MIKA 1:9 - OTSAO BAIBEL (BSI)

⁹ Samaria mak a tam-müitoxüi münchang, ija lailaile ija ningkya thama Judah-echu apong tu nguile; ku khünakbu ngwotnui, Jerusalem tingnu angkya panbu hato, ibu pünle ama angkya tunu nguile hüile.”

MIKA 1:9 ပူးပေါင်းရင်းမြစ်များ

MIKA 1:12

Maroth angkya khünaknu nazak kop angkya sungle tan-ngole, chemthüikoxle Jowanpae thama Jerusalem hato soxle hüi ang tomdaoa.

JEREMIA 15:18

Büthüikoxle ku chizakle sikngünle ngo? Ku mak a büthüikoxle chimüi angkya oli? Ibu büthüikoxle chimüitho angkya? Tsonu khato zople paokya shuasa tuita ningle nang ku ang mong athose thütpia?”

ISAIA 3:26

Tingnu panbu a mangtsakya hia sopkyae awangle tüiüi, ilaxle tingnu jaojao sheko mixnu tuita ohua ma haxkha to thungle ngokya ningle tüiüi.

JEREMIA 46:11

Ijip angkya khünaknu, Gilid nok to paolax ilaxle hinghai to hulax! Hünzom hinghai pangwüi laxli müntüi; chemechu nang kak münamüi.

MIKA 6:13

Idaile hünzom pün angkya hia amüt angkya kue owang wangdaoa.

NAHUM 3:19

Nang thomzün müi angkya olom chemchu müntüi, ilaxle nang mak ang müi angkya fang münchang. Nange thama apongkya zing atatkya pangnue mongmüi laxle hwom chak akhaoüi. Chibak toxkya nang mongtsik chak tokya owangaxchu azangtsuak hexcha?

ISAIA 36:1

Judah ma Hezekiah wanghom ang achangkya zanglao bünba ali to, Sennacherib, owa Asiria nok chongwangpa changkya hex, chixe ziakople panzailaxle ngokya Judah nok tingnubu to tingtak ilaxle ibu hwople kop.

ISAIA 36:2

Ifüima chixe chix nguakax-wangkhobu ang Lakish angkya Jerusalem to pao angkya kax koxle, wanghompa Hezekiah ang chix fang to ngo angkya hanpakma chak ajong ang atsang angkya hanpakma süpahibu huanuma koplaxle pao angkya akax. Thakchi angkya tilax nui tilua makhange hwome nyitak mixbue mwot mokle ngokya lomtang ziakop.