MATHI 6:5 - OTSAO BAIBEL (BSI)

⁵ “Hünzome zangjop pongma, künkux mongkwombu ningle taxchang; chemthüikoxle hwome khünak noknue naxngün ang sinagok hia lompongbu to jopse tsule. Kue hünzom füi otsingtsing akaxpu; hwome otha okhongui le kopdaoa.

MATHI 6:5 ပူးပေါင်းရင်းမြစ်များ

MATHI 6:2

“Chitüi chinang mix to fongle jali kox-zun pongma, künkux mongkwombue Zangshwom nui to hia noknu tu ma hwonkya ningle, achenle taxaho. Hwome ile mokkya a khünaknue hwom naxachuak ang mokpu. Kue hünzom füi kaxshing kople akaxpu, hwome ma hingho komle kopdaoa.

KAXHO MÜIKYA LUK 18:13

“Ikoxle süisai mix ochu to ajong üntoxle chixe dingchi to thün aho ang chitsu, ikhoma chixe ma khaxtok ma chietle thüi: ‘O Zang ku a ochax khünak tuita changle, ku to chingcha hüi!’

MARK 11:25

Üntoxle otue hünzome ajong üntoxle zangjopüi hex, nange mix to thaile mokdaokya jangtüi thüiningle thailak laxkox, ile changkoxle Zangkangting tokya nang Hopae nang thaikyachu thailak tüiüi.

JEREMIA 29:12

Ipongma hünzome ku nyaküi. Hünzom nguilaxle ku to jop-tole changüi ilaxle kue hünzom zangjop to lanüi.

ISAIA 1:15

“Chemtue hünzome zangjop ang hünzom chak nwonle changpuix, kue hünzom to ojao münhu. Hünzome obukux wüi jopkoxlax, kue münapa chemthüikoxle hünzom chakbu a ajie awangle tüile.

KAXHO MÜIKYA LUK 20:47

Opange zomnubu chwom laxle hwom hombu tsuipuix, ilaxle naxzao le ozulole zangjop puix, ibu Wanlom nwotmixbu hanpakma likhünlax! Akhole ma angkya a hwom sikngün changle.”

JAKOP 4:6

Ikoxlechu chixe fakya chingcha ifüi sütsexkya changle. Chemthüikoxle Otsao Lai-e thüile: “Ngamkyabu to Zange abaxle, ikoxle puinaikybu ang chixe chingcha fale.”

KAXHO MÜIKYA LUK 18:1

Mong chihix le othuithuima zangjop angkya changle le chix wangshembu hama apua ang Jisu-e ija kaxpan tuita akax.

DANEL 6:10

Chemtue Danel-e ija kaxtom laiza to wanghompa-e sohi shingle changdaoa le awan ang koppuix, chix hom to chat. Chix hom homdingkho angkya nui ma Jerusalem chito thale thangmikbu tüikya. Ikhato chixe mokzaikya ningle, thangmik ibu daple koplaxle chixe hanpak to othom azom pong ma chikux thongle Zang to zangjop.

EFISIA 6:18

Ibu pangnu wüi, Zange asun azu angkya jule zangjopkya füi moklax. Chasae zunkya ningle, othuithuima zangjoplax. Ija bama mik-hing le ngolax ilaxle otuechu danle taxtox; Zang khünakbu hanpakma othuithuima zangjop lax.

KAXHO MÜIKYA LUK 11:43

“Hünzom farisibu, hünzom maxsax! Chemthüikoxle hünzome Sinagok ma atsuakya ngwotnui lomle, üntoxle thalex nui to mixe chazale hünzom to shwomkya lom.

MATHI 21:22

Hünzome jangong thüiba, hünzome zangjop pongma ajuju komle koxüi.”

MÜNCHUAK-TSAI 55:17

Swome, tungtoe, üntoxle zangnake ku kaxthup-ngaotün hia awaokya chix hato dongle, ilaxle chixe ku kaxzing atatlaxüi.

MÜNCHUAK-TSAI 5:2

Fonghüile akhong pongma ku to apahüi, ku Zang üntoxle ku wanghompa! Kue nang to zangjoppu, O Jowanpa;

1 THESALONIKA 5:17

othuithuima zangjopkox,

JUHAN 16:24

Athax kople hünzome ku mün ma chemchu maju; julax ija hünzome kopüi, ile hünzom mongmüi okhonguikya ang achangüi.

MARK 12:38

Khünaknu othom chongkya tuitae Jisu zangwün to mongmüi le apa. Chixe hwon-anokya ma thüi: “Wanlom nwotmixbu bama khünzai lax; hwome nyi lowüilole tholaxle ahamse tsule tamchu thalex nui to shwomkya laxse tsule;

MATHI 9:38

Idaile tsax atu angkya bama haxtok hopupa ang mwot mok mix akat hüile joplax.”

MATHI 23:13

“Wanlom nwotmix hia farisibu a künkux-mongkwombu changle! Hünzom maxsax! Hünzome khünaknu thüntho ma zangkangting ka hakle ilaxle hünzom chuwüi ikhato chidong tamchu ikhato dongse le azongkyabuchu wüi hünzome dong ang chitom.

WANWÜNKAX 16:5

Künngam-mongngam füikya khünak pangwüi thua Jowanpa anule; chixe hwom apong angkya ma sikngünbu tsiakle le ang müntom.

MATHI 23:6

Püntux nui to ngwotnui müikya ma tamchu sinagok to atsuakya ngwotnui ma ngose tsule.

WANWÜNKAX 15:8

Müikya khünakbue zangjop pongma Jowanpa ang mongmüile, ikoxle chichang-chizangkya khünakbue chix hato tö apüikyabu thua chix anule.

MATHI 6:16

“Tamchu otue hünzome chisax-chilingle atsaole zangjopkya hanpak laxüi hex, künkux-mongkwombu ningle thün ma mongma ahole taxchang. Hwome chisax-chilingle atsao alangle zangjop hanpak laxkya mixe naxngünle, ibue ma thün ma zamak tüikya pak chitik le ahole. Kue hünzom hama otsingtsing akaxpu: hwome ma hinghoho kopdaoa.

MATHI 6:1

“Khünake naxngün le hwom miksho ma otsao mwot chimok angkya bama hünzom khünlax. Iningkya mwot hünzome noknu thüntho ma mokle jangchang thüiningle, zangkangting tokya hünzom Hopae fa angkya hingho hünzom ang chemchu müntüi.

MATHI 23:5

Hwome tütalichu khünake naxngün le mokle; hwome münwan sükhaokya khale kop ilaxle nyitua ma osutua ashale laxse tsule.

KAXHO MÜIKYA LUK 6:24

“Ikoxle athax hünzom tüinangkyabu maxsax; hünzome hünzom mongmüi komle laxdaoa!