MATHI 9:12 - OTSAO BAIBEL (BSI)

¹² Ija atatlaxle Jisu-e lan: “Kak-hu-mix a müimüi zangngaile ngokyabu hanpak münchang, chix a kakmixbu hanpakma laxli changpu.

MATHI 9:12 ပူးပေါင်းရင်းမြစ်များ

KAXHO MÜIKYA LUK 5:31

Jisu-e hwom kax to lan: “Müimüi zang-ngai le ngokyabue kak-hu-mix lom angkya chem mwot müntüi, ikoxle kakmixbue tix lomüi wüi.

KAXHO MÜIKYA LUK 9:11

Otue khünaknue ija zing atatpuix, hwome chix man to. Chixe hwom mongmüi le pongle kop, hwom hama Zang Wangting bama akax; ilaxle amüi ang lomkyabu ang kak amüile kox.

MARK 2:17

Jisu-e ija zangwün atatlaxle hwom ang thüi: “Müimüi zangngaile ngokyabu ang kak-hu-mix laxli münchang, kakmixbu zongma laxli changwüi. Ikoxle ku a chongbongkyabu chichangle ochax khünakbu, mongchat angkya hato ahyen ang nguipu.”

JEREMIA 33:6

Ikoxlechu ija tingnu hia ima tüikya khünaknu okak-olak pangwüi kue zingle achatkoxüi. Kue hwom hato okhonguikya mongsom hia zazyen angkya chitüile ngo angkya chingcha ahole koxüi.

JEREMIA 17:14

Jowanpa, ku kak amüihüi ilaxle ku kodong-handongle changüi; ku khang azün hüi ilaxtix ku khangkho zangngaikya ang ngoüi. Kue achuakkya a nang changpu!

MÜNCHUAK-TSAI 147:3

Chixe künmax-mongshanle ngokyabu amüile üntoxle hwom makbu to lople koxle.

HOSIA 14:4

Jowanpae thüi: “Kue ku khünaknu tamchatle ku hato apüiüi. Kue hwom to mong makhange zongbakle mongkünüi; athax ku ang hwom füi mongtsikkya müntüiüi.

JEREMIA 30:17

Kue hünzom tamchatle müi ang tomüi; ‘Zaion a pünpao tuita changle, she to hume ang owa müntüi,’ le hünzom zanpabue thüikoxchu, kue hünzom mak amüiüi, Ku, Jowanpae ija akaxdaoa.”

KAXHO MÜIKYA LUK 8:43

Chix ikha to pao ang lom to aham le ngoponge pangnu chito khange khünaknue chix akhop. Hwom khama zangbün anyi aji jenle sikngün ngokya mixcha tuita tüikya; she e she ma atüitüi kak-hu-mix ang koxle ashix, othong chitüikya tswom ikoxlechu owaechu she kak amüi ang chitho.

MÜNCHUAK-TSAI 41:4

Kue thüi: “Jowanpa, kue nang zongto ochax lyendaoa; ku to chingchajaja tüihüi üntoxle ku kak amüile fahüi.”

MÜNCHUAK-TSAI 6:2

Ku shanle paoüna, O Jowanpa; ku to chingchakya tüihüi! Ku a najao nale maxle, ku ang janzüi fahüi;

JEREMIA 8:22

Gilid nok ma hinghai müntüi hexnyi? Ikhato doktorbu ojao müntüi hexnyi? Chemkhoma, ku khünaknu kak-lak puix tamchu, ku khünaknu ang kak müidaimami?

KOLOSI 4:14

Kwom doktor Luk hia Dema nyiechu hünzom hato salam fale.

MATHI 18:11

Chemthüikoxle Khünak Hosa a maxle ngoünkya lom ang hüikya changle.