MATHI 7:15 - OTSAO BAIBEL (BSI)

¹⁵ “Othai ajebu, opange hünzom hato chun khwone khwop laxle hüipuix, ibu hanpakma khünzai lax; chemthüikoxle hwom kün-mong a tuita shixkya shwon ningle tüile.

MATHI 7:15 ပူးပေါင်းရင်းမြစ်များ

1 JUHAN 4:1

Kutüi kunaohom, chasa tüipule athüithüi nok to taxong, ikoxle hwom ma tüikya chasa Zang tokhange hüikya changcha hex le wanle anolax. Chemthüikoxle othai ajebu pangkha towüi paoüna.

MATHI 24:11

Ija füima othai ajebu huanuma lailaxle khünaknu dyenüi.

KOLOSI 2:8

Khrista makhange chichang homtoxle khünake wünle hüikya tamchu zangfang apünkya chasabu hwon-nwot jaono tokhange nang owaechu üntoxle chemlechu chilaxle khünak owaechu nang da tuita ang chikop angkya bama khünli lax.

MIKNGÜN-OHÜN 19:20

Ija müi hia chix thüntho ma ohünotün mwot mokle ahokya othai ajepa nyi a kun ma shole thom ang laxlaxtox. (Müi münwan koplaxle ngokyabu hia ija müi chapa to shwomkya khünakbu pangwüi chixe ibu ohünotün mwot tokhange dyenle laxkyabu changle). Ija müi hia ajepa nyi a khat wün khato ozün ma tswonle awüt.

JUD LAIZA 1:4

Chemthüikoxle opang oma laiua bama Otsao Lai ma zale tüipuix, hwom züizüi hünzom khato zuile nopngoüna. Hwom a, kem Zang chingcha hwom müi-hi-aji mwot ang laxkyabu tamchu kem khüthak Jowanpa tuita wüi tüikya Jisu Khrista pongle chikopkya, Zang chilax homle ngokyabu changle.

MIKA 3:11

Tingnu angkya pünpa-chongwangbue zuizun kop angkya hanpakmale khünaknu to apün, nguapabue Wanlom a kop ang taile kox, ajebue hwom mikngün ngun hanpak ang tix ngai: ikoxle hwom pange wüi Jowanpa a hwom füi tüile le akax. Hwome thüi: “Kwom hato thomzün chemchu münhüiüi. Jowanpa a kwom füi tüile.”

2 PITAR 3:17

Ikoxlechu ku mongkün tüinaohom, hünzome ija awandaoa. Idaile wanlom chilax homtoxle thaile ngokya khünakbue, hünzom azangle ngokya chifün angkya adüt ang jikle chipao angkya bama mik-hingle ngolax.

KAXHO MÜIKYA LUK 6:26

“Ongai khünake hünzom mo amüile wün üihex, maxsax; othai ajebu hanpakma hopu hopa hwomechu ile wüi akaxdaopu.

2 TIMOTHI 3:13

üntoxle chisu chimüikya khünakbu tamchu othai hwon anokyabu zia süma sümale maüi; ile hwome mixdyen-mixnganle tamchu ma alüile dyenle changüi.

2 TIMOTHI 4:3

Khünaknue changkya anwot-anokya to na chitha angkya hanpak hüiüi, ikoxle ma küntsu monglua lom to leüi ilaxle hwom mongto apase le bule tüikyabu mo wün angkya nwotmixbu hwome süchongchongle asüiüi.

FILIPI 3:2

Ibu hi opange khwonzüt zom to angkya hanpakma hünzom atsangle ngolaxpuix, ibu ochax mwot mokle ngokyabu bama khünzai lax.

EFISIA 4:14

Ifüima kem, mae zingle alaikya tsingtsang othai hato mix zunle ngokyabu odyen khünakbu hwon-nwot tichape laxlax tox angkya ilaxle zangwin to lexlexchex le jeple paongo angkya athax kem a naosom münchang.

GALATIA 2:4

Mongong mix-mix wüihexle atsing üntoxle, Khrista füikya notom ma kwome kopkya khangkho zangngai bama opak otua tikle laxsele khwalop mix ibu kwom othom khato zuile ngui.

KAXHO MÜIKYA LUK 12:15

Üntoxle chixe noknu füi thuithuile akaxle le: “Apalax, hünzom malualua to nüfux thoto khünlax; chemthüikoxle, khünak tuita tüta tukux ahak-alualechu ngolax, chix tsün a ma ma tüikya tuinae zingle thomkya münchang.”

EZEKEL 22:27

Tingpün-nokwangkyabu a, hwom langdaokya müimang ma atinle ashik-akhixle saxkya shwonbu ningle. Hwom ahak-aluale chang angkya hanpakma hwome mix lang mix.

