MATHI 7:21 - OTSAO BAIBEL (BSI)

²¹ “Ku ang Jowanpa le anyaknyak pangwüi Zangkho Wangting to ngui ang thoüile münchang; ikoxle ikha a, zangkangting tokya Apa mongtex ma saxmokkya mixe tix atak angkya onui changle.

MATHI 7:21 ပူးပေါင်းရင်းမြစ်များ

ROM NOK HATO ZAKYA POL LAIZA 2:13

Idaile wanlom na ma atatkyae Zang thüntho ma khünak otsao ang achangüile münchang, ikoxle wanlom ma tüikya ningle mokkya mix tix sukya ang achangüi.

KAXHO MÜIKYA LUK 6:46

“Hünzome ku ang Jowanpa, Jowanpa, le büthüikoxle nyakpu? Ikoxle kue akaxkya kax ma a chimok?

JAKOP 1:22

Chix kax apa lanlankyae nang to dyen-ngan ang taxtom; itülüi, Ija mwot ang achangle mok kox.

KAXHO MÜIKYA LUK 11:28

Ikoxle Jisu-e lan: “Itülüi Zang Kax apalax. Ija kax ma laxkyabu sisi tamtai mohimankyabu changle!”

TITA 1:16

Hwome Zang tsingle le thüitüia, ikoxlechu hwom mwot makhange chitsing khato le ahole. Hwom a, müikya mwotli tuitachu mok ang chiasukya miktsak füikya hia kax ma chilaxkyabu changle.

IBRI 4:6

Kaxho Müikya pongwang ole atatkyabu thome Ija nazak pongle chikop, chemthüikoxle hwome chiong. Ofüima ija pongle lax ang koxkya mamabu tüihule.

JUHAN 6:40

Chemthüikoxle Hopa mongtex a ija changle: Opange Hosa ngünpuix tamchu chix to ongpuix, hwom ma oshuk chitüikya khüzün tüiüi; Ilaxle oshuk nyix kue hwom ozün ma ngo ang tomüi.”

MIKNGÜN-OHÜN 3:5

Zan to lütdaokyabu ang ija lailaile nyi tsekya awunle koxüi, ilaxle khüzün Laipex angkya hwom mün otuechu münamüt. Apa thüntho ma tamchu kaxtaimixbu pomtho ma hwom a ku kux changpu le kue ngaile akaxüi.

1 PITAR 4:2

Athax makhange atale tüikya hünzom chaxwannu tsün khünak küntsu monglua ma chichangle Zang mongtex ma akumathum le ngo angkya changle.

IBRI 13:21

Chix mongtex mwot mok ang mongsom Zange hünzom hanpakma laxli müikya oli pangnu füi angui awangle naxfa, tamchu Khrista makhange chixe chix mong amüi angkya oli kem ma naxmok. Üntoxle othuithuima Khrista ang fuazangkya naxchang! Amen.

MATHI 12:50

Chemthüikoxle owae zangkangting tokya Apa kax ma laxle tüiüi hex, ibu tix ku zongto anu tamchu kunao hwom changpu.”

MIKNGÜN-OHÜN 22:14

Ma zapua sole atsao daokyabu mohiman, chemthüikoxle khüzün pün angkya pünziak sax ang tamchu ngailombu makhange tingnu to dong ang hwome ataküi.

JUHAN 3:5

Jisu-e lan: “Otsingtsingma kue nang ang thüipu, khünak tuita ti ma hia Otsao Chasa ma chipux jangthüiba chix zangkang ting to nop ang tsuak angkya fang münchang.

MATHI 18:3

ilaxle akax: “Mong ma koplax, hünzom ang mongnai laxle ija naosa ningle machang tanto, hünzome Zang Wangting to nop ang münkopüi.

JUHAN 7:17

Khünak owae Zang mongtex ma mok ang tsupuix, chixe ku hwon-nwot Zang makhange akax pia hia ku mongtex ma akaxpuix, awanüi.

ROM NOK HATO ZAKYA POL LAIZA 12:2

Kotok to ngünkya chaxwannu zanglom ningle taxngo, ikoxle nang khangka tutex pangnu alüixle Zang ang nang kün-mong lüi ang laxkox. Ifüima müikya chemhex, chix zongma chem müipuix, ilaxle okhonguikya chem hex: Ija Zang mongtex nange awan ang thoüi.

MARK 3:35

Jowanpa mongtex ma owae mokpuix, hwom a kutüi-kunaohom tamchu ku anu changpu.” Hwom a kutüi-kunaohom tamchu ku anu changpu.

1 THESALONIKA 5:18

tütatue hex münchong fale tüikox, Khrista füikya notom ma hünzom tsün ma Zang mongtex a ija changle.

EFISIA 6:6

Hwome nang ang sule naxthüi le, hwome hünzom to hule ngopongma tata ile taxmok; ikoxle Khrista ma dahaibu ningle, Zang mongtsukya chemhex ija to mongkoxle mokkox.

