MIKA 2:4 - OTSAO BAIBEL (BSI)

⁴ Chemtue ija hanpak nguile hüipuix, hünzome apong daokya thama a khünaknue tuita wanwünkax ang twonüi, ilaxle hünzome apongle hüidaokya thama to saile hwome tsai ma ile ngaoüi: Kwom a oli thule amadaoa! Kwom haxtok a Jowanpae laxlaxtoxdaoa Ilaxle ija a zanda ang kwom kople paokyabu chak to koxdaoa.”

MIKA 2:4 ပူးပေါင်းရင်းမြစ်များ

HABAKUK 2:6

Zandabue hwom kople apüikya zanpabu ajao-adale changüi ilaxle hwome apong angkya thama ahole azaüi. Hwome thüiüi: “Oja hünzom kux chichangpuix ija hünzome laxpu, ikoxle hünzom maxsax! Hünzom thashe tsangthom angkya atsang-atsangle hünzom chemtukux ngole hüilaxüi?”

MIKA 1:15

Mareshah angkya khünaknu, Jowanpae hünzom a zan-nokbu chak to koxdaoüi, ibue hünzom tinglong akhople kopüi. Israel nok lompabu a Adulam longkun to paole azwonüi.

JEREMIA 9:10

Kue akaxpu: “Kue haxhuabu mang sople changüi ilaxle müitsomnuibu hanpakma mikfi ajenüi, chemthüikoxle ibu a zile zandaoa, athaxpi ibu akaile owachu münaham. Tsom-pom ahamkya zing ikhato münatat; fao osa hia fao müibu pangwüi paole samdaoa.”

ISAIA 24:3

Chaxwannu a kohwon ang achangle tamchu owüiole amale dantoxüi. Jowanpae akaxdaoa ilaxle ija tsuak angkya changle.

ISAIA 6:11

Kue atüi: “Ija, iningle chemtukux changle ngoüi?” Chixe lan: “Tingnu maxlaxle tamting ang machang tanto: chaxwan longkho jaojao owachu chingokya nuiting ang achangle awütle matox tanto, ile ngoüi.

TSAITONG-KAXTONG 28:29

Anyixningkya zangngai to hünzom a mikpwompabu ningle akhwom ang tomüi. Hünzome ma lomtang atak ang chithoüi. Mokkya mwot tütali machu hünzome kop-lokya chitüile changüi. Othuithuima hünzom to mixe wüi athakle ngoüi, ilaxle tuinabu tsuile paoüi. Hünzom to asun angkya khünak tuita chitüile changüi.

HUAKE LAIPEX 23:7

Balam-e chix jekax akax ang süt: “Ku a Moab nok wanghompa Balak-e apüipu Siria tokya, handünchi haxnu to ngokya a. Chixe thüi: ‘Oman ku füi akaxlax. Israel khünaknu to thuakzomle akaxkox.’

MARK 12:12

Kaxpan ija a hwom to dyenkya kax changpule awanlaxle hwome chix kop angkya oshua lom, ikoxlechu hwom khünaknu thua za. Ikhoma hwome chix danle tox.

ZEFANIA 1:2

Jowanpae thüi: “Chaxwannu ma atüitüi komkaile kue amütüi,

MIKA 2:10

Zolax üntoxle paolax; ikhama athax hünzom hanpakma azang angkya onui müntüi. Hünzom ochaxe ijakha a olithukya thama adündaoa.

AMOS 5:17

Grep haxtokbu ma mangsopkya tüiüi. Ku hünzom to sikangün ang nguile ngokya khoma ija ile chang ang tomüi”, le Jowanpae akaxle.

AMOS 5:1

Kue hünzom ang ngaokya mangsop tsai ija to apalax, Israel khünaknu:

JOEL 1:13

Nyikhwon awunlax ilaxle soplax, hünzom tö-tsap ma thothale ngokya nguapabu! Zangshwom-Hom to nguilax ilaxle zang angaile soplax! Hünzom Zang ang tö kox angkya saxziak hia grepti-ju chemchu müntüi.

