MIKA 2:2 - OTSAO BAIBEL (BSI)

² Chemtue hwome haxtok laxse tsupuix, hwome ibu zongma pale lax; chemtue hwom hom laxse tsupuix, hwome ibu lax. Hwom thüntho ma opupu tuina chu chem chithüile thom ang chitho.

MIKA 2:2 ပူးပေါင်းရင်းမြစ်များ

ISAIA 5:8

Hünzom a maxdaoa! Hünzome tüile ngoünkya tok to obo ang hom-hax hia manzai haxtokbu shaktüi. Alüile chingole haxtok ma nang boboma owachu ngo ang onui chitüile changüi.

AMOS 8:4

Hünzom opange chitüi-chinangbu to tingle afang thompuix tamchu haxtok angkya mixshix-zasabu amüt ang azongle ngopuix, ija to apalax.

JEREMIA 22:17

Ikoxle nange nang hanpak zaza ajangkya ngünle; nange chemngax chichangkya khünakbu lang ilaxle zongzong ma laxle nang khünaknu thakma adale chang. Jowanpae akaxdaoa.

EZEKEL 18:12

chixe mix dyenlale chang, mixkux pa-lole lax, omua ma laxkyabue olüi koxle toxkya chixe lax, chix a songsari baozang shwomnui to pao, nushix dongkya chapabu to shwom,

1 TIMOTHI 6:10

Chemthüikoxle ngun to mongkünkya a ochax pangnu hanpakma otong changle. Züizüie ija kopsele tsukya khoma mongong füi atsaile sam, ilaxle küjo küjekya küntsik mongma olombu tokhange hwom mong max angkya hato ahüi.

MATHI 23:13

“Wanlom nwotmix hia farisibu a künkux-mongkwombu changle! Hünzom maxsax! Hünzome khünaknu thüntho ma zangkangting ka hakle ilaxle hünzom chuwüi ikhato chidong tamchu ikhato dongse le azongkyabuchu wüi hünzome dong ang chitom.

MALAKI 3:5

Jowanpae thüi: “Hünzom khato kaxfün fa-ang ku ngaiüi, ilaxle chajik muashem mwot mokkyabu, chinunchakkaikyabu, othai kaxkhi koxkyabu, mwotmok mixbu to hingchak mün ma sip-ba le changkyabu, zomnu-khaxsabu hia mixnok wünpa to jemle tüikyabu, Ibu opange ku chathua zakya chitüipuix, hwom pangnu hanpakma, ku mik füi ngündaokya kaxkhi kox ang kue hanhomle tanle münngoüi.

MIKA 3:9

Ku kax apalax, hünzom Israel nok lompabu, hünzom sukya thua anukyabu tamchu sukya chisukya ang achangkyabu.

EZEKEL 22:12

Hünzom züizüie omün koxlaxle mix mik amütle. Züizüie mamix Israel khünak tomtom ang thashe koxkya sasün füi achatle laxle, iningle chitüi-chinang tsang-hangkya füi hwom ahak-aluale. Hwome ku alakle awütdaoa.” Jowanpa Khüthak Zang-e ija akaxdaoa.

2 WANGHOMBU 9:26

‘Münyix kue Naboth sasün nyi langkya ngünle. Ilaxle kue nang ang ija haxtok ma wüi sikngün apong ang tom angkya tsaosaxle changdaoa.’ Idaile Joram mang kopkox. Jowanpa tsaotsüt changle ngai angkya hanpakma chix mang a Naboth haxtok ma awütkox,”, le Jehu-e kaxtom kox.

LAIPAO 20:17

“Mixkux-mixka to za-taxlo; mix kakonu, mix da, mix tsom-pom, chichangba mixtui-mixna chemtochu osingkya taxtüi.”

JOB LAIPEX 31:38

Kue manzai ngokya haxtok, opunu chak tokya ahuxle laxkya jangchang;

1 WANGHOMBU 21:1

Jezril ma Ahap wanghom homlo zui ma Naboth le amünkya mixsün kux grep haxtok tüikya.

EZEKEL 8:17

Jowanpae ku ang thüi: “Ziün angkya khünak, nange chuja ngünchami? Judah khünak ibu a, nange ikhama ngünle hüidaokya nushix mwot hia onok to ule tata zan to kale mwop alaikya, ibu füi mongzom chimüile ngokyabu changpu. Münchang, hwom ngui angkya wüi ilaxle hwome ibu ija Zangshwom-Homnu mongma mok angkya wüi ilaxle ku ang tsikle ngokya to kai mongtsik adün angkya wüi changle. Hwome tsuakkya tukuxle ku ang omale thüikya to hulax!

EZEKEL 22:13

“Pa-lole laxngokya hia mix mik amütkyabu khangkho ma kue ku chak ajoüi.

EZEKEL 33:26

Hünzome hünzom changlobu to mongong thompu. Hünzom mwotbu a nushix dongkyabu. Noknusae wüi chinunchakkaile changtüi. Hünzome chem makhange haxtok a hünzom kux changpule ajanglaxpu?

EZEKEL 46:18

Apünkya wanghome chix haxtok ibu boma khünaknu kux laxle chichang angkya oli. Chixe chix sasün hwom ang koxle changkya haxtok pangwüi chix haxtok wankam-kam angkya wüi chang angkya oli, chemthüikoxle mix haxtok pale laxkya füi chixe ku khünaknu to zothup angkya olom münchang.”

AMOS 2:7

Hwome chitho-chilün hia juafong angkya chitüile maxngokyabu tingle akhündaoa ilaxle mixshix-zasabu hwom lom ang thwomle apaodaoa. Hopa hia sasün nyie danucha tuita füi tomwüi nganguile changdaoa, ilaxle ku otsao mün akhu ang tomdaoa.

MIKA 6:12

hünzom hakpabue zasabu müimamale aduk-athang ang tomle, ilaxle hünzom pangwüi tseloplop wüi changle.

ISAIA 3:14

Onok tüichong mixmüibu hia lompabu a Jowanpae kaxfün hato apüi ngole, Chixe hwom ma ile kaxhux fele: “Grep haxtok hünzome amapu, ilaxle hünzom homkha a mixshix-zasabu kux pale laxkyae awangle tüile.

EZEKEL 45:9

Jowanpa Khüthak Zang-e thüi: “Hünzom Israel nok apün-awangkyabu, hünzome okuilole ochax lyenle ngodaoa! Hünzom changnong-pünthomle ngokya hia mix to afangle thomkya zakün. Chem changpuix tamchu supuix ija moklax. Hünzome ku khünaknu ija haxtok angkya tamchatle jwonle chiapao angkya oli. Ku, Jowanpa Khüthak Zang-e hünzom füi ija kax akax ngopu.

AMOS 4:1

Samaria angkya mixchabu, hünzom opang Bashan angkya sütkho nguikya maihubu ningle haxnut-zangfex le tüipuix, opange zong chitüikyabu to ajao-adale changpuix, mixshix-zasabu to afangle thompuix, ilaxle hünzom kakopabu ang ju-sax apüile koxngo angkya kaxtom koxle tüipuix, hünzome ku kax apalax!