MIKA 2:12 - OTSAO BAIBEL (BSI)

¹² “Ikoxlechu Israel khünak hünzom danle toxkyabu, kue hünzom pangwüi asox-atom ang tomüi. Kue hünzom a chunbu opom to wangkya ningle pangwüi chatle asox ang tomüi. Wunsa khato chune awangle tüikya ningle, hünzom haxtok a khünaknue awangle changüi.”

MIKA 2:12 ပူးပေါင်းရင်းမြစ်များ

EZEKEL 36:37

Jowanpa Khüthak Zang-e thüi: “Israel khünakbu ang, tamchatle fonghüile ku füi akax ang tomüi, ilaxle kue hwom a chunzyem tsapupule khünak huak pu-tsale chang ang tomüi.

MIKA 7:18

O Jowanpa, nang lailaikya Zang mama owachu müntüi; atale tüikya nang khünaknu thaikyabu nange alak-hüi. Nang othuithuima mongtsik-mongmale taxngo, ikoxle kwom hato chizakkya mongkün ahokya ma nang ang mongmüi.

MIKA 7:14

Nange zünle kopkya, nang khünaknu thakma chunnyetpa ang changle, Jowanpa. Hwom faokha to süile ngokoxle chu, hwom akhople haxzao füikya haxtok tüile. Kaitokya ningle hwome, Bashan hia Gilid angkya fumtsütnui to paolaxle fum asütle naxchang kox.

MIKA 5:7

Israel khünak opang chizile azang laxpuix, ibu a jat-libu hanpakma Jowanpa tokhange ahüikya tamchatle azün ang tom angkya nyenti ang, pünnu kho to puakya maipuabu ningle changüi. Hwome khünak to chichangle Jowanpa to mongongkya tüiüi.

AMOS 1:12

Ikhokhoma kue Teman tingnu hato kue wün ajoüi ilaxle Bozrah angkya zanhunuibu zokle ashunüi.”

HOSIA 1:11

Judah angkya khünaknu hia Israel angkya khünaknu tuita ang achangdaoüi. Hwome hwom obama lompa tuita wüi zünle laxüi, ilaxle hwom a hwom haxtok ma tamchatle putsale ahak-aluaüi. Changle, Jezril tsün chaxwan-zanghan a huanu chongkya changüi!

EZEKEL 37:21

Hwom hama akaxkox, Jowanpa Khüthak Zang-e pangnu khato chiakle sam ngokya chix khünaknu, ta ma asüilaxle, hwom a hwom chaxwan to tamchatle apüi angkya changle.

EZEKEL 34:31

“Hünzom ku chunbu, kue tsomle thomkya müizyem, hünzom a ku khünaknu changle ilaxle ku a hünzom Zang changpu”, le Jowanpa Khüthak Zang-e akaxdaoa.

EZEKEL 34:22

Ikoxlechu kue ku chunbu kho awale kopüi ilaxle tamchatle owaechu hwom to chisumüile hwon ang müntom. Kue ku chunbu pangwüi to huüi ilaxle müikyabu füi chimüikyabu ajanle changüi.

EZEKEL 34:11

“Ku, Jowanpa Khüthak Zang-e hünzom ang thüipu, ku chunbu kue lomüi ilaxle kue akox-akomle thomüi.

JEREMIA 23:3

Kue chiakle sam ang tomkya haxtok tokya atale tüikya ku khünakbu kue asox-asüiüi, ilaxle kue hwom a hwom haxtok to chatle apüiüi. Hwom ang su-sabu huanuma tüiüi ilaxle khünak huak tüle pu-tsale changüi.

ISAIA 34:6

Chix changlo a, tö kox ang lang pongkya chun aji hia ozao lailaile hwom aji hia ozao füi awangle tüiüi. Jowanpae chix tö a Bozrah tingnu ma koxüi; chixe ija a Edom haxtok ma tö koxle müi langkya khama achongkya ang achangüi.

ISAIA 27:12

Ija nyix, Eufrat makhange Ijip nok longzipong alople, Jowanpae tuita füima tuitale chix khünaknu süile asoxüi; ija a owawae otsa hia wonglai saxtsang süikya ningle changüi.

ISAIA 11:11

Chemtue ija nyix nguile hüiüihex, Jowanpa-e chix tsak-zong tamchatle twonüi ilaxle chix khünaknu opang Asiria nok hia Ijip nok, Pathros, Etheopia Elam, Babilon, tamchu Hamath ibu haxtok to tüikyabu, ilaxle tinu kax achole tüikya hia shuazo to ngole tüikyabu, ibu pangwüi ma chaxwan lomle chat ang tomüi.

JEREMIA 3:18

Israel nok a Judah füi athütüi, ilaxle hwom tomtomle shuakuxchi nok to zanda ang ngole hüikya haxtok tokya, kue hwom pupa hwom ang onyem ang hwom haxtok ang lax ang koxkya haxtok to chatüi.”

ISAIA 5:17

Tingnu thomle maxkya tamting ma chun hosabue hia zwonsabue fum tsütle saxüi.

MIKA 2:13

Zang-e hwom ang lom daple koxüi ilaxle zanda ang ngokya hwom alaile apüiüi. Hwom a tinglongbu pan daple lailaxle mongtex ma ahamle paoüi. Hwom chongwangpa, Jowanpa chix jaoe hwom zunle alaiüi.

MIKA 4:8

Üntoxle nang, Jerusalem, ojongkha ma Zang-e, sailya kho tokhange chun-nyetmix tuita ningle, chix khünaknu to hule nyeüi, ilaxle hünzom kux ang ngokya a pongwün tingnu ang tamchatle achangüi.

MIKA 5:8

Mixjat mixli khato danle toxkyabu a faonu mongto chichangba wunsa khato osüt lomle ngokya mailang ningle changüi: ija chun zyem khama nop, ibu to shing, ilaxle ibu ashikle akhix: ilaxle khosünle kop angkya mongong angkya ojao chitüi.

EZEKEL 34:13

Kue ibu a mixnok chaxwan tokya apüile changüi, athüt-athütlaxle hwom chaxwan to tamchatle apüiüi. Kue tamchatle hwom a Israel haxtok angkya haxnubu hia shuasabu to mongmüi tungtung le fumtsüt ang danle azui ahamüi.

ZEFANIA 3:20

Hanpak a hüile ngole! Kue nang khünaknu afale sam ngokyabu hom to apüiüi; kue nang chaxwannu pangnu khato wüi zangle wün ang tomüi ilaxle nang a tamchatle ahak-aluale chang ang tomüi.” Jowanpae akaxdaoa.