MATHI 6:16 - OTSAO BAIBEL (BSI)

¹⁶ “Tamchu otue hünzome chisax-chilingle atsaole zangjopkya hanpak laxüi hex, künkux-mongkwombu ningle thün ma mongma ahole taxchang. Hwome chisax-chilingle atsao alangle zangjop hanpak laxkya mixe naxngünle, ibue ma thün ma zamak tüikya pak chitik le ahole. Kue hünzom hama otsingtsing akaxpu: hwome ma hinghoho kopdaoa.

MATHI 6:16 ပူးပေါင်းရင်းမြစ်များ

NEHEMIA 1:4

Chemtue kue ija kax atatpuix, ku sop üntoxle thung. Kue Zang to jop,

DANEL 9:3

Ilaxle kue mongkoxle Jowan Zang to zangjople, ku a süt chisax, ti chiling, nyikhwon awun ilaxle labu khato thungle ngole tüikya.

KAXHO MÜIKYA LUK 18:12

Hatdang to kue anyi pongma chisax chilingle atsaole joppu; kue akopkop pangnu li angkya bün ma thomta nang ang danpu.’

MARK 2:18

Mwotlom tuita bama Juhan hia farisibu wangshembue atsaole jople hanpak laxle ngo. Züizüi khünak Jisu hato hüilaxle atüi: “Juhan wangshembu hia farisi wangshembue a atsaole jopkya hanpak lax ikoxle nang wangshembue a büthüikoxle chilaxpu?”

MÜNCHUAK-TSAI 69:10

Ku ku lualua to puinaipu chisax-chilingle atsaokya makhange, ilaxle khünaknue ku adix-adapu;

MÜNCHUAK-TSAI 35:13

Ikoxlechu chemtue hwom kakpuix, kue mangsop nyiwun lax; Kue süt chisax ti chiling; Kue khang akhuxlaxle

WANGSHEMBU MWOT 14:23

Müimüithom to tiale hwom azui angkya lompabu zünle tox; hokhie ilaxle chisax chilingle zangjop hanpak lax üntoxle hwom Jowanpa chak to fünle kox.

MATHI 6:5

“Hünzome zangjop pongma, künkux mongkwombu ningle taxchang; chemthüikoxle hwome khünak noknue naxngün ang sinagok hia lompongbu to jopse tsule. Kue hünzom füi otsingtsing akaxpu; hwome otha okhongui le kopdaoa.

MATHI 6:2

“Chitüi chinang mix to fongle jali kox-zun pongma, künkux mongkwombue Zangshwom nui to hia noknu tu ma hwonkya ningle, achenle taxaho. Hwome ile mokkya a khünaknue hwom naxachuak ang mokpu. Kue hünzom füi kaxshing kople akaxpu, hwome ma hingho komle kopdaoa.

ESTAR 4:16

“Paokox, ilaxle Susa angkya Judah khünaknu pangwüi sele asox kox; ilaxle ku hanpakma chisax-chilingle atsaole zangjop kox. Nyixzom wünzom hanpakma chemchu taxsax taxling. Ku dacha kwome chuwüi ile changüi. Ile chang füima, wanlom ma chitüi koxlechu ku wanghom hato nguiüi. Ile changkya khoma mik max angkya laikoxchu ku mik naxmax kox.”

2 SAMUEL 12:16

Nao kakmüi angkya hanpakmale Dawid-e Jowanpa to jop. Chixe süt ngaxchu münsaxpule chisax-chiling ilaxle jafole chix nui to nguilaxle haxkha ma shuile zang angai.

MÜNCHUAK-TSAI 109:24

Süt okhonguile chikop laxle ku chikuxbu a zong jaojao chitüile naile; khwon hia za boma kuma chemchu müntüi.

1 WANGHOMBU 21:27

Chemtue Elija-e chix kax ashukpuix, Ahap-e chix nyi akyet, ilaxle sikle awüt, ilaxle nyikhwon awun. Chixe süt chisax, nyikhwon dingma jip, ilaxle thün wüi huishole mongma füi aham.

2 KORIN 11:27

Mwotmok angkya hia fuxtsüi huanuma apongle hüi; obi thomthom ma hexle ku chijip homle le; woknuak tilane ku tüle-tüle jemax hwonsam; süt, zui angkya nui hia nyiza chilax homtoxle ku obi thomthom ma hexle ngole hüi.

1 KORIN 7:5

Hünkhie noxta bama zangjop hanpak laxhaxle wünle tsuakle lüwüi chichang thüiba, tata zongto taxakhex; ikoxlechu ifüima chatle wüi kakonu kakopa le notomün. Ile chichang thüiningle ma akumathumkya chitüikya tokhange baoe hünkhi thwontsing to adüt ang tsuak.

KAXHO MÜIKYA LUK 2:37

she zang puli ali nguile zomnu ang achangle hüi). She e chisax chilingle atsaole zangjop hanpak laxle anyixningchu üntoxle awünningchu ojao chidan le Zangshwom hom ma nui.

MALAKI 3:14

Hünzome thüipu, ‘Zang thothakya ma olüi chemchu müntüi. Chixe akaxkax mokkya ma chemtüi chichangba kwome chem mokdaopuix ija bama kwom thaikya ngaipu le Jowanpa hato aho ang azongkya ma chemtüi?

2 SAMUEL 12:21

Chix nguakax-wangkhobue chix ang thüi: “Kwome ija tsing ang müntsuak. Nao ozün ma tüipongma nange sütngaxchu chisaxle soplanle ngopu, ikoxle chixchu zipule nang zolaxle sütling saxle changtüi!”

2 KORIN 6:5

Kwom to chak mokpu, kun to shopu, ilaxle tuwuk adünpu; kwome mwotnüi mokpu ilaxle chijip chipom homle chichangba chisax chiling homle akaipu.

WANGSHEMBU MWOT 10:30

Kornelia-e thüi: “Ipongkhae shongnyix nyix azom thoto ku azom baji shene hom ma tsomfüi zangjop hanpak laxle ngokya. Tüle nyankya nyiza awunlaxle ku thüntho ma mixsün tuita ajong,

MATHI 6:1

“Khünake naxngün le hwom miksho ma otsao mwot chimok angkya bama hünzom khünlax. Iningkya mwot hünzome noknu thüntho ma mokle jangchang thüiningle, zangkangting tokya hünzom Hopae fa angkya hingho hünzom ang chemchu müntüi.