MATHI 6:20 - OTSAO BAIBEL (BSI)

²⁰ Itülüi, ojong khato chong hia siake ama ang chitho, daple donglaxle ahuxle pao ang chitho, iningkya zangkangting to nang hanpakma tuina athünlax.

MATHI 6:20 ပူးပေါင်းရင်းမြစ်များ

KAXHO MÜIKYA LUK 12:33

Hünzome ma ma atüitüi abakle hang laxle ngun ma zasabu ang laxkox. Hünzom hanpakma chibui angkya nyitsong lomlax, ilaxle chiashuk angkya, ahuxle chipao angkya üntoxle syake chisi angkya Zangkangting to oshuk chitüikya hünzom tuina athünlax.

MATHI 19:21

Jisu-e chix ang thüi: “Nang okhonguise jangtsu, paolax, nang ma atüitüi komle hang laxle ngun chitüi chinangbu ang ahanle laxkox, ikoxle zangkangting to nang hakpa ang achangüi; ilaxle oman, ku füito hüilax.”

JAKOP 2:5

Ku tüinaohom, apahüi! Mongong ma ahak-alua ang tamchu chix to mongkünkyabu ang tsaole tüikya wangting kop angkya kuxma Zange Ija chaxwannu angkya chitüi-chinangkyabu pai-zün lelaxle.

1 TIMOTHI 6:19

Ilailaile tix hwome athax füichima ma hanpakma oja oshing mongkya chifün ang changüihex, ija tuina athün ang thoüi. Üntoxle hwome tsün oja otsingtsing tsün hex, ija kop ang thoüi.

KAXHO MÜIKYA LUK 18:22

Otue Jisu-e ija kax atat, chixe chix ang thüi: “Athaxchu nange mok angkya oli tuita tüile. Nange nang ma atüitüi bakle hanglax ilaxle ngun mixshix-zasabu ang ahanle laxkox, üntoxle zangkang to nang ahak-aluakya tüiüi; üntoxle oman, ku füito hüilax.”

MIKNGÜN-OHÜN 2:9

Kue nang tingtuibu awanpu; nang zasa changle le kue awanle, ikoxlechu otsing tomtata ma nang a hakpa tuita! Changjao chichang khato hwom Jehudi nok changpu le akaxkyabu thome nang ang kaxma thüikyabu kue awanle; hwom a baochi ma hakkya othom changle!

IBRI 11:26

Ijip nok tuina pangnu füi Khrista bama thajao wünhai wüi achongkya tuina changpu le chixe tex, chemthüikoxle chixe füichi ma kop angkya hingho chix mikza ma thom.

1 TIMOTHI 6:17

Ija tsün ma ahak-aluale ngokyabu ang chingam angkya, ikoxlechu opak chitikkya mwotkat to chichangle, kem mongmüi hanpakma Zang owae pangnu li mongtsutsu le koxpuix, chix to hwom monghom thom angkya kaxtom laxkox.

1 PITAR 1:4

ikhoma Zange chix khünaknu ang kox angle thomkya ahak-aluakya mohiman kop angkya to keme hule tanpu. Shanle chipao angkya chichangba chima angkya chichangba za le chipao angkya, ibu chixe hünzom hanpak ang zangkangting to thomle.

1 PITAR 5:4

Üntoxle Akhokya Chunnyetpa nguikya zuma, otuechu bile chima angkya nyankya khohom hünzome ataküi.

ISAIA 33:6

ilaxle tingnok a oting ma sütle shingmong ang tomüi. Chixe jento chix khünaknu kho-awale ilaxle hwom ang je-hwon hia tsing-wankya koxle. Hwome tuina tüichongpa aJowanpa achuak-achenkya changle.

IBRI 10:34

Da ang kople thomkyabu sikngün hünzome ahanle lax, üntoxle hünzom mwot-kat komle azik-amüt pongma hünzome pwonla atungle adule hüi, chemthüikoxle oshuk chitüi le ngo angkya oli athaxchu hünzome koplaxle tüile le hünzome awan.

MATHI 6:19

“Ojong khato chonge sax, siake si tamchu ahux mixe pao ang tsuakle tüipuix, iningkya chaxwannu ma matui mana taxathün.

MARK 10:21

Jisu-e chix to mongkün füi tangthole hu ilaxle chix ang thüi: “Nang oli tuitae ma angui; paolax, nang ma atüitüi pangnu hanglax, ilaxle chitüi chinangkyabu ang ahanle laxkox. Ile jangchangba nang zangkangting to tüle ahak aluale tüiüi; ilaxle oman, ku füito azuilax.”