zale tüipuix, jetüi-hwonlangkyabue tsingle naxlaxkox, ilaxle hwome ija mong ma pongle naxkopkox. Jowanpa lomtang a otsing lomtang, ilaxle otsao khünakbu a ija lomtang ma ahamle ozün ma ngoüi, ikoxle hwome ija thajaole tüikya khoma ochax khünakbu a ija ma asuaüi ilaxle atiüi.

ISAIA 50:2

“Ku hwom khose ang hwom hato nguikya zuma khünaknu pongzik chitüile hünzom chem ang thai? Kue nyak pongma hwome büthüikoxle chilan? Ku ma hwom khose ang zong chitüile lehia? Kaxtom tuita makhange wüi kue tinu azop ang tsuak ilaxle ti chitüile ikha angkya nyaxbu naxzi ang shuajen a sak-hax ang achang ang tsuak,

WANWÜNKAX 28:18

Chem supuix ijama ngolax jangchang nang to chem münthüi. Nang sukya olom ma chingo, nang allele dütüi.

WANWÜNKAX 10:29

Chithaikya khünakbu to Jowanpae ziakop thomle, ikoxle thaile mokkyabu amütle.

WANWÜNKAX 10:9

Khünak otsingtsingbu a khangkho azangle changüi, ikoxle thaithaxkya mix a kopüi.

2 TIMOTHI 3:5

otok to ngün ang kopkya tata twonlaxle zanglom tokya ahole hwome ija ma tüikya otsingtsing zong tomtata a chilaxle ahaiüi. Iningkyabu füi atsaile ngolax.

2 KORIN 6:12

Hünzom tho to mix kwome kwom mongka hakkya chichang; kwom tho to mix hünzome ma mongka haklaxpu.

ROM NOK HATO ZAKYA POL LAIZA 7:13

Ile thüikoxle müikyae ku zi ang koxle lehia? Ile otuechu münchang! Ikoxle ochax a ochax wüi changpu le aho ang, üntoxle ochax a onüi ang ochax changpu le ngün ang kox angkya hanpakma, oja müikya tüipuix, ija makhange ochaxe kuma zi angkya alai.

JUHAN 8:39

Hwome chix kax to lanle thüi: “Abraham a kwom Hopa changpu.” Jisu-e hwom ang thüi: “Hünzom Abraham susabu hex thüikoxle Abrahame chem mokpuix ija mokse.

MATHI 3:8

Ija khoma ochax tokya mong chatkya aho ang chem mokse dai ibu moklax.

MIKA 3:9

Ku kax apalax, hünzom Israel nok lompabu, hünzom sukya thua anukyabu tamchu sukya chisukya ang achangkyabu.

JEREMIA 2:4

Jowanpa kaxho to apalax, hünzom Jakop su-sa hwom, hünzom Israel jatlibue.

ISAIA 58:1

Jowanpae thüi: “Tsuakkya pongle hünzom akhong kox! Ku khünaknu Israel nok hama hwom ochaxbu apuale laxkox!

WANWÜNKAX 14:2

Nang thaithaxle taxchang, ijae nang Jowanpa chathua zale tüikya ahole; thaithainyaile jangchang, ijae nang ile müntüile ahopu.

WANWÜNKAX 2:7

Otsao ma hia sule tüikyabu to chixe fongle tamchu chixe hwom kho-awale.

MÜNCHUAK-TSAI 119:65

Jowanpa, nange nang kaxtsao thomdaoa, ilaxle nang a, ku nang dapa zongto müipu.

HUAKE LAIPEX 11:23

Jowanpae lan: “Kutsak-kuzong ma thathüt tüipia? Kue akaxkya kax chichang hia changpuix nange lebama wüi lop ang kopüi!”

MÜNCHUAK-TSAI 119:68

Nang a chemtukux müipuix tamchu chingchale tüipuix! Ku ang nang hwon-nwotbu anole fahüi.

MÜNCHUAK-TSAI 18:26

tsaothakyabu zongto nang tsaothale tüipu, ikoxlechu chichangchizangle tüikyabu zongto zanpa ang changpu.