MATHI 6:33 - OTSAO BAIBEL (BSI)

³³ Itülüi thüikox hünzome pongwang ma chix wangting hia chix otsao shonglomlax; ifüima ibu pangnu chixe hünzom ang kox angkya changle.

MATHI 6:33 ပူးပေါင်းရင်းမြစ်များ

KAXHO MÜIKYA LUK 12:31

Itülüi hünzome chix Wangting lomlax, izuma ibu pangnu chixe hünzom ang athütle koxüi.

MATHI 5:6

“Zang mongtex mwot mokse tsukyabu mohiman; Zange hwom to chingchaüi!

JUHAN 6:27

Male paoün angkya süt hanpakma mwot taxmok, ikoxle oshuk chitüikya tsün füi tomwüi ngo angkya süt hanpakma moklax. Ija süt a Khünak Hosae tix hünzom ang koxüi; chemthüikoxle Hopa Zange chix ma münwan shin tople fadaoa.”

ROM NOK HATO ZAKYA POL LAIZA 14:17

Chemthüikoxle Zang Wangting le osüt oling ang nyakkya münchang, ikoxle Otsao Chasae fakya, otsao, mongsom ilaxle mongmüi pwonla ang nyakpu.

MÜNCHUAK-TSAI 37:25

Athax ku azudaoa, ku tsünlole ngole hüidaoa, ikoxlechu ibibi bama kue müikya khünakbu Jowanpa ahaile awütkya münngüntox chichangba hwom su-sabue jusax ang ahamkya münngüntox.

MÜNCHUAK-TSAI 37:3

Jowanpa to mongong thomlax üntoxle müikya moklax; ija haxtok ma azangle ngolax.

MATHI 19:29

Ku hanpakmale opange ma homkha, pasa tüinao, tamchu nanao, manu mapa, masu masa, haxtok homting, ibu danle toxlaxpuix, hwome thom hotae nüile atak angkya changle tamchu oshuk chitüikya tsün khüzünchu fa angkya changle.

ROM NOK HATO ZAKYA POL LAIZA 8:31

Jangchangba ibu zangwün bama keme chemle thüiüi? Kem hanpakma Zang jangtüi thüiba, kem zan to ka angkya owa tamtüi?

1 TIMOTHI 4:8

Tsangtsa mwotchu tix changpu ikoxlechu chasa mwot sisi hotüichong, chemthüikoxle ijae anyixkya tsün tamchu füichi tsün monyi bama lap faüi.

2 KORIN 5:21

Ikoxle chix füi notomkya tokhange, kem, Zang otsao ma wom angkya kuxmale, ochax chitüikya Khrista, Zange ochax ang achang.

ROM NOK HATO ZAKYA POL LAIZA 1:17

Chemthüikoxle Kaxho Müikyae Zange khünaknu chix füi mua amüikya ngaile ahole; owang tokhange oshuk kople ija a mongong makhange tix changüi. Otsao Lai kax ma tüikya ningle: “Mongong makhange Zang füi owa muamüi laxpuix (chix) ozün ma tüile.”

FILIPI 3:9

Wanlom to pongma atakkya ningkya chasa otsao athaxpi kuma müntüi. Athaxpi kuma Khrista to mongongkya makhange kopkya Otsao Chasa tüile, oja Chasa Otsao Zang tokhange hüikya hex üntoxle mongong chifün ang laxlaxle tüipuix.

1 KORIN 1:30

Ikoxlechu Zange hünzom Khrista füikya notom hato ahüidaoa, ilaxle tamchu Zange Khrista a kem zongto je-hwon ang zingdaoa. Chix makhange tix kem Zang zongto sukya ang achangle; kem a Zang otsao khünaknu ang achangüna ilaxle kem mongtex ma dandaoa.

MATHI 4:17

Ija makhange Jisu-e hwon-nwot owang wangle thüi: “Hünzom ma ochax tokya mong chatlax; chemthüikoxle Zang Wangting nguile tüile.”

MATHI 3:2

chemthüikoxle Zang Wangting a soxle hüiüna!”

2 THESALONIKA 1:5

Ibu pangnu makhange Zang kaxfün sukya changle ilaxle ija khoma, chem bama hünzom sikngün le hüidao laxpuix, ija zangkangting bama hünzom asukya ang achangüi.

ROM NOK HATO ZAKYA POL LAIZA 10:3

Zange khünak füi muamüi ang lomkya olom hwome ma-awan, ilaxle hwome Zang zongma sukya lom hwom lailai to zingle lax ang azongle; ilaxle Zange khünak füi muamüi angkya olom tandaokya hato hwom hüise müntsu.