JOEL 1:8

Soplax, hünzom khünaknu, naocha tuitae ma tuipa mang sopupu le.

EZEKEL 16:44

Jowanpae akax: “Jerusalem, khünaknue ija wanwün-kax a nang hanpak ang twonüi: ‘Honu chemlehex, Sachachu ija lailaile.’

EZEKEL 2:10

Ija chake ija laitün sha, ilaxle kue ija laitün ma pangnyi chima wüi zale tüikya ningle ngün: mongma mangsopbu hia mongmaxle awaokyabu ikhama zale tüikya.

JEREMIA 14:18

Chemtue ku zang kotho to laile paopuix, kue zanhok ma langkya khünak mangbu ngün; chemtue ku tinglongbu to paopuix, kue khünaknu woknuak ma zile ngokyabu ngün. Zompu-zangpabu hia jebue hwom mwot mokle ngo, ikoxle hwome chem mokle ngopuix hwome chitik.”

JEREMIA 4:13

Hulax, zanpa a zangfwombu lailaile hüile ngole. Hwom man-kanlinbu a shangflo ningle, ilaxle hwom manbu a ola füi ngaxchu süzikle. Kem a samdaoa! Kem a maxdaoa!

ISAIA 14:4

Chemtue chixe ija moküihex, hwome Babilon nok wanghompa ajaole ile akax angkya changle: “Müishix-mixma wanghom nguakdaoa! Chixe athax owawa tochu zothuple münchangüi!

JOB LAIPEX 27:1

Khüthak Zang owae ku ang sukya kaxfün münfale angampuix, üntoxle ku tsün khaxkya ang achangpuix, kue chix mün ma tsaopu,

2 PUKAX-PANGAO 35:25

Ajepa Jeremia-e wanghompa Josiah hanpakma mangsop tsai zing. Chix mang sople changpupu ma, Israel nok tsaipabue ngao ang wanlom tuita ang laxle jao twon Ija tsai a mangsop tsaibu athütle zakya khama bangle.

2 SAMUEL 1:17

Dawid-e Sol hia Jonathan hokhi mangtsale ija tsai ngao,

HUAKE LAIPEX 24:15

Ifüima chixe ija jekax akax: “Beor sasün Balam kaxho, Tsaothale ngün ang thokya, khünak tuita zangwün,

HUAKE LAIPEX 24:3

Ifüima chixe ija jekax akax: “Beor sasün Balam makhange hokya kaxho, Owae tsaothale ngün ang tsuakpuix ija khünak zangwün.

HUAKE LAIPEX 23:18

Ifüima Balam-e ija jekax akax: “Zippor sasün Balak, oman, Ilaxle ku kax to na thale apalax.

JEREMIA 6:12

Hwom hom-haxbu, hwom haxtok hia kakonubu chuwüi mix ang koxdaoüi. Ija haxtok angkya khünaknu to kue sikangün angkya changle.

JEREMIA 8:10

Ikhoma kue hwom haxtokbu a haxpu ozünbu ang koxüi ilaxle hwom kakonubu a mix ang koxüi. Chongkya hixkya noknusae wüi thaikya olom tokhange ngun athün ang azongle. Nguapabu hia ajebue ngaxchu khünaknu dyenle.

MIKA 1:8

Ifüima Mika-e akax: “Ija khokho ma ku mongmaxle mangsopüi. Ku mongma aho ang, ku cha hua ma tamchu nyi-za chilax homtoxle akhople ahamüi. Ku hijan ningle juaüi ilaxle ostris olo ningle ngaoüi.

JEREMIA 9:16

Hwome chu tamchu hwom pupa hwome ngaxchu chemtuechu atat ang chikopkya nok to kue hwom chiakle sam ang tomüi, ilaxle hwom komkaile amütle machang machangle kue hwom amüt ang süpahibu akatüi.”