MIKA 2:11 - OTSAO BAIBEL (BSI)

¹¹ “Kaxthai hia dyen-ngankyae awangle, ‘Nang hanpakma ju-sax jenle-jenle naxtüi’ le ajele aham ngokya ajepa ija khünakbue laxse tsule.

MIKA 2:11 ပူးပေါင်းရင်းမြစ်များ

JEREMIA 5:31

ajebue kaxthai zangwünkya boma chemchu münwün; nguapabue ajebu kaxtom ningle apünle, ilaxle ku khünakbue ija to münchangle chithüi. Ikoxle ibu pangwüi ashukle hüikya zuma hwome chemle thüithüi?”

JEREMIA 28:15

Ifüima kue ija Hananiah hama wün ilaxle chizakle akax: “Apakoplax, Hananiah! Nang a Jowanpae tsanle ahüikya chichang, ikoxle hünzome khünaknu ang othai to ong angkya atsing ngotüi.

JEREMIA 23:32

Jowanpa, kue akaxkya zangwün to apalax! Kaxthai zangwüne awangle tüikya wünmang kax akaxkya ajebu zongto ku a zanpa tuita changle. Hwome ibu wünmang baozangbu wün ilaxle ibu hwom kaxthai zangwün hia tsaichong-kaxbongkya zangwünbu füi hwome ku khünaknu lomnong to zunle paole. Kue hwom chiapao chichangba pao angkya kaxtom chifa, ilaxle khünaknu zongto hwom a chemchu chichang. Ija kax, Jowanpa kue akaxdaoa.”

JEREMIA 23:25

Opange ku mün ma kaxthai zangwünle changpuix ilaxle kue hwom ang wünmang chito kaxho fapule ngaipuix, ibu ajebue chem akaxpuix kue tikle ngole.

JEREMIA 23:17

Kue akax daokya kax to mün-apapule angamkya khünaknu füi, hwome chizakle, hwome oma chemchu münapongpule akax ngo. Mongkhüile ngokya khünakbu ang chuwüi hwome thomshix-thama chemechu hwom to nun-maokya müntüipule akax.”

JEREMIA 23:14

Ikoxle ito kaikya mwotma mokkya Jerusalem angkya ajebu kue ngündaoa: hwome chinunchakkai ilaxle atse; othai mwot mok ang hwome khünaknu to asun, ikhoma ochax mwot mokkya abax angkya mix owachu chitüi. Ku zongma hwom pangwüi Sodom hia Gomorah nok füi tomwüi oma changle.

JEREMIA 14:14

Ikoxle Jowanpae lan: “Ku mün male ajebu othai akax ngopu; hwom a kue ajokyabu chichang, chichangba kue hwom ang akax angkya kaxtom koxkya chitüi chichangba kue hwom füi kaxfa tuita chiakax. Hwome akax ngokya mikza wünmang a kuchi tokhange ahüikya münchang; hwome ajekya hia hwome ajangkya tüta angchu münchang.

1 WANGHOMBU 22:6

Ikhoma Ahap-e ajebu sele anop. Hwom pangnu athüt koxle 400 khünak changkya, ilaxle hwom ma atüi: “Ku Ramoth tingtak ang chipao hia paoüi?” Hwome thüi: “Singkox, Jowanpae nang ang lüt ang tomüi.”

1 JUHAN 4:1

Kutüi kunaohom, chasa tüipule athüithüi nok to taxong, ikoxle hwom ma tüikya chasa Zang tokhange hüikya changcha hex le wanle anolax. Chemthüikoxle othai ajebu pangkha towüi paoüna.

FILIPI 3:19

Hwom a haolum to ashuküi; chemthüikoxle hwom zongto Zang a hwom tsangtsa küntsu monglua changle. Hwom azak haxkux ziama hwom ngamle, ilaxle hwome ija chaxwannu ma tüikya mwotkat tata bama ajangle.

ROM NOK HATO ZAKYA POL LAIZA 16:18

Iningle mokkyabue kem Jowanpa Jisu Khrista mwottho thakya münchang, ikoxle hwom wok hanpakma mokwüi. Hwome kaxmüi makhange tamchu tsaisong kaxnong makhange künlan-monglan ma ngokya khünakbu dyenle.

MIKA 3:11

Tingnu angkya pünpa-chongwangbue zuizun kop angkya hanpakmale khünaknu to apün, nguapabue Wanlom a kop ang taile kox, ajebue hwom mikngün ngun hanpak ang tix ngai: ikoxle hwom pange wüi Jowanpa a hwom füi tüile le akax. Hwome thüi: “Kwom hato thomzün chemchu münhüiüi. Jowanpa a kwom füi tüile.”

MIKA 3:5

Hwom ang otha koxle changkyabu ang mongsom koxüile tsaosaxkya ajebue ku khünaknu dyendaoa. Hwom ang otha chikoxkyabu ang ochax-ozan thama apong angkya aza. Ibu ajebu füi Jowanpae akaxle,

EZEKEL 13:22

“Hünzom kaxthai zangwün makhange müikya khünakbu ang hünzome mong ahik. Ibu a kue mong amase lejao chitsukya khünakbu changle. Ochax khünakbue hwom ochaxbu danle toxlaxle khosün atak angkya hünzome abaxle thom.

ISAIA 9:15

Zunu-zupa hia tüichong mixmüibu a okhang: ilaxle othai hwon-nwot apüikya ajebu a omüikuachi changüi!

1 WANGHOMBU 13:18

Ipongma Bethel angkya azupa aje-e thüi: “Ku chuwüi nang lailaikya ajepa tuita changpu, ilaxle Jowanpa kaxtaimixe nang a ku hom to se ilaxle fong asüt angkya ku füi akaxle changdaoa.” Ikoxle ija azupa aje a atsingle akaxkya changkya.

JOB LAIPEX 31:5

Chichangchizang mwot mamokle kue tsaopu; kue mix dyen ang otuechu mün-azongle tsaopu.

WANWÜNKAX 25:14

Chikox angkya khato koxüihex-ole tsaosaxkya khünak a tuita zangngax chiawat angkya to atyenkya zangfwom hia awinkya zangwin ningle changpu.

ISAIA 28:7

Jenu-shipa hia nguapabu ngaxchu juling-saxsax laxle tok-tok-ngale lomnong to paodaoa. Hwom chikho suale laxkya hia jepakya kople hwome okho-anguile jao juling-saxsaxle changle. Ajebu a Zang-e ahüikya mikngünohün ngaxchu tsingle lax ang chithole jue tok, ilaxle nguapabu chuwüi hwom hato apüikya tsetwon-zangwün fünle fa ang ngaxchu khosamle jutok ngo.

HOSIA 7:14

Hwome ku to mongkoxle chijop, itülüi hwome ma alüile tswonle adüt ilaxle songsaribu lailaile mangsop. Chemtue hwome saxziak hia grep ziak hanpakma zangjople changpuix, hwome songsaribu lailaile ma to alüile züt. Hwom ma adukya chem tüi?

MANGSOP 2:14

Nang ajebue nang hama kaxthai zangwün boma mama kaxho angkya chitüi; Hwom hwon-nwote nang ochaxbu kotok to chialaile nang dyenle thom. Hwome nang ang künlop-monglüi angkya mwot müntüile ajang ang tom.