WANGSHEMBU MWOT 28:31

Ile mongchong laxle tamchu owaechu chipoxle, chixe Zang Wangting bama hwon-ano üntoxle Jowanpa Jisu Khrista bama apua.

2 PITAR 1:11

Chemthüikoxle iningle tix kem Jowanpa tamchu khosünpa Jisu Khrista oshuk chitüikya wangting to hünzom ngui ang tomüi.

1 WANGHOMBU 17:13

Elija-e she ang thüi: “Taxaban. Paokox üntoxle süt achwonkox. Ikoxle pongwang ma, nang ma tüikya kha angkya hidaole an zinglaxle ku hato shong apüihüi, ilaxle atale tüikya pangwüi hünsa hünkhi hanpak ang achwonlax,

2 PITAR 1:1

Jisu Khrista wangshem tamchu chix da tuita Simon Pitar tokhange: Zang hia khosünpa Jisu Khrista otsao ma hwom füi tomle tuita thalix mongong kopkyabu hato:

KAXHO MÜIKYA LUK 1:6

Jowanpa wanlom hia kaxtombu apale hokhi a Zang miksho ma otsao tsün ngo.

JEREMIA 23:6

Chemtue chix wanghom ang changpuix, Judah angkya khünaknu chaza angkya chitüile ngoüi, ilaxle Israel khünaknu a mongsom ma ngoüi. Chix ang ‘Jowanpa kem Khosün’, le nyaküi.

ISAIA 45:24

“Ku makhange tix wüi lütkya hia janzüi kopüile hwome thüile; ikoxlechu ku thua anule tüikya pangwüi e-sekya chitüile toxüi.

1 KORIN 3:22

Pol, Apolo, Pitar; ija chaxwannu, ozün hia omang, athax tüikya hia füichi, ibu pangwüi hünzom kux,

WANGSHEMBU MWOT 20:25

“Zang Wangting bama apuk-apua ang ku hünzom khato ahamle ngopu. Ikoxle athax a hünzom opupuechu ku sün chatle ngün ang münkopüi le kue awanle.

MÜNCHUAK-TSAI 112:3

Chix homkha a ahak-aluale tamchu tsangtsa ma chemkak-chemlak chitüile changüi, ilaxle chix a othuithuima saxpu-luawang ang ngoüi.

WANWÜNKAX 8:18

Ahak-alua angkya hia achuak-achenkya kox ang ku ma tüile, okop-olwot hia tho-lün angkyachu ku ma tüile.

WANWÜNKAX 10:3

Müikya khünakbu Jowanpae woknuak ma ngo ang müntom, ikoxlechu chixe chichang-chizangkyabu ang hwome kopse tsukya kop ang müntom.

WANWÜNKAX 28:10

Müikya khünak tuita owawa ochax lom to alyet ang nange tsünle jangchang, nang a ija nang tsün ma manüi. Chemchu chitikkya khünak to a mohimanüi.

HWON-NWOT-JAONO 10:2

Je füikya mixe changkya mwot mok angkya ilaxle ongat khünake thaikya mwot mok angkya jaopo ang changle tüile.

ISAIA 26:9

Mong makhange zongbakle zangnak ma kue nang sung; chemtue nang ija chaxwannu hia ija khünaknu kaxfünle changpuix, hwom pange wüi sukya chem hex ija awanle laxüi.

ISAIA 33:6

ilaxle tingnok a oting ma sütle shingmong ang tomüi. Chixe jento chix khünaknu kho-awale ilaxle hwom ang je-hwon hia tsing-wankya koxle. Hwome tuina tüichongpa aJowanpa achuak-achenkya changle.

MATHI 19:28

Jisu-e lan: “Kue ija hünzom ang thüipu: Ongai Khünak Hosa Tsün Hozün ma, chix fuazangkya tüntong ma thungüi hex, Israel homjen bün anyi kaxfün ang hünzom ku wangshembu bün anyichu wüi ma tüntongtong ma thung angkya changle.

JUHAN 5:4

Chemthüikoxle onoxnox ma Jowanpa kaxtaimix tiküi khato julaxle ti to lüixle tox; ilaxle tüta mix wüi changlax, ija ti aloxkya füi tomle pongwang ma ti to ting ang kopkya mix, chix ma tüta ningkya kak tüikoxchu müi.