MIKA 2:1 - OTSAO BAIBEL (BSI)

¹ Mik azangle shuile ngo üntoxle ochax mwotlom zingle ngokyabu hanpakma chemtukux khomtsi angkya tüipuix! Chemtue huazungle zangngaipuix, hwome oshua müikya ziasyen atakkya füi tomle, hwome zingle thomdaokya ochax mwot hwome mok.

MIKA 2:1 ပူးပေါင်းရင်းမြစ်များ

MÜNCHUAK-TSAI 36:4

Hwome azünle lya ma shui laxle ochax mwot-mwot ajangle; hwome mokkya müikya tuita müntüi, üntoxle chem ochax hex ija hwome otuechu münmokpule münthüi.

ISAIA 32:7

Ongat-ongüi khünak a ochax khünak changle ilaxle ochax mwot mokle; chixe atsele zangwünkya füi chitüi-chinang khünak tha ama angkya olom zingle ilaxle ibu ang hwom süntswon kop ang chitomle tsyenle.

NAHUM 1:11

Ninewi, nang makhange, chichang-chizangkya mwotlom awangle koplaxle owawa nguile, Jowanpa zongto chichangle tüi angkya mix a.

ROM NOK HATO ZAKYA POL LAIZA 1:30

Hwome tata bato khualop, ilaxle tata mo ama le wün; hwom a Zang thua anukyabu, tata ajaokyabu, ngamkyabu, ilaxle kaxchongbu, hwom a oma mwotlom to khüt-alikyabu; hwome manu mapa kax ma chilax;

JEREMIA 18:18

Ifüima khünaknue thüi: “Jeremia hanpakma tütali tümok-hax! Kem ang adangle fa angkya hanpakma nguapabu, zün-sai angkya hanpakma jepabu, ilaxle Zang kaxho angkya hanpakma ajebu tüile ngo angkya changle. Kemepi chix ma kaxhux fehax ilaxle chix zangwün to apale taxngohax.”

ISAIA 59:3

Hünzom a atsekya, changnong-pünthomle tüikya, hia mix mik amütkya ma thaile tüile.

WANWÜNKAX 4:16

Hwome thaikya mwot lituta mamok tanto chichang-chizangkya khünakbu ang mikngüt münhüi. Owawa to chakmok-janlangle machang tanto hwom mik azang lüwüi ngole.

WANWÜNKAX 3:27

Nange mokle tsuaktang tüipongma, fongse lükyabu to asunle laxkox.

PONGWANG LAIPEX 31:29

Kue nang to tüle chu hwontsuakse, ikoxlechu awün wünmang chito hünpa hwom Zang-e nang aza-anale chichang angkya kaxkhün koxle ku füi akaxdaoa.

WANGSHEMBU MWOT 23:12

Ofüinop züizüi Jehudi khünakbu asox üntoxle Pol lang angkya azua. Ibue Pol malang tanto chemchu münsax münlingpule tsaosax.

JUHAN 19:11

Jisu-e chix kax to lan: “Thakchi tokhange Zange chifa thüikoxle ku zongto tüi angkya zong nang ma chemchu chitüise. Ikhoma, owae ku nang chak to fünle koxlaxpuix, amakya ochax chix ma tüile.”

TSAITONG-KAXTONG 28:32

Hünzome hule ngopongma wüi hünsu-hünsa hwom a mixnok chak to da ang koxle apaoüi. Nyixfokya to hünzome hünsu-hünsa hwom chat angkya to sung-zaole hungoüi, ikoxle hwom otuechu chichat toxüi.

WANGSHEMBU MWOT 23:15

Athax a hünzome tamchu nguawangbue Roman süpahi lompa hato chix bama anaolechu tsaitong kaxza sümüile awanle laxse tsupu, le atsing laxle, Pol hünzom hato ajohüi le kax koxkox. Ilaxle chixe ikha kopüi thoto wüi chix lang ang kwom atha anyemle ngoüi.”

WANWÜNKAX 12:2

Müikya khünakbu füi Jowanpa ang mongmüile, ikoxle chichangkya mwottho zingkyabu tha-ajaole.

KAXHO MÜIKYA LUK 20:19

Ija kaxpan hwom to dyenle akax ngopule awanlaxle Wanlom tsingpabu hia nguapa akhokyabue ikhama wüi Jisu kop ang azong; ikoxlechu hwom khünaknu thua za.

MARK 15:1

Swomsae nguakhobu mixpa tüichongbu hia wanlom nwotmixbu füi tamchu nguawangbu füi katzua tsuak. Hwome Jisu to janbüi füi khak laxle Pilat hato apüile kox.

