MATHI 6:9 - OTSAO BAIBEL (BSI)

⁹ Idaile hünzome Zang ile joplax: ‘Zangkangting to ngokya Apa; Nang otsao mün naxachuak;

MATHI 6:9 ပူးပေါင်းရင်းမြစ်များ

MIKNGÜN-OHÜN 4:11

Kwom hopunu Jowanpa tamchu Zang ang, fuazang münchong hia tsakzong, kop ang nang asule tüile; pangnu li wüi nange zing koxle; ilaxle nang mongtex matix ibu, pangnu ozün ma

ROM NOK HATO ZAKYA POL LAIZA 8:15

Chemthüikoxle Zange hünzom ang koxkya Chasae hünzom da ang münachang ilaxle hünzom zazyen angchu müntom; itülüi, ija Chasae hünzom Zangsu Zangsabu ang achangle, tamchu ija Chasa zong füi keme Zang ang “Apa! Ku Apa!”, le nyakle akhongle.

EZEKEL 36:23

Chemtue kue tüle chongkya tsaothakya ku mün: mün oja hünzome hwom tuntho to thajao ang tompuix, ija mwot makhange angaile aho pongma, hwome ku a Jowanpa changpule awan ang kopüi. Ija a Jowanpa Khüthak Zang, kue akaxdaoa. Chaxwannu nok hato ku a otsao changle le aho angkya hanpakma kue hünzom twonüi.

MALAKI 1:11

Zangfang tüchikao makhange ata-chikao kople khünaknue ku achuakle. Pangnu chito wüi hwome ku ang ongan müikya sobu zokle kue pongle koptsuak tangkya töbu koxle. Hwom pangnusae ku chathua zale.

MÜNCHUAK-TSAI 111:9

Chixe chix khünaknu khangkho angaile dan ilaxle hwom füi oshuk chitüikya longzüt-kax füi zing. Chix a otsao tamchu taitax changle!

ISAIA 64:8

Ikoxlechu Jowanpa, nang a kwom hopa changpu. Kwom komhax thatha, ilaxle nang a tikjaomix changpu. Kwom a nang chakzing,

ISAIA 57:15

“Ku a jento ngokya Khüthak tamchu otsao Zang changpu. Ku a atsuakya khato tamchu otsao nui to ngole, ikoxle kue a puinaile tüikya hia künlop-monglüile tüikyabu füichu ngopu, ija a hwom mongong hia monghom achatle koxtsuak angkya hanpakma.

GALATIA 4:6

Nang a sasün changle le aho ang, Chasa owae “Apa, Ku Apa”, le akhongpuix, ija chix Hosa chasa Zange kem mongto ngui ang kox.

ISAIA 6:3

Hwome tata nyakle akax: “Otsao, Otsao, Otsao! Jowanpa Khüthak Zang a Otsao changle! Chix fuazangkyae chaxwannu awangle.”

MIKNGÜN-OHÜN 5:12

ilaxle akhongle tsai ngao: “Chun Hosa, owa langdao laxpuix; chix tsakzong hia tui-na, je-hwon tamchu achuak achenkya; fuazang üntoxle mohiman, kop ang asule tüile!”

MÜNCHUAK-TSAI 115:3

Kwom Zang a Zangkangting to tüile; chix mong ma chem tsupuix ija chixe mokle.

NEHEMIA 9:5

Ibibi Liwi hwome zangshwom ang khünaknu ahyen: Jeshua, Kadmiel, Bani, Hashabneiah, Sherebiah, Hodiah, Shebaniah, ilaxle Pethahiah. Hwome thüi: “Ajongkox üntoxle Jowanpa hünzom Zang achuak kox; chix othuithuima achuak-achen kox! Noknusae wüi fuazangkya chix mün achuakle changkox, khünak owae achuakkya chu okhonguikya chichang koxlechu.”

MATHI 7:11

Hünzom chimüikoxle ngaxchu masu masa ang müikya jali kox ang awanle jangchang thüiba, zangkangting to ngokya hünzom Hopae, chix ma ajuju ang amüimüi kox ang münawanüi hia?

ISAIA 63:16

Nang a kwom hopa changle. Kwom putong Abraham hia Jakop hwome kwom mün chichangle, owae jento kwom khosünle koppuix, ija Jowanpa, kwom hopa, nang mün tata fuale tox wüi.

MÜNCHUAK-TSAI 72:18

Jowanpa, Israel nok Zang achuakkya tüikox! Ibu ohünotün mwot chix tatae mokle.

MATHI 26:29

Kue hünzom ang thüipu: Apa Wangting to juzün maling tanto kue ija ju hünzom füi tamchatle münlingüi.”

MATHI 23:9

Chaxwannu ma hünzome owa angchu ‘APA’ le taxnyak chemthüikoxle hünzom ang ‘HOPA’ a zangkangting to tuita wüi.

MATHI 5:16

Ija lailaile nang zangngaie khünaknu to nyan ang laxkox; ikoxtix hünzom mwot müikya ngün ang koplaxle hwome zangkangting tokya Apa mün achuaküi.

2 PUKAX-PANGAO 20:6

Chixe akhongle zangjople thüi: “O Jowanpa, kwom pupa hwom Zang, zangkho wangting tokhange nange zangfang angkya onok pangwüi thakma apünle ngopu. Nang a tsak-zong tamchu zaxzangle tüikya mix, ilaxle owaechu nang füi alünle chang ang chitho.

KAXHO MÜIKYA LUK 15:18

Ku achexle apa hom to chatle chatüi, ilaxle apa ang thüiüi, apa kue Zang zongmachu üntoxle nang zongmachu achaxdaoa.

