MIKA 1:5 - OTSAO BAIBEL (BSI)

⁵ Israel khünaknue ochax lyen ilaxle Zang zan to kale changdaokya khoma ibu ile changüi. Israel noke Zang zongto tüikya bama owa ma tsaitox kaxfele changüi? She jaoechu chapabu to shwomtole thaidaokya khoma Judah angkya pongwün tingnu Samaria ma feüi hia? Jerusalem ma jao feüi hia?

MIKA 1:5 ပူးပေါင်းရင်းမြစ်များ

AMOS 8:14

Opange Samaria angkya chapabu, Dan angkya baozang mün ma chichangba ‘Bersheba angkya baozang mün ma’ tsaosaxlaxle changpuix, hwom a nguakle paoüi ilaxle tamchatle chizole changüi.”

JEREMIA 2:19

Hünzom ochaxe hünzom towüi sikngün fa angkya changpu, ilaxle hünzome ku hato tok ahokyae hünzome wüi thajao kop angkya changpu. Jowanpa hünzom Zang ku awütle toxkya chemtukux khaxkya hex tamchu thaikya hex ija hünzome awanle laxüi, ilaxle hünzom mongong tüikya füi ku ma ngo ang chikople changüi. Ku, Jowanpa Khüthak Zang-e ija akaxdaoa.”

MANGSOP 5:16

Kwom mongngamle ngokya oli chemchu danle chitox. Kwome ochax lyen, ilaxle athax kwom a maxdaoa.

JEREMIA 6:19

Apalax, Chaxwannu! Hwom mongjang mwot pangwüi ama angkya hanpakma kue ibu khünaknu hato thama apüiüi, chemthüikoxle hwome ku hwon-nwot pongle münkop ilaxle ku zangwünbu kax ma münlax.

JEREMIA 4:18

Nang ngokya zanglao hia nange mokle hüikya mwotbu makhange Judah nange ija nange alüile nang hato apüilaxpu. Nang ochaxbu makhange ija thangnak apong ang tomlaxpu; ijae nang mongtsang apatle tsundaoa.

JEREMIA 2:17

Israel, nange alüile ija nang ding a nange apüilaxpu. Jowanpa, nang Zang ku nange awütle toxlaxpu, lomjang fole kue nang lom azüingale-a.

1 WANGHOMBU 13:32

Bethel angkya tö-tsap hia Samaria angkya tingnubu ma onui-onui to zangshwomnui zaile tüikyabu hanpakma chixe Jowanpa kaxtombu chempang koxle changdaopuix ibu pangwüi changle ngai angkya jaojao changle.”

AMOS 6:1

Zaion ma tokdomdale ngokya khünakbu, tamchu Samaria haxnubu ma chaza angkya chemchu müntüile ngokyabu, onok chongkya Israel haxtok ma chongkya lompabu, opang hato Israel homkhabu asunhüile nguipuix, ibu maxsax!

HOSIA 7:1

“Chemtue kue tamchatle ku khünaknu Israel kak-lak amüikoxse tamchu ahak-aluale tüi ang tomse tsupuix, kue ngün ang kopkya a hwom chichangchizangle tüikya hia hwome mokkya ochax mwot boma chemchu müntüi. Hwome tata dyenle; hwome homdap-pungdong le ahuxle; hwome tingjang lomnu ma khünaknu angkya papalo le lax.

JEREMIA 5:25

Itülüi, hünzom ochaxbu khoma müikya oli ibu hünzome kop ang chitomle abaxle tüile.

2 PUKAX-PANGAO 34:3

Josiah wanghom ang achangkya zanglao 8 lükya to, athaxchu chix naosün ang tüitan, chixe hopu Dawid Zang to shwom ang süt. Zanglao ali füima chixe songsari baozangbu to shwomkya onuibu, baozangchanu Asherah muabu ilaxle mama chapabu, ibu pangwüi ama ang süt.

2 PUKAX-PANGAO 34:4

Chix kaxtom ma Bal to shwomkya ngokya tö-tsapbu ama, ilaxle ija zui ma tüikya ongan müikya so zokle changkya tö-tsapbu atsunle ama. Asherah muabu hia mama chapabu hwome haxkhix labu ang achangle awüt ilaxle haxbu ibu a ibu to shwomle ngokya khünakbu zukting to chiak.

ISAIA 7:9

Israel ma Samaria, ija pongwün tingnu tukux tsak-zong chitüi, tamchu Samaria a wanghom Pekah füi tsak-zongle chitüi. “Nang mongong okui chilolo, nang kui münlopu.”

AMOS 7:9

Isak susa hwome shwomle ngokya nui a pünle amaüi. Israel nok otsao nui a amale dantoxüi. Kue Jeroboam wangting a ashuk angkya hato ahüiüi.”

MIKA 1:13

Hünzom Lakish ma ngokyabu, manbu man-kanlin ma adang koxle. Hünzome Israel nok ochax thüi anole ilaxle Jerusalem ang ochax lyen ang tomle.

1 WANGHOMBU 11:7

Jerusalem zongma handünchi angkya haxnu ma chixe Kemosh, nushix dongkya Moab nok baozang hia Molek, nushix dongkya Amon nok baozang nyi to shwom angkya onui zing.

1 WANGHOMBU 16:24

ifüima Shemar le amünkya mixsün angkya chixe Samaria haxhua khopjan ngunkhix 6000 koxlaxle shak. Omri-e haxhua ma pan zaile ziakop, ilaxle ija Shemar füima, pongwang lükya haxtok hopu mün ma samaria le nyak.

JEREMIA 23:13

Samaria angkya ajebu ochax kue ngündaoa: hwome Bal mün ma akaxdaoa ilaxle ku khünaknu ochei lom to dyenle paodaoa.

JEREMIA 23:14

Ikoxle ito kaikya mwotma mokkya Jerusalem angkya ajebu kue ngündaoa: hwome chinunchakkai ilaxle atse; othai mwot mok ang hwome khünaknu to asun, ikhoma ochax mwot mokkya abax angkya mix owachu chitüi. Ku zongma hwom pangwüi Sodom hia Gomorah nok füi tomwüi oma changle.

EZEKEL 16:46

“Hünna a, she füikya ting-nokbu füi tomle, shuakuxchi ma tüikya Samaria changle. Hünnao a, she füi tomle tüikya tingkhuabu womle, shuathong angkya Sodom changle.