MATHI 6:2 - OTSAO BAIBEL (BSI)

² “Chitüi chinang mix to fongle jali kox-zun pongma, künkux mongkwombue Zangshwom nui to hia noknu tu ma hwonkya ningle, achenle taxaho. Hwome ile mokkya a khünaknue hwom naxachuak ang mokpu. Kue hünzom füi kaxshing kople akaxpu, hwome ma hingho komle kopdaoa.

MATHI 6:2 ပူးပေါင်းရင်းမြစ်များ

MATHI 6:5

“Hünzome zangjop pongma, künkux mongkwombu ningle taxchang; chemthüikoxle hwome khünak noknue naxngün ang sinagok hia lompongbu to jopse tsule. Kue hünzom füi otsingtsing akaxpu; hwome otha okhongui le kopdaoa.

MATHI 6:16

“Tamchu otue hünzome chisax-chilingle atsaole zangjopkya hanpak laxüi hex, künkux-mongkwombu ningle thün ma mongma ahole taxchang. Hwome chisax-chilingle atsao alangle zangjop hanpak laxkya mixe naxngünle, ibue ma thün ma zamak tüikya pak chitik le ahole. Kue hünzom hama otsingtsing akaxpu: hwome ma hinghoho kopdaoa.

JUHAN 5:41

“Kue khünak angkya münchong lomkya chichang,

IBRI 13:16

Müikya mwot mok ang tamchu tata to fongtsox angkya taxalak, chemthüikoxle ibu a Zang mongmüi ang tomkya töbu changle.

KAXHO MÜIKYA LUK 20:46

“Wanlom tsingpabu opange nyilo tholaxle ahamse tsu üntoxle thalex nui to khünaknue hwom shwomkya to künpuix; opange sinagokbu to atsuakya tüntong lom ilaxle fongkhakya khama ngwotnui amüimüi lomlaxpuix;

JUHAN 7:18

Owae ma mongtex ma zangwün puix, chixe ma münchong lomle; ikoxle ma tsanle ajokya mix bama münchang owae lompuix, chix otsingtsing ilaxle chix ma thaikya müntüi.

1 PITAR 4:11

Hwon-nwot mixbue Zang Kaxho anwot-ano kox; thothakyabu ma ang Zange fakya zong füi thakox, ikoxletix pangnuli to Jisu Khrista makhange Zang achuak achenkya naxtüi, chemthüikoxle fuazang hia tsakzong jento chix kux changle. Amen.

MÜNCHUAK-TSAI 37:21

Chichangchizangkya khünakbue thashe laxle apüile ikoxlechu chemtuechu ija chiachat, ikoxle müikya khünakbu a hwom hinghobu mongtsutsule ahan-achei lelaxle.

EFISIA 4:28

Ahux mixe mix tsangtse le saxkya dandao, ilaxle mae otya ma saxlaxle ngo ang tsuakkya boma chitüi chinang to asun ang tsuakkya lima mwot mok ang sütkox.

GALATIA 2:10

Hwomechu ku mongto texle ngokya lailaile, hwomkha tokya tuimix nuakmixbu taxalak le akax.

WANGSHEMBU MWOT 10:4

Chix a Zang kaxtaimix thua za ang süt ilaxle thüi: “Alixachong, Ija a chempang?” Kaxtaimixe lan: “Zange nang zangjop atatdaoa üntoxle nang mwot müikya ngünle laxdaoa, ilaxle ibu khoma nang füi Jowanpa ang mongmüikya tüile.

HOSIA 8:1

Jowanpae thüi: “Tinglyet kox! Ola jukya ningle zan-nokbu ku haxtok to jule ngole! Ku khünakbue hwom füi tsaokya ku tsaotsüt amadaoa ilaxle ku hwon-nwot zongto zan ang changdaoa.

1 TIMOTHI 6:18

Müikya mwot mok angkya, müikya mwot ma ahak alua angkya, mixfüi ahan-achüi le lax ang mongtsutsu le tamchu achwonle ngo angkya bama hwom ang kaxtom laxkox.

ROM NOK HATO ZAKYA POL LAIZA 12:8

Mix ang zong adün angkya jangchangchu, keme ile mok angkya wüi changle; ma tuina mix füi ahan achüikya mixchu okhex-oküi chitüi le mok angkya changle; owa ma apün-awang angkya zong tüilaxpuix, mwot azongle mok angkya changle; owae mix to chingcha aho laxüihex, chixe ija mongmüi pwonla le mok angkya changle.

WANGSHEMBU MWOT 24:17

“Obibi zangpua hexle Jerusalem füi atsai le ngolaxle, ku ikhato ma-mix hato ngun-syen hidaole apong ang tamchu Zang to tö kox angle nguikya changpu.