EZEKEL 11:2

Zang-e ku füi akax: “Ziün angkya khünak, khünak ibue chichang-chizangkya mwotlom zingle alaile ilaxle tingnu ma oma lom apuale koxle.

ESTAR 9:25

Ikoxlechu Estar wanghompa hato ngui, ilaxle wanghompa-e kaxtom koxle laiza afan. Ija laiza makhange, chixe Judah nok mik-amüt ang tungkya khoma Haman-e mik max angkya atak ilaxle sasün hwom a dangzembu ma afünle lang.

ESTAR 5:14

Ikhoma chix kakonu hia hozui hwome mongkho adünle thüi: “75 fit tsuakya dangzembu büthüikoxle chizingpu? Ngainop ima Mordekai takle lang angkya tsaiju-kaxjule mwottsuak üntoxle khangkho chazangle fongsax ang paotsuaküi.” Haman-e ija a müikya olom changpule thüt üntoxle dangzembu zingle achwon.

ESTAR 3:8

Ikhoma Haman-e wanghompa füi akax: “Nang chaxwan zangfang angkya wangtsak ting pangnu khato chiakle tuita jat-li tüile. Hwome mix füi ajüikya wanlombu twonle. Tamtai lechu hwome kem chaxwan angkya wanlombu kax ma münlax, ikhoma ibu ngo ang tomkya ma nang ang olüi chemchu müntüi.

JOB LAIPEX 24:14

Mix mik amütkya mix swomsae wüi zolaxle, tuimix-nuakmixbu lang ang laile pao; ilaxle zangnaknak ma chixe ahux.

WANWÜNKAX 14:22

Nange müi angkya olom ma mwot mokle jangchang thüiningle nange mongong hia e-sele tüikya kopüi; nang ochax hanpakma mwot mokle jangchang thüiningle, nang a thaikya ang changpu.

ISAIA 29:20

Ija a mix to afangle thomkya hia Zang tha ajaokya oshuk ang achangüi. Ochax khünak pangwüi amütüi.

EZEKEL 33:26

Hünzome hünzom changlobu to mongong thompu. Hünzom mwotbu a nushix dongkyabu. Noknusae wüi chinunchakkaile changtüi. Hünzome chem makhange haxtok a hünzom kux changpule ajanglaxpu?

EZEKEL 38:10

Ija a Jowanpa Khüthak Zang-e Gog füi akaxkya kax changpu: “Chemtue ija hanpak nguile hüiüihex, nang mongto chichangle mok angkya ochax mongtex hüiüi.

EZEKEL 46:18

Apünkya wanghome chix haxtok ibu boma khünaknu kux laxle chichang angkya oli. Chixe chix sasün hwom ang koxle changkya haxtok pangwüi chix haxtok wankam-kam angkya wüi chang angkya oli, chemthüikoxle mix haxtok pale laxkya füi chixe ku khünaknu to zothup angkya olom münchang.”

MIKA 6:12

hünzom hakpabue zasabu müimamale aduk-athang ang tomle, ilaxle hünzom pangwüi tseloplop wüi changle.

ZEKARIA 7:10

Hünzom füi tomwüi ngokya zomnu hia khaxsa tamchu mixnok, tamchu owawa asun angkya lomle changkya mix, ibu to adix-adale taxtüi. Ilaxle tata to maklax ang tom angkya mwottho taxzing.’

1 WANGHOMBU 21:7

Jezebel-e lan: “Müidaoa, nang a wanghompa tuita, changcha? Zolax ilaxle ma mong amüi üntoxle süt saxlingle changkox. Naboth grep haxtok kue nang ang koxüihex.”

JOB LAIPEX 15:35

Ochax mwotthobu zinglaxle ochax mwot mokkyabu tüile; Hwom ma tüikya huxkün-lopmong jento mixdyen-mixngankyae awangle tüile.

MÜNCHUAK-TSAI 36:5

Jowanpa, chizakkya nang mongküne zangkho to alople; nang ma mongong tüikya zangdingkho to thule tüile.

MÜNCHUAK-TSAI 58:3

Ochax mwot mokkyabu hwom tsüntsün ma thaile le hwome puxkya tokhange wüi kaxthai zang wünle.

ISAIA 3:14

Onok tüichong mixmüibu hia lompabu a Jowanpae kaxfün hato apüi ngole, Chixe hwom ma ile kaxhux fele: “Grep haxtok hünzome amapu, ilaxle hünzom homkha a mixshix-zasabu kux pale laxkyae awangle tüile.

ISAIA 5:8

Hünzom a maxdaoa! Hünzome tüile ngoünkya tok to obo ang hom-hax hia manzai haxtokbu shaktüi. Alüile chingole haxtok ma nang boboma owachu ngo ang onui chitüile changüi.