MATHI 9:36 - OTSAO BAIBEL (BSI)

³⁶ Khünak othomnu ngünkya zuma chixe hwom to chingchale thüt; chemthüikoxle nyet mix chitüikya chunbu ningle hwom chiakle ngo.

MATHI 9:36 ပူးပေါင်းရင်းမြစ်များ

HUAKE LAIPEX 27:17

azan pongma hwom lom azüi ang thokya khünak, ile changkox tix wüi nang khünaknu, nyetmix chitüikya chunbu ningle chichangüi.”

MARK 6:34

Otue Jisu khua angkya thai, chixe ija khünaknu tusox ngün, ilaxle chix mongkha to hwom hanpakma chingcha dongle tex, chemthüikoxle hwom a nyetmix chitüikya chunbu ningle ngo. Ija khoma chixe hwom hama tüle-tüle anwot-ano ang süt.

JEREMIA 50:6

“Ku khünaknu a chunnyetmixe haxnu to asamle toxkya chunbu ningle changpu. Chun lailaile hwom tuita haxnu makhange ata haxnu to laile samle aham ngo, ilaxle hwome hwom hom ochichi to tüikya dai, ija alakle asam.

MATHI 14:14

Chix laikya zuma khünaknu othom chongkya tuita ngün. Hwom tokya chingchae chixe kakmixbu amüile kox.

ZEKARIA 10:2

Khünaknue jenu-shipa hia chapabu ma tiktole changtüia, ikoxle hwome kopkya kaxlan a chemchu chichangkya othaibu. Züizüie wünmang taile ikoxlechu ija a othai lom to nang zun angkya hanpak zaza; hwome koxkya mongsom ma laxli chemchu müntüi. Ikhoma khünaknu a chun samkya lailaile samle aham ngopu. Hwom a thama ma tüile chemthüikoxle hwom ang lompa müntüi.

MATHI 15:32

Jisu-e chix hato wangshembu nyaklaxle thüi: “Kue ibu khünaknu to tüle chingchale; chemthüikoxle ku füi tomle ngokya hwom nyix azom jao sütüna, ikoxle athax hwom ang sütfun tuita müntüi. Hwom lomba to woknuake maxüi tüile, kue hwom ang süt chiasüt homle apaose münthüt.”

MATHI 15:24

Jisu-e lan: “Ku a samle ngokya chun Israel khünaknu hato nguipu.”

2 PUKAX-PANGAO 18:16

Mikaiah-e lan: “Israel nok süpahi haxhua to, nyetmix chitüikya chunbu ningle chiakle samkya ngün ang kople. Ilaxle Jowanpae thüile: Khünak ibu ang lompa müntüi; hwom zingmüi ma mahom-hom to chat ang tomkox.”

IBRI 5:2

Chix malailai ngaxchu shonaile tüikya daile, chitsing chiwan hia thaikyabu zong to chix jonai le tüi angkya oli changle.

IBRI 4:15

Chemthüikoxle kem-sho kem-naikya to chingcha chitüikya mix chichangle, kem ang, pangnu lom ma wüi kem lailaile thwontsing apong, ikoxlechu ochax chilyenkya Nguakho tuita tüipu.

MATHI 10:6

Ikoxle Israel kako samle ngokya chunbu hato paokox.

1 WANGHOMBU 22:17

Mikaiah-e lan: “Nyetmix chitüikya chunbu ningle kue Israel nok süpahibu haxhua to chiakle samkya ngünle, ilaxle Jowanpae thüile: Khünak ibu ang lompa müntüi. Hwom a mongsom ma hom to chat ang laxkox.”

ZEKARIA 11:16

Kue ku chunzyembu to hu ang chun nye angkya mwot koxle thompu, ikoxle chixe azik-amüt ang aza-anale ngokya chunbu to chemchu münthüitho; chichangba chixe maxsamkyabu to hupu lechu münchang, chichangba maklaxkya humele amüikoxpu lechu münchang, chichangba osüt koxle tuxpu lechu münchang. Itülüi, chixe sünutkya chun omüi sax ilaxle chisokbu thuple asyep le.

ISAIA 13:14

“Babilon ma ngole tüikya mixnokbu, müihap mix thoto müikhi paole azonkya ningle tamchu nyetmix chitüile chunbu samkya ningle masamsam to paole samüi.

MARK 8:2

“Kue khünaknu othom to tüle chingcha maxle; chemthüikoxle hwom ku füi tomle ngokya athax nyix azom nguile hüile ilaxle athax a hwom ma sütling chemchu müntüi.