MATHI 6:25 - OTSAO BAIBEL (BSI)

²⁵ “Idaile kue hünzom ang thüipu: Chem saxüi chichangba chem lingüi le khüzün hanpakma chichangba chem awunüihex le taxaban. Süt füi khüzün wüi tamchu tuina füi tsangtsa wüi tüichongpa changpu.

MATHI 6:25 ပူးပေါင်းရင်းမြစ်များ

FILIPI 4:6

Tütali bamachu taxaban, ikoxle nang zongma khütle tüikya laxli pangnu hanpakma nange zangjop makhange Zang ma atüikox, othuithuima münchong fakya kün-mong füi chix ma atüikox.

1 PITAR 5:7

Hünzom künthang mongdang komle chix ma toxlax, chemthüikoxle chixe hünzom to akox-anyele.

ROM NOK HATO ZAKYA POL LAIZA 8:32

Chixe Hosa tomtata ngaxchu chitui le kem ang kox! Chix Hosa ngaxchu kox: chixe mamabu tomning komkaile münfa pia?

MÜNCHUAK-TSAI 55:22

Nang künduk mongthang Jowanpa chak to danlax, ikoxle chixe nang khoseüi; chixe chemtuechu sukya khünakbu to lüt ang matomüi.

MATHI 6:31

“Idaile kwome chem saxüi chichangba chem lingüi chichangba chem awunüi le zangwünle khosam ang taxsüt.

MARK 4:19

Ikoxle chaxwannu bama abankya tamchu ngun syen tokya nüfux hia mamabu to asingkya, ibu chix ma nopkyae pongle kopthom daokya kaxho to alum, ile ijae oziak dün ang chitom.

MATHI 10:19

Kax atwon ang hünzom apüikya zuma chem akaxüi le kho taxsam; kaxtsing akax ang ija ma wüi hünzom ang koxüi.

1 KORIN 7:32

Kue hünzom a mongsik ngünkyabu chemchu chitüile namngobae le texle. Kako matankya khünak tuitae Jowanpa mwottho to khünkhile tüiüi, chemthüikoxle chixe Jowanpa mwot mok ang azong ngokya tokhange ile changüi.

MATHI 6:34

Idaile ngainyixkya hanpakma taxaban. Nyixfo le thang angkya tüingoünkya to chatle janbo lang angkya mwot münchang.

2 TIMOTHI 2:4

Mwot ma zünpünpünkya süpahi tuitae ma thakma tüichong ang ngokya alixachong mong amüise tsuüi, idaile zangjang khünaknu füi afyet awutle saxmok le chichangüi.

KAXHO MÜIKYA LUK 8:14

Fum khato dütkya tsaxtsangbu a; Zang Kax atatlaxle ngokyabu; ikoxlechu künthang mongdang üntoxle okop olwot tamchu chaxwannu mongmüi akhople hüilaxle hwom to alum, ilaxle hwom oziak otuechu mün ang chifa.

MATHI 13:22

Züizüie kaxho atat ikoxlechu chaxwannu tsün bama ajang tamchu tuina to asingkyae athakle asam; ibu a fum khato dütkya, oziak chidünkya tsaxtsangbu ningle changpu.

KAXHO MÜIKYA LUK 12:11

“Üntoxle ongai hwome hünzom Sinagokbu hia apün-adakyabu, ilaxlechu gowarnorbu thüntho to apüiüi hex, hünzome makho alüile chemle seüi chichangba chemle lanüi le khotaxsam;

MARK 13:11

Üntoxle otue hwome hünzom kaxfün ang khwa to paoüi hex, hanpak mangui tanto hünzome chem akax angkya changkoxpu le abanle taxngo; ikoxle hanpak nguikya füi tomle hünzom ang chempang koxüihex ija hünzome akaxkox. Chemthüikoxle nange wünkya zangwün a nang kax münchangüi; ikoxle ibu a Otsao Chasa tokhange hüikya changüi.

JEREMIA 45:5

Nange nang hanpakma süile hume fa angkya olom lomle ngopia? Ile otuechu taxmokngozi. Kue khünaknu pangnusa hato thama-thomshix ahüile ngopu, ikoxlechu nang a, nang apaopao khato khangkho sünle ngo ang tomüi. Ija kax Jowanpa, kue akaxdaoa.”