MATHI 8:2 - OTSAO BAIBEL (BSI)

² Iponge angwonpa tuita chix hato hüi üntoxle chix chitong ma akhuxlaxle thüi: “Nwotmix, nang mong jangtsu thüiningle nange ku amüi fahüi!”

MATHI 8:2 ပူးပေါင်းရင်းမြစ်များ

MATHI 18:26

Ija dae wanghompa cha to twonle akhuxlaxle chix tong shwomle thailak ju, ‘Ku to chingchalaxle shongaduhüi, kue nang ang bakle achat faüi jao!’

MATHI 15:25

Ijama she hüi üntoxle chix chitong ma akhuxle shwomle akax: “Alixachong ku to chingcha fa!”

1 KORIN 14:25

chix huxsa mongjang ko to angaiüi, ilaxle “Otsing tomtata ma hünzom khama ikhama Zang tüile”, le angaile chix akhuxlaxle Zang to shwomüi.

WANGSHEMBU MWOT 10:25

Hwome hom alople Pitar nopüi khakha tüipongma Kornelia-e chix wünpwonle Pitar chato twonle akhuxle shwom.

JUHAN 9:38

Ija mixsüne lan: “Kue ongpu, Jowanpa.” Ilaxle chixe Jisu shwom.

MATHI 28:17

Hwome chix ngün ang kopkya zuma, züizüi mongto changpule chitex koxlechu hwome chix shwom.

KAXHO MÜIKYA LUK 4:27

Üntoxle Elisha ajepa tsün ma Israel haxtok ma angwonkyabu tüihukya; ikoxle hwom owachu chiamüi; Siria nok Naman tata amüi.”

MATHI 26:6

Athax Bethani ma Jisu, angwonpa Simon hom ma ngoponge,

MATHI 20:20

Ifüima Zebedi kakonu sasün nyi kop laxle hüi, ilaxle Jisu chitong ma akhuxlaxle chix ma lita kax ju.

MATHI 14:33

Ijama ikhama tüikya wangshembue chix shwomle thüi: “Otsingtsingma nang a Zang Hosa changpu.”

MATHI 13:58

Hwome chix to chiongkya khoma ikhama chixe ohünotün mwot chemchu chimok.

MATHI 9:18

Chixe hwom hama ibu akaxle ngopongma alixachong tuita nguilaxle chix tong shwomle akax: “Ku sacha athax ile zile paoüna; ikoxlechu nang nguilaxle she to jangtwon thüiningle she azangle zo angkya changle.”

2 WANGHOMBU 15:5

Jowanpae Uzziah ma ngwon pax ang tom, ilaxle ija chix tsüntsün ma ija kak chipaole ngo. Chix a chix hom homto süile ngo, ilaxle chix sasün Jotham-e wangting apünle ngo.

2 WANGHOMBU 5:27

Ikoxle athaxpi Naman kaklak pangwüi nang ma paxüi ilaxle nang tamchu nang sixlibu ma ija kak othuithuima ngoüi!” Chemtue Gehazi ikha angkya achexle paopuix, chix ma ija ngwon pax ilaxle tsangtsa khwon pangwüi a-te le thole pao.

HUAKE LAIPEX 12:10

tamchu zangfwome Nyihom dantoxüi ma, Miriam tsangtsa ma ngwon mak laile tsangtsa khwon bakle pakai lailaile tho. Arun-e she to hupongma she tsangtsa a ija kak füi awangle ngün.

MIKNGÜN-OHÜN 19:10

Chix shwom ang ku chix chitong ma akhux, ikoxle chixe ku ang thüi: “Nange ile taxchang! Kuchu wüi hünzom füi tamchu hüntüi hünnaohom, opange Jisu-e angaikya otsingtsing ma shingmongle koplaxle tüipuix, hwom lailaikya da tuita changle. Zang shwomkox! “Chemthüikoxle Jisu-e angaikya otsingtsing a cheme ajebu mong ma zangwün puix ija changpu.”

MATHI 28:9

Allele Jisu hwom füi apong üntoxle thüi: “Hünzom füi mongsom naxtüi!” Hwom chix hato hüi ilaxle chix cha to twonle chix shwom.

MATHI 10:8

Kakmixbu amüikox; faikyabu amüikox; zidaokyabu azünkox; haxshix chasabu jwonle apaokox; hünzome amuale koppu, amuamua le laxkox.

MATHI 4:9

“Chikux athong laxle nange ku to jangshwom thüiningle, ibibi pangwüi kue nang ang faüi”, le baoe akax.

MATHI 2:11

Hom hommong to dongle hukoxle naosa a honu Meri füi ngün, ilaxle hwome akhuxle chix shwom. Hwome makuxkux hingho shepbu alaile, hun, so tamchu ongan müikya thalix hinghobu chix ang kox.

2 WANGHOMBU 5:1

Naman, Siria nok süpahi lompa tuita, Siria nok wanghompa-e tüle achuak-achenle changkya mixsün tuita changkya. Naman makhange Jowanpae Siria nok süpahibu ang zannokbu to anaole chang ang tomkya khoma wanghompa-e chix to onüi e-sele chang. Chix a süpahi khama lompa tuita, ikoxlechu ngwon kak makhange chix ang mongthangle ngo.

2 SAMUEL 3:39

Ku a tuita Jowanpae zünle kopkya wanghompa changle, ikoxngaxchu anyix ku ang zong chitüile changkya kue tikle laxle. Zarüiah sasün hwom a ku zongto huanuma wüi changnong pünthomle tüile. Hwome lomkya ningle Jowanpae ija mütkop bama hwom to sikangünle naxchang kox!”

MATHI 8:1

Otue Jisu haxhua tokya ju, khünaknu othom chongkya tuitae chix man tole hüi.

MATHI 8:25

Iponge wangshembu chix hato hüilaxle azwotle thüi: “Jowanpa! Kem azün hüi; kem pi maxkya changa!”

WANGSHEMBU MWOT 10:14

Pitar-e lan: “Jowanpa, ile otuechu münchangüi! Kue chisax chilingkya olile atsaokya jatjat kue otuechu münsax münlingüi.”