MATHI 7:7 - OTSAO BAIBEL (BSI)

⁷ “Julax, ikoxletix ija hünzom ang koxüi; lomlax ikoxletix ija hünzome ataküi; tamchu honglax ikoxletix ija hünzom ang daple koxüi.

MATHI 7:7 ပူးပေါင်းရင်းမြစ်များ

MATHI 21:22

Hünzome jangong thüiba, hünzome zangjop pongma ajuju komle koxüi.”

1 JUHAN 3:22

Keme chix kaxtombu kax ma lax üntoxle cheme chix mong amüipuix ijaja mokkoxle chix ma ajuju keme koppu.

JUHAN 15:7

Hünzom ku ma jangngo tamchu ku kax hünzom ma ngo ang jangtom, hünzome chem laxse tsupuix, ajuju pangwüi hünzom ang mokle koxüi.

MARK 11:24

Ija khoma kue hünzom ang thüipu: Otue hünzome chempang bama zangjop üihex tamchu juüihex, hünzome ibu kopdaoa le onglax, ile hünzome chem jupuix ija kopüi.

JEREMIA 33:3

“Ku nyaklax, kue nang kax to lanüi; nange tsingle chingokya ohünotün hia khomtsikya jali nang hama wünüi.

MATHI 6:33

Itülüi thüikox hünzome pongwang ma chix wangting hia chix otsao shonglomlax; ifüima ibu pangnu chixe hünzom ang kox angkya changle.

MATHI 7:8

Chemthüikoxle ajuju ang kox angkya changle; alomlome atak angkya changle; tamchu ahonghong ang ka daple fa angkya changle.

JUHAN 15:16

Hünzome ku zünle kopkya chichang, ikoxle otsün lole ngokyali oziak huanuma ziakle pao angkya hanpakma kue hünzome zünlaxle kamle koppu. Ikhoma hünzome ku mün ma chix ma ajuju komle chixe kox angkya changle.

IBRI 11:6

Mongong chitüi homtoxle owaechu Zang mong amüi ang müntho, chemthüikoxle chix hato hüikya pangnusae, Zang ozün ma tüikya tamchu chix alomlom ang onüi kop-lo ang koxkya to mongong tüi angkya changle.

WANWÜNKAX 8:17

Kue ku to mongkünkyabu to mongkünle; opange ku lompuix ibue ku ataktsuaküi.

MÜNCHUAK-TSAI 10:17

Jowanpa, nange a puinaikyabu zangjop to apa angkya wüi; nange hwom ang chachen-mongchen kox angkya changle.

JUHAN 4:10

Jisu-e lanle she ang thüi: “Nange Zang hingho hia nang ma ‘Ku ang lingti laxhüi’, le jukya khünak jang awan laxba, nange chix ma mix ija ti juse ilaxle chixe nang ang khüzün ti fasedai.”

MATHI 18:19

“Tamnüilechu kue hünzom ang thüipu: Hünzome zangjop makhange mixhuak anyi notom laxle ju-lomkya tütalichu zangkangting tokya Apae hünzom ang chifale müntüiüi.

AMOS 5:4

Jowanpae Israel khünaknu füi akax: “Ku hato oman, jangchangba hünzom ozün ma ngoüi.

JAKOP 5:15

Hwome mongong makhange jopkya ija zangjope kakmix amüiüi; Jowanpa-e chix ang tsangtsa ma chatle zong koxüi, ilaxle chixe lyenkya ochaxbu thailak faüi.

MÜNCHUAK-TSAI 27:8

Chemtue nange: “Oman, ku to shwomlax le thüipuix, Jowanpa, ku nguiüi”

KAXHO MÜIKYA LUK 18:1

Mong chihix le othuithuima zangjop angkya changle le chix wangshembu hama apua ang Jisu-e ija kaxpan tuita akax.

MATHI 7:11

Hünzom chimüikoxle ngaxchu masu masa ang müikya jali kox ang awanle jangchang thüiba, zangkangting to ngokya hünzom Hopae, chix ma ajuju ang amüimüi kox ang münawanüi hia?

MÜNCHUAK-TSAI 50:15

Thangnak apong pongma ku selax; kue nang khosünüi, ilaxle nange ku achuaküi.”

TSAITAX-NGAONÜI 3:2

Chix lom ang ku tingnu akaile pao, ibu tingjang lomnu hia homsam-pungba to. Kue künkak-mongkünle tüikya mixcha lom. Kue lomle hu, ikoxle chix a chiatak.

ROM NOK HATO ZAKYA POL LAIZA 2:7

Züizüi khünake mwot müikyakya wüi mokle ngole, ilaxle fuazangkya, üntoxle otuechu chizi chimax angkya tsün lomle; Zange hwom ang oshuk chitüikya tsün khüzün koxüi.

MÜNCHUAK-TSAI 119:12

Kue nang achuakpu, O Jowanpa; ku hama nang lomtangbu anole fahüi.

MÜNCHUAK-TSAI 86:5

Nang a kwom zongto müile tamchu kwom ang thailak tüile, nang to jop-tokyabu hanpakma chizakle künkya nang mongkün tüile.

MÜNCHUAK-TSAI 70:4

Nang hato opang nguipuix hwom pwonla dongle mongmüi ang tomkox. Nang khosün hanpakma nang ang münchong fale ngokyabu pangnue othuithuima nax akax: “Zang a chemtukux chongpuix!”

MÜNCHUAK-TSAI 69:32

Chemtue mix fangto ngokyabue ija ngünüihex, hwom ang mongmüikya tüiüi; opange Zang to shwomle tüipuix, hwom ang mong achenüi.

1 WANGHOMBU 3:5

Ijama wünmang chito Jowanpae chix hato ngailaxle atüi: “Kue nang ang chem fakoxle müisele nange thütpu?”

MÜNCHUAK-TSAI 10:4

Chichangchizangkya khünake Jowanpa bama tuitex chemchu müntüi; hwom mongngam makhange hwome thütle Zang a chem mwot mütüi.

KAXHO MÜIKYA LUK 13:25

Hom hopupa zoüi ilaxle ka haküi; ifüima homthoma ajong laxle kahak to hongle, ‘Kwom ang ka daple koxhüi, O, Opunu’ le nyak kya zuma chixe hünzom kax to lanüi: ‘Hünzom ojong tokya hüipuix kue münawan!’

MÜNCHUAK-TSAI 34:4

Kue Jowanpato zangjop üntoxle chixe ku zangjop to lan; chazale ngokya pangnu chak tokya chixe ku khangkho zang angai.

MÜNCHUAK-TSAI 37:4

Nange ma mongmüi Jowanpa ma lomlax, nang mong ma atsutsu chixe nang ang faüi.

ISAIA 30:19

Hünzom Jerusalem ma ngokya khünaknu otuechu münsopüi. Jowanpa a chingchae awangkya changle, ilaxle chemtue hünzom chingcha jule chix hato sople akhongüihex, chixe hünzom zangjop to lanüi.

PONGWANG LAIPEX 26:32

Ija nyixkha wüio le Isak dabue hwome tüküi thole alaikya apua. Hwome thüi: “Kwome ti atakdaoa.”