WANGSHEMBU MWOT 10:31

üntoxle chixe thüi: ‘Kornelia, Zange nang zangjop atatdaoa, ilaxle nang chingcha mwotchu ngünle laxdaoa.

WANGSHEMBU MWOT 10:2

Chix a zanglom tokya mixnok sün tuita changkya. Chix üntoxle chix homkha pangnue Zang shwom. Chixe Jehudi nok chitüi chinangkyabu to huanuma fong ilaxle tuthütthüt ma zangjople nui.

WANGSHEMBU MWOT 9:36

Chopa ma Tabitha le amünkya mixcha tuita tüikya, she a mongong mixcha tuita changkya. (Grik kax ma she ang Dorka le amün, thüikoxle müikhi le amün). She e ma hanpak pangnu müikya mwot mok ang tamchu chitüi chinang mix to fong ang ashix.

JUHAN 13:29

Juda Iskariot ma ngun suak thomkya daile, pangpwon hanpakma hwom mwotkat shak angkya chichangba mixshix-zasabu ang tütali laxkoxle akaxkya changüi le züizüie thüt.

JUHAN 5:44

Hünzome tata angkya münchong kopse tsu ikoxlechu tuita wüi tüikya Zang tokhange münchong kop ang hünzom chiazong. Ile jangchangba hünzome ku to cheme ong manüi?

KAXHO MÜIKYA LUK 6:42

Ma mik angkya püntho a ngün ang chitho, jangchangba: ‘Tüinao, kue nang mik angkya zamak awütfang’, le büle thüitsuaküi? Hünzom künkux-mongkwombu! Owangole hünzom mik angkya püntho awütle shongkoplax, ifüima tix hüntüinao mik angkya zamak awüt ang nange tsingle ngünüi.

MARK 12:39

Üntoxle sinagok ma ngwotnui amüikya tamchu püntuxkya khato alixachong ngwotnui lomle;

WANWÜNKAX 20:6

Noknusae wüi ma müikya hia sukya mowün amüile zangwünle, ikoxle otsingtomtata ma iningle mix owawa atak ang azonglax!

WANWÜNKAX 19:17

Chemtue nange chitüi-chinangkya khünak ang kox-zunle changpuix, ija a Jowanpa ang koxle thomkya ningle changpu; Jowanpae ija nang ang achatle fa-angkya changpu.

MÜNCHUAK-TSAI 112:9

Chixe chitüi-chinang mix ang mongtsutsule kox-zunle, ilaxle chix chingcha otuechu thaithaxle münbang; chix a tsak-zongle tamchu achuak-achenle tüiüi.

FILEMON 1:7

Ku mongkün tüinao, nang mongküne ku ang tüle mongmüi tamchu mongchyen fale. Nange Zang khünaknu kün-mong azünle zo ang tomdaoa.

1 THESALONIKA 2:6

Kwome owa angkyachu kwom to achuak achenkya chilom, hünzom angkyachu chilom chichangba mamabu angkyachu wüi chilom.

WANGSHEMBU MWOT 11:29

Jehudi haxtok angkya tüinaobu to fong angkya hanpakma hwom mixhuak pangnue wüi mae tsuakkya apongle hingho akat angkya bama Jisu wangshembue zangwün tsuak.

KAXHO MÜIKYA LUK 13:15

Ikoxle Jowanpa-e chix kax to lan: “Hünzom künkux-mongkwombu! Hünzom pangnusasae wüi nazak nyix ma maihu hia gathobu kunkha tokya danle ti aling ang münpaozai hia?

KAXHO MÜIKYA LUK 12:56

Hünzom künkux-mongkwombu! Hünzome zangding hia chaxwan to hulaxle zangwin zanghan bama akax ang a tsuak; jangchangba anyix ngainyix kya tu-hi-wan bama büthüikoxle chitsing tsuakpu?

KAXHO MÜIKYA LUK 12:33

Hünzome ma ma atüitüi abakle hang laxle ngun ma zasabu ang laxkox. Hünzom hanpakma chibui angkya nyitsong lomlax, ilaxle chiashuk angkya, ahuxle chipao angkya üntoxle syake chisi angkya Zangkangting to oshuk chitüikya hünzom tuina athünlax.

KAXHO MÜIKYA LUK 11:43

“Hünzom farisibu, hünzom maxsax! Chemthüikoxle hünzome Sinagok ma atsuakya ngwotnui lomle, üntoxle thalex nui to mixe chazale hünzom to shwomkya lom.

