MATHI 6:31 - OTSAO BAIBEL (BSI)

³¹ “Idaile kwome chem saxüi chichangba chem lingüi chichangba chem awunüi le zangwünle khosam ang taxsüt.

MATHI 6:31 ပူးပေါင်းရင်းမြစ်များ

1 PITAR 5:7

Hünzom künthang mongdang komle chix ma toxlax, chemthüikoxle chixe hünzom to akox-anyele.

KAXHO MÜIKYA LUK 12:29

“Üntoxle hünzome chemsax chemlingüi, le sütling bama taxaban mi.

MATHI 4:4

Ijama Jisu-e lanle thüi: “Otsao Lai-e akaxle: ‘Khünak a süt lanlan füi, ozün ma ngoüi münchang; Jowanpa wikha makhange laikya, pangnu zangwün makhange tix, ngo angkya changle.’”

MÜNCHUAK-TSAI 55:22

Nang künduk mongthang Jowanpa chak to danlax, ikoxle chixe nang khoseüi; chixe chemtuechu sukya khünakbu to lüt ang matomüi.

MATHI 15:33

Wangshembue atüi: “Jangchangba ibibi khünake sax ang, iningkya faokha to keme ojong tokya süt okhongui le ataküi?”

MÜNCHUAK-TSAI 37:3

Jowanpa to mongong thomlax üntoxle müikya moklax; ija haxtok ma azangle ngolax.

2 PUKAX-PANGAO 25:9

Amaziah-e ajepa ma atüi: “Ikoxle kue hwom mün to koxdaokya khopbu a chemle changüi?” Ajepae lan: “Jowanpa nang ang ithak to lyemle kox ang thoüi!”

MÜNCHUAK-TSAI 111:5

Chix chathua zale changkyabu ang chixe osüt-oling koxle; chixe chemtuechu chix Tsaotsüt münalak.

MATHI 6:25

“Idaile kue hünzom ang thüipu: Chem saxüi chichangba chem lingüi le khüzün hanpakma chichangba chem awunüihex le taxaban. Süt füi khüzün wüi tamchu tuina füi tsangtsa wüi tüichongpa changpu.

MATHI 6:27

Hünzom khama owawa ile abüt abankyae ma tsün sokta ngaxchu alwot ang tho angchahex?

KAXHO MÜIKYA LUK 10:41

Ikoxle Jowanpa-e lanle thüi: “Mwot khoma abanle nang mongsikangün puixnyi; ikoxlechu laxli a tuita wüi changle.

KAXHO MÜIKYA LUK 12:11

“Üntoxle ongai hwome hünzom Sinagokbu hia apün-adakyabu, ilaxlechu gowarnorbu thüntho to apüiüi hex, hünzome makho alüile chemle seüi chichangba chemle lanüi le khotaxsam;

KAXHO MÜIKYA LUK 12:22

Ifüima Jisu-e wangshembu füi akax: “Idaile kue hünzom ang thüipu, hünzome süt ang chemsax üihex, chichangba tsangtsa ma chem awunüihex le taxaban.

FILIPI 4:6

Tütali bamachu taxaban, ikoxle nang zongma khütle tüikya laxli pangnu hanpakma nange zangjop makhange Zang ma atüikox, othuithuima münchong fakya kün-mong füi chix ma atüikox.