MATHI 9:13 - OTSAO BAIBEL (BSI)

¹³ Hünzom paolax ilaxle: ‘Kue tö koxkya chichangle chingcha laxse texpu’, le thüikya Zang Kax awanle koplax. Ku a, otsao khünakbu chichangle ochax khünakbu se-lom ang nguipu.”

MATHI 9:13 ပူးပေါင်းရင်းမြစ်များ

MARK 2:17

Jisu-e ija zangwün atatlaxle hwom ang thüi: “Müimüi zangngaile ngokyabu ang kak-hu-mix laxli münchang, kakmixbu zongma laxli changwüi. Ikoxle ku a chongbongkyabu chichangle ochax khünakbu, mongchat angkya hato ahyen ang nguipu.”

KAXHO MÜIKYA LUK 19:10

Khünak Hosa a maxdaokyabu lom ang hia sün ang nguipu.”

HOSIA 6:6

Kue hünzom ma chizakkya mongkün lompu, müi langlaxle tö koxkyabu münchang. Ku khünakbue, zokle ashunle tö koxle ngokya füi ku wüi tsingle namlaxbae le texpu.

KAXHO MÜIKYA LUK 5:32

Kuchu mong chat angkya hato alixachongbu nyak ang chichangle tu khato e-ma chilaxle thomkyabu ahyen ang nguipu.”

MATHI 12:7

Otsao Lai-e thüile: ‘Kue laxse tsukya a tö koxkya münchang ikoxle chingcha laxse tsule!’ Hünzome ija chem ang thüipuix le awanpuix thüikoxba, chithaikya khünakbu tha hünzome münajao ngose;

WANWÜNKAX 21:3

Masüi-mix-chilüile chem supuix ija moklax; ijae Jowanpa ang chix hato tö apüile koxkya thak to mong amüile.

2 PITAR 3:9

Owawae ajangkya ningle Jowanpa a chix kaxtsao mok ang domdai pule münchang. Itülüi, chix a nang füi adule ngopu, chemthüikoxle chixe owachu amütse le müntsu, ikoxle pangnusa wüi ma ochax tokya khosün hato chatle namhüibae le texpu.

WANGSHEMBU MWOT 3:19

Idaile ochax tokya mong chatlax, ilaxle Zang hato hüilax, ikoxletix chixe hünzom ochaxbu fwotle awüt faüi.

WANGSHEMBU MWOT 11:18

Otue hwome ija kax atatpuix, hwome ajao ahai ngokya zak ilaxle Zang achuakle thüi: “Jangchangba Zange mixnokbu angchu monglüi le azang angkya osho apüi fadaoa!”

MATHI 3:2

chemthüikoxle Zang Wangting a soxle hüiüna!”

WANGSHEMBU MWOT 5:31

Israel khünak ang monglüi angkya hanpak kox üntoxle hwom ochaxbu thailak kox angkya bama, lompa hia khosünpa tuita ningle Zange chix ma tsaxchi ma, chix füi tomwüile nwonpu.

KAXHO MÜIKYA LUK 24:47

üntoxle Jerusalem makhange owang wang le chix mün ma ochax thailak atak angkya hia mongchat angkya kaxho pangnu jat-li hato apuk angkya changle, le zakya tüile.

MATHI 4:17

Ija makhange Jisu-e hwon-nwot owang wangle thüi: “Hünzom ma ochax tokya mong chatlax; chemthüikoxle Zang Wangting nguile tüile.”

WANGSHEMBU MWOT 2:38

Pitar-e hwom kax to lan: “Hünzome ochax thailak atak angkya kuxma, hünzom pangnusa wüi ma ochax tokya atsailax, ilaxle Jisu mün ma bapti lax; ikoxle chix hingho Otsao Chasa Zange hünzom ang koxüi.

MATHI 3:8

Ija khoma ochax tokya mong chatkya aho ang chem mokse dai ibu moklax.

WANGSHEMBU MWOT 20:21

Hwom pangnu wüi ma ochax tokya Zang hato chatle, Jowanpa Jisu shwom angkya changle le Jehudi khünak hia mixnok pangnu ang wüi kue otsing tomtata ma kaxkhün tomwüi fadaoa.

MATHI 21:42

Jisu-e hwom ang thüi: “Homzing mixbue chilaxle, awüt thomkya long; homkom-longnu ta ang achangüi”, le thüikya kha Otsao Lai hünzome ele maano hia? Ija a Jowanpa-e mok ang tho angkya ikoxlechu mikngün ma chemtukuxkya ohünotün hex!

MATHI 12:3

Jisu-e hwom ang thüi: “Dawid hia chix füikya khünakbu ang wok ano pongma chixe chemle mokpuix ija hünzome ele ano hexchami?

MARK 12:26

Ikoxlechu ziünkyabu bama, hwom anaole zoüi le, Mosa lai ma, fum ma wün chuakya khama akax ngokya khama, Zange chix ang: ‘Ku Abraham Zang, Isak Zang tamchu Jakop Zang changpu’, le thüikya kha hünzome ele ma ano hexnyi?

JUHAN 10:34

Jisu-e hwom kax to lan: “Hünzom a zangbu changle le wanlom ma zale tüile.

MATHI 19:4

Jisu-e lanle thüi: “Pongwang ma wüi Zange hwom lüka hia sheko le zingpu;

MATHI 12:5

Tomtale wünhax jangthüi: nazak nyixfole zangshwom-hom ma nuikya nguapabue nazak nyix lyen ikoxlechu hwom thaikya ang chilax. Ija bama hünzome wanlom ma ele maano hex nyi?

KAXHO MÜIKYA LUK 10:26

Jisu-e chix kax to lan: “Wanlom ma büle zale tüipuix? Ibu e laxle nange chemtsing?”

MARK 12:33

Khünake mong makhange tamchu tutex füi, tsakzonge abakle, Zang to mongkün angkya oli changle; ilaxle chixe ma tomzi to ma bütukuxle mongkün angkya changle. Müi langlaxle tamchu mama tö koxkya füi ngaxchu kaxtom ija anyi kax ma laxle changkya wüi tüichongpa changle.”

KAXHO MÜIKYA LUK 5:31

Jisu-e hwom kax to lan: “Müimüi zang-ngai le ngokyabue kak-hu-mix lom angkya chem mwot müntüi, ikoxle kakmixbue tix lomüi wüi.