MATHI 7:14 - OTSAO BAIBEL (BSI)

¹⁴ Ikoxle khüzün lom to le angkya lom a tangthole tamchu hitle tüile, idaile ija atak angkya mix a hidaole wüi.

MATHI 7:14 ပူးပေါင်းရင်းမြစ်များ

MATHI 22:14

Chixe ashuk: “Huanuma sepu ikoxlechu hidao le wüi kamle koppu.”

ROM NOK HATO ZAKYA POL LAIZA 12:2

Kotok to ngünkya chaxwannu zanglom ningle taxngo, ikoxle nang khangka tutex pangnu alüixle Zang ang nang kün-mong lüi ang laxkox. Ifüima müikya chemhex, chix zongma chem müipuix, ilaxle okhonguikya chem hex: Ija Zang mongtex nange awan ang thoüi.

ISAIA 35:8

Ikhato afithole lomnutang tüiüi, ija ang “Otsao Lomnu”, le nyaküi. Ochax khünak owachu ija lom ma münahamüi; ikhama ahamkyabu owa ongatechu ochei to münpaoüi.

MARK 8:34

Ifüima Jisu-e chix hato khünaknu othom tamchu chix wangshembu nyaklaxle hwom ang thüi: “Ku füito azuise tsukyabue ma alaklax, ma pünsak pailax, ilaxletix ku füito azuilax.

WANGSHEMBU MWOT 14:22

Okhie mongong mixbu mong achen ilaxle hwome ongkya ma shingmongle ngo angkya zongsai. Zang Wangting to nop ang keme sikngün huanuma kai angkya changle le hokhie anwot-ano.

WANWÜNKAX 8:20

Ku otsao khünakbu lomtang ma ahampu; kue sukya kaxfün lomtangbu topu.

ISAIA 30:21

Hünzom lomnu angkya nongchi chichangba tsaxchi to samle jangpao, hünzome chix kaxzing “Lom a ikhato tüile. Ija lomnu tolax!”, le nuakfüichi ma atat ang kopüi.

JUHAN 16:33

Ku füikya notom ma hünzome mongsom kop angkya kuxma, kue ibu hünzom füi akax ngopu; chaxwannue hünzom to sikngün zolit ang tomüi, ikoxlechu mong chonglax; chemthüikoxle kue chaxwannu to anao daoa!”

MATHI 20:16

Idaile Jisu-e ashuk: “Owa oshuk changkya hex chix owang ang achangüi ilaxle owa owang changkya hex chix oshuk ang achangüi.”

JEREMIA 6:16

Jowanpae chix khünaknu füi akax: “Lompong ma ajonglax ilaxle hulax. Kaikya lomzang hia sümüikya lomtang bama atüilax. Ija ma ahamlax, ikoxle hünzom mongsom ma ngo ang kopüi.” Ikoxle hwome thüi: “Münchang, kwome ile münmoküi!”

KAXHO MÜIKYA LUK 12:32

“Taxza, hixkya othom! Chemthüi-koxle hünzom ang Wangting kox angkya Hopa mong tsule.

ISAIA 57:14

Jowanpae thüile: “Ku khünakbu ku hato chat ang tomkox. Hwom lomtang angkya obax-obang pangwüi apaokox! Lomnu zingkox, ilaxle ija achwonle zinglax!

ROM NOK HATO ZAKYA POL LAIZA 9:32

Hwome ija büthüikoxle chiatak? Chemthüikoxle hwome chem mokpuix ija a mongong ma chichang homle mokkya mwot ma afün laxle mok. “Chikho asua angkya long” ma hwom chikho asuale lax.

JUHAN 16:2

Hwome hünzom sinagok tokya alaiüi, changpu; opange hünzom langüi hex, hwome Zang mwot mokpu le tex angkya tunu nguile hüiüi.

MÜNCHUAK-TSAI 16:11

Khüzün lom to alyet angkya lomtang nange ku hama ahoüi; nang womle tüikya ma ku mongmüie awang üntoxle othuithuima ku ang mongmüi apüi.

MATHI 7:13

“Hitkya pan makhange lelax, chemthüikoxle omüt lom to aliet angkya pan a jakasai le ilaxle lomchu khaole tüile tamchu ichito le angkya mix a huanuma tüile.

MATHI 7:15

“Othai ajebu, opange hünzom hato chun khwone khwop laxle hüipuix, ibu hanpakma khünzai lax; chemthüikoxle hwom kün-mong a tuita shixkya shwon ningle tüile.