MIKA 2:3 - OTSAO BAIBEL (BSI)

³ Ikhoma Jowanpae akax: “Kue hünzom hato thama apüi ang mongzangwünle ngole, ilaxle ija chak tokya hünzom azangle pao ang münthopu. Ma thoma alüile hünzom a thama ma bangüi, ifüima hexle athaxpi hünzom ongam ahole aham angkya chitüiüi.

MIKA 2:3 ပူးပေါင်းရင်းမြစ်များ

AMOS 5:13

Ija khokho ma, iningkya ochax lwonkya tuk ma dangjajale ngokya wüi patzankya mwot changle!

JEREMIA 8:3

Ija ochax jat-li angkya khünaknu opang ozün ma atale tüilaxpuix, opang kue hwom chiakle asamkya haxtokbu to ozün ma ngole tüilaxpuix, hwome ozün ma ngokya füi zisele wüi süchongle texüi. Ija kax, Jowanpa Khüthak Zang, kue akaxdaoa.”

JEREMIA 18:11

Ikoxle athax, kue hwom zan to kale hwom to sikangün angkya olom zingle ngole le Judah hia Jerusalem angkya khünakbu füi akaxkox. Hwom ang chichang-chizangkyae awangle chingo angkya kax laxkox: hwom kün-mong hia hwome mokle ngokya mwot dantox angkya akaxkox.

JAKOP 2:13

Chemthüikoxle chingcha chitüikya mix kaxfünkya zuma Jowanpa-e chix to chingchakya müntüiüi; ikoxle kaxfün to ngaxchu chingchae wüi athakdaoa.

MANGSOP 5:5

Mantsakbu hia utbu ningle atsangle jwonle, kwom a na-juale, ikoxle kwom nazak ang ngaxchu müntom.

MANGSOP 2:17

Jowanpae oshukma chixe moküile azakya mokdaoa: Chixe kem chingcha ojao chitüile amadaoa, kaitanto wüi chixe kaxkhün koxle thomdaokya ningle. Chixe kem zanpabu ang lütkya koxdaoa, kem nguakkya to hwom mongmüi ang tomdaoa.

EFISIA 5:16

Hanpak omüi pangwüi sünle koplax, chemthüikoxle idu a chimüikya hanpak zanghanbu changpu.

ROM NOK HATO ZAKYA POL LAIZA 16:4

Okhi a ku khose ang zilax maxlax le azongkya nyi changle. Okhi füi ku ang mong huanuma müipu; ku tata le chichang, mixnok müimuithom pangnusae wüi mongmüipu.

MIKA 2:1

Mik azangle shuile ngo üntoxle ochax mwotlom zingle ngokyabu hanpakma chemtukux khomtsi angkya tüipuix! Chemtue huazungle zangngaipuix, hwome oshua müikya ziasyen atakkya füi tomle, hwome zingle thomdaokya ochax mwot hwome mok.

AMOS 2:14

Tüle zik tsuakkya mix ngaxchu azang ang münthoüi; tsakpa-zongpabue hwom janzüi asamüi, ilaxle süpahibue ma khang azang ang ngaxchu chithole changüi.

DANEL 4:37

“Ilaxle athax, Ku, Nebukadnezar-e Zangkangting tokya Wanghompa ang münchong ngampai hia fuazang koxle achuak-achenpu. Chixe chem mokpuix pangwüi sukya tamchu otsing changpu, ilaxle azo-angamle mokkya mix owachu chixe adang ang thole.”

MANGSOP 1:14

“Chixe ku ochax pangwüi akhi-atak ilaxle ibu pangwüi tuita ma athop; Chixe ibu ku dingkux ma alikle kox, ilaxle ijae lixle ku ang zongsho. Jowanpa-e ku a ku zanpabu chak to kox, ilaxle ku hwom tuto chem angchu chichangle max.

JEREMIA 43:2

Ifüima Hoshaiah sasün Azariah hia Kareah sasün Johanan ilaxle kax ma chilaxle tüikya khünaknue ku hama akax: “Nang a atse ngole. Kwom Ijip nok to kale chingo angkya hanpakma kwom füi akax ang Jowanpae ahüikya münchang.

JEREMIA 36:23

Jehudi-e ija laitün ofa azom hia ali tukux e-le tsuakkya füima, wanghompa-e ibu bit-sa tuita füi zütle akyet ilaxle ibu a wünkha to tswonle awüt. Ija laitün komkaile zokle ashunle machang machangle chixe ile chang.

JEREMIA 34:17

Ikhoma athax, Jowanpa, kue akaxle ngopu, hünzome ku kax ma chilaxle changdaoa; hünzome Israel khünak noknusa ang mongtex ma ngo ang pan-danle münchang. Müihule, athax kue hünzom a mongtex pankya faüi: zanhok ma, okak-olak ma tamchu woknuak-tilan ma hünzom a mongtextex ma mik max ang tomüi. Kue hünzom to chemle mokpuix ija ngünlaxle chaxwannu nok pangwüi abütle chang ang tomüi.

JEREMIA 27:12

Ija kaxkax wüi kue Judah nok wanghompa Zedekiah füichu akaxpu: “Babilon wanghompa chak to koxlax. Chix tamchu chix khünaknu thothale changlax, ikoxtix nang ozün ma ngoüi.

ISAIA 5:19

Hünzome thüile: “Jowanpae chixe moküihex-ole akax daokya nonokhaile naxmokdao, ikoxle tix kwome ija ngünle lax ang thoüi. Israel nok otsao Zang-e chix mwot mokle naxle-kox; chix mongto chemle texpuix, keme shong-huhax.”

ISAIA 3:16

Jowanpae thüi: “Hulax, Jerusalem angkya shekobu chemtukux mongngamle tüipuix! Hwome nakuabu ding to laxlaxle ahamle. Hwom a othuithuima kalombu ang achangle ngo. Hwome zingle-zingle chikap muapong tswonle, ilaxle hwom suakto angkya tu-thuak ajik-ajep ang tomle.

TSAITONG-KAXTONG 28:48

Ikhoma, Jowanpae hünzom hato ahüi angkya zan-nokbu thothale hünzom ngoüi. Hünzom a wokno-tilanle tamchu tsangtsa ma chemngax chitüile tui-nolanle ngoüi. Hünzom bakle olithule machang tanto Jowanpae atsangle afang thomüi.

AMOS 3:1

Israel khünaknu, ija kaxho, oja Jowanpae hünzom hanpak ang akaxle tüipuix, ija to apakoplax, Ijip nok tokya chixe apüikya khünaknu pangnusae wüi a:

AMOS 3:2

“Zangfang angkya jat-li pangnu kha angkya, kue awankya tamchu humele hüikya a hünzom tix changpu. Hünzom ochaxe ipongpong ziama ang tompu, ikhoma, ibu hama, kue hünzom ang sikngün fa angkya wüi changle.”

ISAIA 29:20

Ija a mix to afangle thomkya hia Zang tha ajaokya oshuk ang achangüi. Ochax khünak pangwüi amütüi.