MIKNGÜN-OHÜN 16:13

Ifüima lukbu lailaikya chitsaokya chasabu azom kue ngün. Ibu a dragon wikha angkya tamchu othai ajebu wikha angkya laikyabu changle.

EFISIA 5:6

Ongat zangwünbu makhange owaechu nang dyen ang taxkox; ija khokhoma chix kax ma chilaxkyabu hato Zang mongtsik nguiüi.

WANGSHEMBU MWOT 13:40

Idaile ajebu kax ningle hünzom ma chichang angkya hanpakma khünlax:

JUHAN 10:12

Ikoxlechu owa hingchak achakkya mix hex, tamchu chun nyet mix tsingtsing chichang puix, owa chunbu hopunuchu chichang puix; hulax shwonbu hüikya ma. Chixe chunbu dantoxlaxle pao ma sütüi, ilaxle shwonbue ibu chun shingle kopüi, ile hwom a anyaple asamüi.

MATHI 16:11

Kue hünzom hama an mo wünkya münchangle hünzome büthüikoxle chitsingpu? Farisi hia Sadukibu twonkhax bama hünzom lualua to khünzaile ngolax!”

MATHI 16:6

Jisu-e thüi: “Farisi hia sadukibu twonkhax hanpakma khünli lax.”

MATHI 10:17

Khünzailax, chemthüikoxle koplaxle kaxfün ang hünzom khwa to apüi angkya tamchu hwom zangshwom hombu to hünzom to fit-müi angkya khünakbu tüi angkya changle.

ZEKARIA 13:4

Ija tunu nguile hüisheme, aje owachu mae ngünkya bama tsaichong-kaxbongle chang angkya müntüi. Chixe aje ningle mokle aho tamchu khünaknu dyen angkya hanpakma ajepa hwom za-pua laxle chang angkya mwot chemchu müntüi.’

EZEKEL 22:25

Lompabu a, mailangbue hwome langle changdaokya müi to tsele ahungkya ningle changle. Hwome khünakbu lang, ibu kux tuina tsuakpupu hwome lax, ilaxle hwom chak ma maxkya khünakbue kakonubu thanucha ang achangle dantoxkyabu huanuma tüi.

EZEKEL 13:22

“Hünzom kaxthai zangwün makhange müikya khünakbu ang hünzome mong ahik. Ibu a kue mong amase lejao chitsukya khünakbu changle. Ochax khünakbue hwom ochaxbu danle toxlaxle khosün atak angkya hünzome abaxle thom.

EZEKEL 13:16

chemchu kuimüi-zangmale chitüikya khato Jerusalem a kuimüi-zangmale ngo angkya le akaxkya ajebu a!” Jowanpa Khüthak Zang-e akaxdaoa.

JEREMIA 29:21

“Chix mün ma othai kaxho fale ngokya Ahap sasün Kolaiah hia Maseiah sasün Zedekiah nyi bama Jowanpa, Israel nok Khüthak Zang-e akaxdaoa. Ibu a chixe wanghompa Nebukadnezar tsak-zong chak to koxüi ilaxle wanghompa-e hünzom mikngün ma hwom langle chang angkya kax chixe akaxle.

MIKNGÜN-OHÜN 17:6

Ija mixcha a Zang khünaknu aji hia Jisu kax ma laxle tüikyabu langkya ajibu ling laxle tokkya kue ngün. Otue kue she ngünpuix, ku ang tüle jepa.

WANGSHEMBU MWOT 13:6

Shuazo afünle le le hwome Pafos alop, ikhato Bar-Jisu le amünkya montro khünak tuita füi apong. Chix Jehudi khünak aje tuita changpu le zaxzangle ngokya mixsün tuita changkya.

1 WANGHOMBU 13:18

Ipongma Bethel angkya azupa aje-e thüi: “Ku chuwüi nang lailaikya ajepa tuita changpu, ilaxle Jowanpa kaxtaimixe nang a ku hom to se ilaxle fong asüt angkya ku füi akaxle changdaoa.” Ikoxle ija azupa aje a atsingle akaxkya changkya.

DANEL 11:34

Ile mix lang mix-mixhuakkle ngopongma, hwomkha to womkya züizüibue mahuak hanpak ang mokle changkoxchu, Zang khünakbue ofong-otsox hidaole kopüi.

MATHI 7:14

Ikoxle khüzün lom to le angkya lom a tangthole tamchu hitle tüile, idaile ija atak angkya mix a hidaole wüi.

MIKNGÜN-OHÜN 20:10

Ifüima Bao, owae hom dyenle thompuix, chixchu wüi müi hia othai ajebu tswonle awüt thomkya okham wünnu tilo ningle tüikya khato tswonle awüt; ilaxle ikhato hwom zangnak zangngai jento tüle fuxtsüile ngoüi.