ZEKARIA 14:9

Ifüima Jowanpa a chaxwannu ma wanghompa ang changüi; noknusae chix a Zang changpule shwomüi ilaxle ija mün tuita mawüi chix tsingle laxdaoüi.

1 WANGHOMBU 8:43

chix zangjop to lankox. Nang ngokya zangkangting tokhange chix kax to lankox ilaxle chixe mok-hüile thüikya mokle laxkox, ikoxle tix nang khünaknu Israel nok ningle chaxwannu khünaknu pangnusae nang tsingüi ilaxle nang kax ma laxle tüiüi, Ifüima hwome, ija kue zaile alaikya Zangshwom-Hom a nang shwomnui changpule awanle laxüi.

HABAKUK 2:14

Ikoxle chaxwannu a, tinu thün ma tie awangle tüikya lailaile, Jowanpa fuazang tsingkyae awangle tüiüi.

EZEKEL 38:23

Ijaningle ku a achongkya tamchu otsao changpule zangfangja hato kue ngaile ahoüi. Hwome ku a Jowanpa changpule awan ang kopüi.”

1 PUKAX-PANGAO 17:24

Nang mowün tüle chongle paoüi, ilaxle khünaknue jento thüiüi, ‘Pangnusa to lütkya Khüthak Zang a Israel nok Zang changle.’ Ilaxle nange ku wangting othuithuima sünle thomüi.

2 SAMUEL 7:26

Nang mün a huanuma chongüi, ilaxle khünaknue jento thüiüi: ‘Jowanpa Khüthak Zang a Israel nok khangkho ma jento ngole.’ Ilaxle nange ku wangting othuithuima sünle thomüi.

1 PITAR 1:17

Khünaknu nok ang, mamwot mwot ma thütle, mapai mix chizün homle otya kaxfün fa angkya Zang ang zangjop pongma hünzome “Apa”, le nyaktüi; jangchang thüiba ija chaxwannu ma tsün ngotanto chix chathua zale ngokox.

1 TIMOTHI 6:16

Chizi angkya a chix tata wüi. Chix owaechu tümangüntox; owaechu tamngün ang thoüi münchang. Achuak achenkya tamchu oshuk chitüi le apün-awang angkya chix kux wüi naxchang! Amen.

KAXHO MÜIKYA LUK 15:21

Hosae thüi: ‘Apa, kue Zang zongmachu üntoxle nang zongmachu achaxdaoa. Ku ang athax hünsa le nyak ang münasu.’

KAXHO MÜIKYA LUK 2:14

“Zangkho atsua kya khato, Zang fuazang kya naxtüi; zangfang ma chix mongmüikyabu füi, mongsom naxtüi!”

ISAIA 66:1

Jowanpae thüi: “Zangkangting ku ngwotnui, chaxwannu a ku chitingnui changpu. Jangchangba, nange ku hanpakma chem ningkya hom tamchu chem ningkya ku ngwotnui zingle alaiüi?

MATHI 6:14

“Chemthüikoxle hünzome mix ochax thailak jangtüiba, zangkangting tokya kem Hopae hünzom angchu thailak kox angkya changle.

MATHI 6:6

Ikoxle otue hünzome zangjopüi hex, nang nuithongdua to donglax, nui ka haklax, ilaxle mike chingünkya Hopa hama joplax. Huxsa ma mokkya mwot ngünkya Hopae nang to mohimanüi.

MATHI 5:48

Ijadaile chemle zangkangting tokya hünzom Hopa okhoguile tüipuix, ija ningle hünzom chuwüi okhongui angkya changle.

LIWI 10:3

Ifüima Mosa-e Arun ang thüi: “Jowanpae akaxkya kax a ija changle: Ku thothale changkya pangnusae wüi ku otsao chathua zale tüi angkya oli; kue ku khünaknu hato ku fuazangkya ngaile ahoüi.” Ikoxle Arun a kaxsix chidünle ngo.

GALATIA 1:1

Khünak angkya, chichangba khünak makhange hüikya chichangle, ikoxle Jisu Khrista üntoxle Hopa Zang, owae chix zidaokya chatle azangle zo ang tompuix, chix wangshem ang nyakle kopkya Pol tokhange.

JUHAN 20:17

Jisu-e she ang thüi: “Ku to taxtwon; chemthüikoxle athax kople ku Apa hato machat! Ikoxle kutüi kunao hwom hato paolaxle ku a, owa hwom zongtochu Hopa tamchu Zang changpuix, ija Apa hato chatüi ta le thüikox.”

MATHI 26:42

Anaolechu othom anyi lekya chix atsaile pao ilaxle zangjop: “Ku Apa! Kue maling-lingba ija wansa chipao tsuak angkya jangchang thünchu nang mongtex ma wüi naxchang!”

ISAIA 37:20

Athax, Jowanpa kwom Zang, Asiria nok chak tokya kwom azünhüi, ikoxle tix zangfang angkya onok pangnusae Zang ang nangtix changpule awan ang kopüi.”

ROM NOK HATO ZAKYA POL LAIZA 1:7

Idaile kue hünzom Rom tingnu angkyabu opang to Zange mongkün puix ilaxle chix ma-mix ang nyakle laxpuix, hünzom pangnu hato zapu. Zang kem Hopa hia Jowanpa Jisu Khrista nyie hünzom ang mongsom hia chingcha naxfa.

MATHI 10:29

Nange otsak osa anyi ngunkhao anyi füi shak ang thole, ikoxlechu hünzom Hopae chitsing toxle tuitachu hax to chidütüi.