MATHI 7:12 - OTSAO BAIBEL (BSI)

¹² “Ijadaile ma to mixe chemle hwonkya ma zongma müipuix ija ningle hünzomechu wüi hwom ang mokle laxkox.

MATHI 7:12 ပူးပေါင်းရင်းမြစ်များ

KAXHO MÜIKYA LUK 6:31

Ma zong to mixe büle naxmokse le texpuix, ija ningle hünzome mix ang mokle laxkox.

LIWI 19:18

Owawa to olüix khomkya taxtüi chichangba chix to anule taxngo, ikoxle ma tomzi to ma bütukuxle mongkünkox. Ku a Jowanpa hünzom Zang changpu.

MIKA 6:8

Ile münchang, Jowanpae chem müipuix ija kem hama apuadaoa. Chixe kem angkya laxse tsukya a ija changle: chem supuix ija mok angkya, chithwon mongkün angkya, ilaxle kem Zang füi puinaikya notom-tusüi ma ngo angkya.

1 TIMOTHI 1:5

Ija kax koxkya mongtex a: tsaothakya mong makhange laikya mongkün, je chipakya khangka ilaxle otsingtsing mongong azwot angkya hanpakma changle.

MALAKI 3:5

Jowanpae thüi: “Hünzom khato kaxfün fa-ang ku ngaiüi, ilaxle chajik muashem mwot mokkyabu, chinunchakkaikyabu, othai kaxkhi koxkyabu, mwotmok mixbu to hingchak mün ma sip-ba le changkyabu, zomnu-khaxsabu hia mixnok wünpa to jemle tüikyabu, Ibu opange ku chathua zakya chitüipuix, hwom pangnu hanpakma, ku mik füi ngündaokya kaxkhi kox ang kue hanhomle tanle münngoüi.

EZEKEL 18:21

“Owawa ochax khünak tuitae ochax mwot mokle ngokya zak ilaxle ku wanlom ma ngole ilaxle chixe chem supuix tamchu chem müipuix ijaja mokle jangchang, chix a münziüi; chix a tütakoxlechu ozün ma ngoüi.

MATHI 5:17

“Ku a Mosa Wanlom hia ajebu kax füi afanle mok ang nguipule taxthüt; ku a ibu füi afanle mok ang chichangle ibu kotok to angai angkya hanpakma nguipu.

JAKOP 2:8

“Ma bütukuxle tomzi to mongkün kox”, le Otsao Lai ma bangkya Wangting wanlom kax ma laxle hünzom jangtüi thüikoxle hünzome sukya mwot mokle hüikya ang changüi.