MATHI 6:10 - OTSAO BAIBEL (BSI)

¹⁰ Nang wangting hüi ang laxkox; Zangkangting to tüikya ningle; Chaxwannu machu tsuak ang tomkox;

MATHI 6:10 ပူးပေါင်းရင်းမြစ်များ

IBRI 10:36

Zang mongtex mwot mok ang tamchu chixe tsaokyabu kop angkya hanpakma hünzome adu angkya changle.

JUHAN 4:34

Jisu-e lanle hwom ang thüi: “Owae ku tsanle apaopuix, chix mongtex mwot mok angkya tamchu chix mwot ashuk angkya a ku süt changpu.

MATHI 26:42

Anaolechu othom anyi lekya chix atsaile pao ilaxle zangjop: “Ku Apa! Kue maling-lingba ija wansa chipao tsuak angkya jangchang thünchu nang mongtex ma wüi naxchang!”

MATHI 12:50

Chemthüikoxle owae zangkangting tokya Apa kax ma laxle tüiüi hex, ibu tix ku zongto anu tamchu kunao hwom changpu.”

1 THESALONIKA 5:18

tütatue hex münchong fale tüikox, Khrista füikya notom ma hünzom tsün ma Zang mongtex a ija changle.

ROM NOK HATO ZAKYA POL LAIZA 12:2

Kotok to ngünkya chaxwannu zanglom ningle taxngo, ikoxle nang khangka tutex pangnu alüixle Zang ang nang kün-mong lüi ang laxkox. Ifüima müikya chemhex, chix zongma chem müipuix, ilaxle okhonguikya chem hex: Ija Zang mongtex nange awan ang thoüi.

JUHAN 6:40

Chemthüikoxle Hopa mongtex a ija changle: Opange Hosa ngünpuix tamchu chix to ongpuix, hwom ma oshuk chitüikya khüzün tüiüi; Ilaxle oshuk nyix kue hwom ozün ma ngo ang tomüi.”

KOLOSI 1:9

Ikhoma kwome hünzom bama atatle hüikya tokhange wüi hünzom hanpakma zangjople hüikya changpu. Otsao Chasae fakya hwon-je hia tsingle tsuakkya pangnu füi, tsingwankya chix mongtex füi hünzom awang ang laxkoxle kwome Zang to joppu.

EFISIA 6:6

Hwome nang ang sule naxthüi le, hwome hünzom to hule ngopongma tata ile taxmok; ikoxle Khrista ma dahaibu ningle, Zang mongtsukya chemhex ija to mongkoxle mokkox.

MÜNCHUAK-TSAI 40:8

Ku Zang, kue nang mongtex mok ang chemtukux mongkünpuix! Nang hwon-nwot kue ku mongkha ma thomle.”

MATHI 7:21

“Ku ang Jowanpa le anyaknyak pangwüi Zangkho Wangting to ngui ang thoüile münchang; ikoxle ikha a, zangkangting tokya Apa mongtex ma saxmokkya mixe tix atak angkya onui changle.

1 PITAR 2:15

Chemthüikoxle hünzom mwot müikya tokhange ongatbue kaxbi ngaoba kaxzexkya adang angkya Zang mongtex changle.

IBRI 13:21

Chix mongtex mwot mok ang mongsom Zange hünzom hanpakma laxli müikya oli pangnu füi angui awangle naxfa, tamchu Khrista makhange chixe chix mong amüi angkya oli kem ma naxmok. Üntoxle othuithuima Khrista ang fuazangkya naxchang! Amen.

MATHI 3:2

chemthüikoxle Zang Wangting a soxle hüiüna!”

DANEL 7:27

Zangfang angkya wangtingbu tsak-zong hia chuak-chongkya pangwüi Khüthak Zang khünakbu chak to koxüi. Ija chongwang wangting a tam münmax, ilaxle chaxwannu angkya apün-awangle tüikya noknusae chix thothale chix kax ma laxle ngoüi.”

KAXHO MÜIKYA LUK 22:42

Chixe thüi: “Apa, nang mong jangtsuba, ku angkya ija sikngün wansa paohüi. Bachutix ku mongtex münchang, ikoxle nang mongtex ma wüi naxchang.”

JUHAN 7:17

Khünak owae Zang mongtex ma mok ang tsupuix, chixe ku hwon-nwot Zang makhange akax pia hia ku mongtex ma akaxpuix, awanüi.

