MATHI 7:13 - OTSAO BAIBEL (BSI)

¹³ “Hitkya pan makhange lelax, chemthüikoxle omüt lom to aliet angkya pan a jakasai le ilaxle lomchu khaole tüile tamchu ichito le angkya mix a huanuma tüile.

MATHI 7:13 ပူးပေါင်းရင်းမြစ်များ

WANWÜNKAX 16:25

Nange sukya lomtang changpule ajangkya lome zikmüt-mangkho lom to alyet angchu tsuak.

JUHAN 14:6

Jisu-e chix ang thüi: “Lomtang; Otsingtsing tamchu Khüzün a ku changpu; ku makhange chichang thüikoxle Apa hato owachu ngui ang müntho.

JUHAN 10:9

Ku a kafülom changpu; owa ku makhange hommong to nopüihex, chix khosünüi; chix a dongpue laipue le ahamüi ilaxle fum tsüt angkya nui ataküi.

ISAIA 55:7

Chichangchizangkya khünaknue hwom lomtang danle naxtox ilaxle hwom mongjang olom bama künlop-monglüile naxchang. Hwom a Jowanpa, kem Zang hato naxchatkox; chix a chingcha hia chwonle thailak tüi angkya mix changle.

WANWÜNKAX 9:6

Chemchu chitik-chiwanle changkyabu füi ngokya dantox dao. Jetüi-hwonlangkya lomtang ma ahamlax.”

GALATIA 5:24

Ilaxle opang Khrista Jisu ma tüilaxpuix, hwome khünak jaopo a ma müi-hi-aji mwot füi tomle takle langdaoa.

MATHI 3:2

chemthüikoxle Zang Wangting a soxle hüiüna!”

MATHI 3:8

Ija khoma ochax tokya mong chatkya aho ang chem mokse dai ibu moklax.

2 KORIN 6:17

Idaile Jowanpa-e akax, “Hünzome hwom danle tox angkya wüi ilaxle hünzom hwom füi atsaiün; chitsaokya to ojao taxlyet, ikoxtix kue hünzom pongle kopüi.

MATHI 23:13

“Wanlom nwotmix hia farisibu a künkux-mongkwombu changle! Hünzom maxsax! Hünzome khünaknu thüntho ma zangkangting ka hakle ilaxle hünzom chuwüi ikhato chidong tamchu ikhato dongse le azongkyabuchu wüi hünzome dong ang chitom.

MIKNGÜN-OHÜN 20:15

Khüzün Laipex ma opang mün chibang laxpuix hwom pangwüi tinu ningle tüikya okham-wün khato tswonle awüt.

FILIPI 3:19

Hwom a haolum to ashuküi; chemthüikoxle hwom zongto Zang a hwom tsangtsa küntsu monglua changle. Hwom azak haxkux ziama hwom ngamle, ilaxle hwome ija chaxwannu ma tüikya mwotkat tata bama ajangle.

2 KORIN 4:4

Ija chaxwannu angkya baozange, zangnak to hwom khangka je apale thomkya tokhange hwome Kaxho Müikya to mongong ang chitsuak. Zang füi tuita Khrista fuazang bama tüikya Kaxho Müikya makhange hwom to nyanle hüikya zangngai ngün ang chitom le chixe hwom to abax.

WANGSHEMBU MWOT 3:19

Idaile ochax tokya mong chatlax, ilaxle Zang hato hüilax, ikoxletix chixe hünzom ochaxbu fwotle awüt faüi.

MIKNGÜN-OHÜN 20:3

Zangpua hajat tuita ma ashuk tanto chaxwannu dyen angkya chemchu chitüi angkya hanpakma kaxtaimixe chix othong chitüikya tswom khato sho; ija oka hak üntoxle tsüile thom. Ifüima chix onox ma tam dan angkya changle.

1 JUHAN 5:19

Chaxwannu abakle tuita haxshix fangma, keme kem a Zang kux changpu le awanpu.

MATHI 25:46

Ifüima hwom a oshuk chitüikya zothup nui to apaoüi; ikoxle otsaobu a oshuk chitüikya khüzün khato paoüi.”

MATHI 25:41

“Ifüima chixe ma nongchi angkyabu füi akaxüi: ‘Hünzom a Zang thuak Zang zom koplax ngokyabu! Ku ha angkya atsaiün! Bao hia chix wangshembu hanpakma achwonle tüikya, tamchu chimax le chuale ngokya okham wünkha to paolax.

PONGWANG LAIPEX 6:12

Zang-e chaxwannu to hule ano koxle ija a ochax ang changdaoale ngün, chemthüikoxle khünaknu pangwüi chichang-chizangle ngole tüikoxle.

MIKNGÜN-OHÜN 13:8

Langkya Chun Hosa kux ang tüikya khüzün laipex ma ding hi hax zingüi thoto wüi mün zale tüikyabu chi-e homtoxle chaxwannu ma ngokya khünak noke ija to shwom angkya changle.

ROM NOK HATO ZAKYA POL LAIZA 9:22

Zange mokkyachu ija lailaile changpu. Chixe chix mongtsik aho ilaxle ma tsakzong awan ang koxse thüt. Amüt ang achwonle thomkya chix mongtsik pebu füi adu angkya chix monglo.

KAXHO MÜIKYA LUK 14:33

Ilailaile chix ma atüitüi bakle chiawüt tox jangthüiba hünzom kha angkya owachu ku füizuimix ang achang ang müntho.”

ISAIA 1:9

Jowanpa Khüthak Zang-e züizüi ozün ma chitox thüikoxle, Jerusalem a Sodom hia Gomorah tingnubu ningle komkaile amadaose.

MIKNGÜN-OHÜN 12:9

Ija tüle chongkya dragon, owa chaxwannu pangwüi dyenkya ozang pu changpuix, tamchu owa ang Bao chichangba Haxshix le nyak, chix üntoxle chix füi tüikya kaxtaimixbu komle chaxwannu to tswonle awüt.

PONGWANG LAIPEX 6:5

Chemtue Jowanpae chaxwan tok angkya pangnusa wüi chichang-chizangle tamchu jento tutex chimüikyae awangle ngokya ngün ang koppuix,

KAXHO MÜIKYA LUK 9:33

Ija mixsün nyie Jisu dantoxlaxle pao, iponge Pitar-e chix ang thüi: “Nwotmix, kem ikhama ngokya müihule! Kwome nyihom azom zingüi; tuita a nang hanpakma, tuita a Mosa hanpakma, ilaxle tuita a Elija hanpakma.” (Chixe chem akaxpuix ija chixe chiawan).

WANWÜNKAX 7:27

Nang she hom to nguile jangchang thüiningle, nang a amalum lom chitole ngokya changpu. Ija a mikmüt hanpakma hexlom changpu.

ISAIA 35:8

Ikhato afithole lomnutang tüiüi, ija ang “Otsao Lomnu”, le nyaküi. Ochax khünak owachu ija lom ma münahamüi; ikhama ahamkyabu owa ongatechu ochei to münpaoüi.

MATHI 7:14

Ikoxle khüzün lom to le angkya lom a tangthole tamchu hitle tüile, idaile ija atak angkya mix a hidaole wüi.