1 PITAR 2:15

Chemthüikoxle hünzom mwot müikya tokhange ongatbue kaxbi ngaoba kaxzexkya adang angkya Zang mongtex changle.

MATHI 25:21

Opunue chix ang thüi: Müidaoa! Nang a müikya tamchu mongong tüikya da changle. Nang ang hidaole wüi koxkya ngun nange otwon manle twondaoa; idaile kue nang ang süluikya mwot twon ang faüi. Donglax ilaxle ku mongmüi süntswon ma womlax.

1 THESALONIKA 4:3

Hünzom otsao ma tamchu chinunchakkaikya füi atsaile ngo angkya Zang mongtex changle.

KOLOSI 4:12

Tuita Jisu Khrista da, tamchu hünzom othom kha angkya Epafra tokhange salam. Tsün tsongdaokya tamchu mong komle alüix daokya khristanbu ningle, Zang mongtex kax ma laxlaxle hünzom shingmong le ajong ang koxhüi le Zang ma jule, chixe hünzom hanpakma jento zangjople.

KAXHO MÜIKYA LUK 13:25

Hom hopupa zoüi ilaxle ka haküi; ifüima homthoma ajong laxle kahak to hongle, ‘Kwom ang ka daple koxhüi, O, Opunu’ le nyak kya zuma chixe hünzom kax to lanüi: ‘Hünzom ojong tokya hüipuix kue münawan!’

WANGSHEMBU MWOT 14:22

Okhie mongong mixbu mong achen ilaxle hwome ongkya ma shingmongle ngo angkya zongsai. Zang Wangting to nop ang keme sikngün huanuma kai angkya changle le hokhie anwot-ano.

KAXHO MÜIKYA LUK 18:25

Mütkui mik makhange ut litle leüi füi ngaxchu aluakya mix Zang Wangting to nop angkya wüi sütsakle.”

MARK 9:47

Tamchu nang mike nang ochax to düt ang jangtomba, ija lokle awütdaoa. Chemthüikoxle mik pangnyi koplaxle tamchu chimax le chuale ngokya okham-wün khato tsün awütkya füi, mik okao ma Zang Wangting to nopkya wüi nang hanpakma amüikya changüi.

MATHI 19:24

Kue thüipu, hakpa luapa zangkangting to nguikya füi mütkui mik makhange Ut litle lekya wüi chwonpai.”

MATHI 18:35

Jisu-e ashuk: “Hünzome pangnue wüi matüi manao to mong makhange thailak fakya chitüi jangthüiba zangkangting tokya Apaechu hünzom to ile hwonüi.”

JUHAN 15:23

Owae ku thua anupuix, chixe Apa thuachu wüi anukya changpu.

MATHI 26:42

Anaolechu othom anyi lekya chix atsaile pao ilaxle zangjop: “Ku Apa! Kue maling-lingba ija wansa chipao tsuak angkya jangchang thünchu nang mongtex ma wüi naxchang!”

MATHI 16:17

Jisu-e akax: “Nang a Juna sasün Simon, nang mohiman naxchang; chemthüikoxle khünak makhange chichangle, nang hama ija kax a zangkangting tokya Apae apua fakya changpu.

MIKNGÜN-OHÜN 2:27

tamchu ibu hax tikkuxbu ningle, chietle akhix angkya hanpakma, jan kaithox koxüi.

JUHAN 14:7

Athax hünzome ku awanpu, ilaxle Apa chuwüi awanpu; athax makhange hünzome chix awandaoa tamchu chix ngündaoa.”

JUHAN 5:17

Ikoxchu chixe hwom ang hüi: “Apaechu athax kople mokle ngopu, ilaxle kuechu mok angkya changpu.”

MATHI 26:39

Chix si-achale pao, hax to chix thün akhuple tswonle awüt, ilaxle zangjop: “Ku Apa! Tsuak angkya oli jangchangba, ku angkya ija sikngün wansa shongpao fa! Ikoxlechu ku mongtex ma chichangle nang mongtex ma wüi naxchang.”

MATHI 18:10

“Ija naosombu tuita ngaxchu thajao wünhai le chichang angkya bama hünzom likhün lax. Kue hünzom ang thüipu, Zangkangting to hwom kaxtai mixbu ku Apa hama jento ngole.

MATHI 18:19

“Tamnüilechu kue hünzom ang thüipu: Hünzome zangjop makhange mixhuak anyi notom laxle ju-lomkya tütalichu zangkangting tokya Apae hünzom ang chifale müntüiüi.

MATHI 25:10

Ikoxle angacha hwom bibi a wünti shak ang chat. Ile hwom chatngo tama tuipa nguile lop. Atha anyem le ngokya naocha hwom aga a tuipa füi tomle aju-asomkya püntut fongsüt ma hak ang dong, ilaxle ka hak.