KAXHO MÜIKYA LUK 11:41

Ikoxle hünzom khopkhua wansa ma tüikya chitüi chinang zasabu ang laxkox, ile jangchangba otsao-olang chemchu chitüi le nang hanpakma pangnu wüi tsaokya ang achangüi.

KAXHO MÜIKYA LUK 6:24

“Ikoxle athax hünzom tüinangkyabu maxsax; hünzome hünzom mongmüi komle laxdaoa!

MARK 7:6

Chixe hwom kax to lanle thüi: “Hünzom künkux-mongkwombu! Hünzom hanpakma Isaia ajepae ajekya changtomta koxa! Za le thomkya ningle: ‘Ibu khünakbue, Zang, le lüntüia, ilaxle tunzaza ma, ku achuak tüia; ikoxle hwom kün-mong ku füi ochu towüi.

MATHI 24:51

Opunue chix texle akhixüi ilaxle chix ang künkux-mongkwombu süntswon ang tomüi. Ikhato chix sopkya tamchu wa azyakkya tüiüi.

MATHI 23:6

Püntux nui to ngwotnui müikya ma tamchu sinagok to atsuakya ngwotnui ma ngose tsule.

MATHI 22:18

Hwome chix tsünkya awanlaxle Jisu-e lan: “Hünzom künkux-mongkwombu changle; chem hanpakma hünzome ku tsünle ngopu?

MATHI 16:3

Zanghan dün to hu laxlechu hünzome thüitüi: ‘Zangding khile tamchu nakle, zangwat koxlax!’ Zangding to hulaxle hünzome zang chimüimüi angkya a akax ang tsuak ikoxle athax pongkya chaxwan zanghan bama a münwanbu ngünlaxle ngaxchu chiawan tsuak!

MATHI 15:7

Hünzom a künkux-mongkwombu changle; hünzom hanpakma Isaia-e ile ajekya a sule wüi ajepu:

ISAIA 58:7

Nang süt a chitüi-chinang füi ahanle saxkox ilaxle homhax chitüikyabu ang nang hom daple laxkox. Nyiwun chitüikyabu ang nyiwun laxkox, ilaxle ma haxnu-homsa hwom to münfongpu le tax-angam.

ISAIA 9:17

Idaile Zang-e tsünzün hwom opupuchu paole azang ang münkox, ilaxle chixe zomnu hia khaxsa hwom opupu tochu chingcha ahokya müntüiüi, chemthüikoxle khünaknu pangwüi zang chilax homtoxle ngokyakya tamchu chichangchizangle tüikyakya wüi. Itukuxle changkox-ngaxchu Jowanpa mongtsik münbaktoxüi, ikoxle chix chak a athaxchu hwom to sikangün ang ajong lüwüi ngoüi.

HWON-NWOT-JAONO 11:2

Nange ngun-syen malom-malom to danlax—chemthüikoxle ija chaxwannu ma nange chemningkya osho-jowan apongüihex müntik.

1 SAMUEL 15:30

Sol-e lan: “Kue ochax lyendaoa. Ikoxlechu Israel nok lompabu hia khünaknu tuntho to ku to e-sele chang koxle müise. Ku füi tomle chat-hax ilaxle ku ang Jowanpa nang Zang to shwomtole chang ang koxhüi.”

MATHI 7:5

Nang a künkux-mongkwom changle; pongwang ma ija nang mik angkya püntho mo shongwün koplax ifüima tix hüntüinao mik angkya zamak awüt ang tsingle ngün ang thoüi.

MATHI 5:18

Idaile kue hünzom ang otsingtsingma akaxpu; ding hia hax mamax-maxba tamchu ibu pangnu angaile machang tanto Wanlom funtachu muato kaile leüi münchang.

ISAIA 10:6

Zang chilax homtoxle ngokya jat-li to sing angkya hanpakma kue Asiria nok apaopu, ku mongtsik ang tomkya khünakbu to a. Kue hwom tuinabu tsui angkya tamchu ahux angkya ilaxlechu khünaknu to tingjang tokya haxbu to nakpupule nakle tox angkya hanpakma kue hwom apaopu.”

MATHI 6:3

Idaile nange tö koxkya zuma, nang tsaxchi chake chem mokpuix ija nongchi chak ang awan ang taxtom.

MATHI 23:5

Hwome tütalichu khünake naxngün le mokle; hwome münwan sükhaokya khale kop ilaxle nyitua ma osutua ashale laxse tsule.

1 KORIN 13:3

Ku ma atüitüi komle kue koxle apao ang tsuak koxlax, üntoxle ku tsangtsa zokle ashun ang koxtsuak koxlax, ikoxlechu ku ma mongkün chitüi thüikoxle ku ang chem lap müntüi.