MIKA 1:1 - OTSAO BAIBEL (BSI)

¹ Jotham, Ahaz, hia Hezekiah hwom Judah nok ma wanghom ang ngopongma, Jowanpae chix kaxho ajepa Mika makhange kox. Chix a Meresheth tinglong angkya changkya. Jowanpae Samaria hia Jerusalem bama ibu pangwüi Mika hama ngaile aho.

MIKA 1:1 ပူးပေါင်းရင်းမြစ်များ

JEREMIA 26:18

“Chemtue Judah ma wanghom ang Hezekiah changkya hex, Moresheth ang ajepa Mika-e khünaknu pangnusa hama Jowanpae akaxkya kax apuale thüi: ‘Zaion ma haxkhutle tihax lailaile achangüi; Jerusalem a pünle amakyabu athünkya kha ang changüi, ilaxle Zangshwom-Hom a tuita faonukha ang changüi.’

ISAIA 1:1

Ija laipex ma Judah hia Jerusalem hato fakya kaxho tüile. Ija kaxho a Amoz sasün Isaia hato, Uzziah, Jotham, Ahaz hia Hezekiah, Judah nok wanghombu hato Zang-e ngaile ahokya kaxhobu changle.

HOSIA 1:1

Ija a, Judah haxtok ma Uziah, Jotham, Ahaz üntoxle Hezekiah hwome apünkya tukma tamchu Jehoash sasün Jeroboam a Israel haxtok ma wanghom ang ngokya tukma, Beri sasün Hosia hato Jowanpa tokhange hüikya kaxho changle.

AMOS 1:1

Ija a Tekoa nok angkya chunnyetpa Amos-e akaxkya kaxbu changle. Bütix si angkya zanglao anyi thoto, chemtue Uziah a Judah nok ma wanghom ilaxle Jehoash sasün Jeroboam a Israel nok ma wanghom changkya hex, Israel nok hanpakma ibu pangwüi Zang-e Amos hato ngaile aho.

MIKA 1:5

Israel khünaknue ochax lyen ilaxle Zang zan to kale changdaokya khoma ibu ile changüi. Israel noke Zang zongto tüikya bama owa ma tsaitox kaxfele changüi? She jaoechu chapabu to shwomtole thaidaokya khoma Judah angkya pongwün tingnu Samaria ma feüi hia? Jerusalem ma jao feüi hia?

AMOS 6:1

Zaion ma tokdomdale ngokya khünakbu, tamchu Samaria haxnubu ma chaza angkya chemchu müntüile ngokyabu, onok chongkya Israel haxtok ma chongkya lompabu, opang hato Israel homkhabu asunhüile nguipuix, ibu maxsax!

HOSIA 8:14

“Israel khünakbue chongwang homlobu zingle, ikoxle hwome hwom zingpupa alakle asamdaoa. Judah angkya khünaknue ziakop laxle tingtan-nokzingle. Ikoxlechu kue hwom chongwang homlobu hia hwom tingnubu zokle ashun ang wün ahüiüi.”

HOSIA 4:15

“Israel khünaknu hünzom ku zongto mongong chitüile tüikoxchu, Judah hwom tix ile tix taxnaktüi hom a. Gilgal chichangba Bethawen, ma shwom tole taxchang chichangba ikhama ozün ma tüikya Jowanpa mün ma tsaotsütle taxchang.

ISAIA 7:9

Israel ma Samaria, ija pongwün tingnu tukux tsak-zong chitüi, tamchu Samaria a wanghom Pekah füi tsak-zongle chitüi. “Nang mongong okui chilolo, nang kui münlopu.”

HABAKUK 1:1

Ija a ajepa Habakuk hato Jowanpae ngaile ahokya kaxho changle.

2 PITAR 1:21

Chemthüikoxle khünak tutex makhange hüikya jekax tümüntüi. Jowanpa tokhange hüikya kaxho zex pongma khünaknu a Otsao Chasae koplaxle tüikya.

2 WANGHOMBU 15:5

Jowanpae Uzziah ma ngwon pax ang tom, ilaxle ija chix tsüntsün ma ija kak chipaole ngo. Chix a chix hom homto süile ngo, ilaxle chix sasün Jotham-e wangting apünle ngo.

2 WANGHOMBU 15:32

Israel nok wanghompa, Remaliah sasün Pekah-e apünkya zanglao anyi lükya to Judah nok ma Uzziah sasün Jotham a wanghom ang achang.

2 WANGHOMBU 16:1

Israel haxtok ma Remaliah sasün Pekah wanghom ang ngokya zanglao 17 lükya to, Judah nok ma Jotham sasün Ahaz a wanghom ang achang.

2 WANGHOMBU 18:1

Israel nok ma Elah sasün Hoshea-e apünkya zanglao azom lükya to Ahaz sasün Hezekiah a Judah nok ma wanghom ang achang.

2 PUKAX-PANGAO 28:1

Ahaz a chix zanglao 20 ma tüipongma wanghom ang achang, ilaxle chixe Jerusalem ma zanglao 16 apün. Chixe hopu Dawid angkya müikya zanglom chilax, ikoxle cheme Jowanpa ang mong amapuix, chixe ijaja mok.

2 PUKAX-PANGAO 29:1

Hezekiah a Judah nok ma wanghom ang zanglao 25 ma achang, ilaxle chixe Jerusalem ma zanglao 29 apün. Chix honu a Abijah, Zekariah sacha changkya.

ISAIA 7:1

Chemtue wanghompa Ahaz, Jotham sasün ilaxle Uzziah susün-e Judah apünle ngokyahex, zan lai. Siria nok wanghompa Rezin ilaxle Israel nok wanghompa Remaliah sasün Pekah hwome chemtue Jerusalem to singpuix, ija abakle kop ang chitho.

MIKA 3:9

Ku kax apalax, hünzom Israel nok lompabu, hünzom sukya thua anukyabu tamchu sukya chisukya ang achangkyabu.

ISAIA 1:2

Jowanpae akax: “Ding-hi-hax, kue chem akaxpuix ija to apalax! Kue tux-tsomle atsünkya naosombue ku zan to kale.