DANEL 2:44

Wanghom ibue apün-adale ngokya tuk ma zangkangting tokya Zang-e wangting tuita zingle alaiüi, ija chiashuk toxkya wangting ang changüi. Ija wangting to owaechu tingtakle münchangüi, ikoxle mama wangtingbu komkaile amüt laxle ija wangting a oshuk-okim chitüile ngoüi.

MIKNGÜN-OHÜN 19:6

Ifüima khünaknu tüle tüikya zing ningle, asoxsoxfüt le ti dütkya sap zing ningle tamchu zang adungkya ozing ningle kue atat. Hwome ile akaxkya kue atat, “Zang achuakkox! Khüthak Zang a Chongwang changle!

1 THESALONIKA 4:3

Hünzom otsao ma tamchu chinunchakkaikya füi atsaile ngo angkya Zang mongtex changle.

WANGSHEMBU MWOT 21:14

Kwome chix abax ang chitho, idaile kwome oshukma “Jowanpa mongtex wüi naxchang fatix”, le zangjople ashuk.

DANEL 4:35

Chixe chaxwan tok angkya khünaknu to chem angchu chilaxle hule; zangkangting tokya kaxtaimixbu hia chaxwannu angkya khünak pangwüi chix chak fang ma tüile. Chix mongtex füi apüile owachu ajong ang müntho chichangba chixe mwot to tsa ang müntho.

WANGSHEMBU MWOT 13:22

Chix apao füima, Zange Dawid hwom wanghom ang achang. Ija a Zange chix bama akaxkya kax, ‘Ku mongtex ma shakya, kue atsantsan pangwüi mok angkya mix kue atakdaoa. Chix a Jesse sasün Dawid changpu.’

MATHI 4:17

Ija makhange Jisu-e hwon-nwot owang wangle thüi: “Hünzom ma ochax tokya mong chatlax; chemthüikoxle Zang Wangting nguile tüile.”

MIKNGÜN-OHÜN 12:10

Ifüima zangkangting to, “Athaxpi Zang khosün hüidaoa! Athaxpi Zange chix chongwangpa changpu le zong ahodoa! Athaxpi chix Messaiah-e, apün-adakya chix zong ahodaoa! Zang thüntho ma ajong laxle, kemtüi kemnao hwom ma; zangnak zangngai to, kaxhux fengokya mix; zangkangting tokya, tswonle awütdaoa.

1 PITAR 4:2

Athax makhange atale tüikya hünzom chaxwannu tsün khünak küntsu monglua ma chichangle Zang mongtex ma akumathum le ngo angkya changle.

IBRI 10:7

Iponge kue thüi: Ku hanpakma wanlom ma, zale tüikya ningle; O Zang, nang mongtex ma, mok ang ku ikhama tüile”.

KAXHO MÜIKYA LUK 19:38

“Jowanpa mün ma nguikya, Chongwang to Zange mohiman hüi! Zangkangting to mongsom üntoxle Zang ang fuazangkya naxchang!”

MARK 3:35

Jowanpa mongtex ma owae mokpuix, hwom a kutüi-kunaohom tamchu ku anu changpu.” Hwom a kutüi-kunaohom tamchu ku anu changpu.

MATHI 16:28

Kue thüipu, Khünak Hosa chongwang ang achangle nguikya mangün tanto ikha ma ngokya züizüie zikya füi münapongüi.”

DANEL 7:13

Zangnak ma kue ija wünmang ngünle ngopongma, kue khünak ningkya tuita ngün. Chix a kuchi to hüile ngokya. Chix a zangfwome akankhople tüikya, ilaxle chix a jento ozün ma ngole tüikya hato hüi ilaxle ija ku ang kox.

NEHEMIA 9:6

Ifüima Israel khünaknue ija zangjop jop: “nang a Jowanpa changpu, Jowanpa a nang tata wüi; zangdingkho hia ibu ma tüikya lyettsi-lyetsa pangnu nange zingpu. Nange chaxwan zangfang zing ilaxle ikhama atüitüi pangwüi nange zingpu; ibu pangnusa ang khüzün-zakdün nange fapu. Zangkho tokya tsak-zongbue nang tong to akhuxle shwomle.

MARK 11:10

Wanghompa Dawid wangting nguikya to, Zange mohiman kox! Zang mün achuak kox!”

MIKNGÜN-OHÜN 11:15

Ifüima kaxtaimix anüt lükyae chix nyazong müt, ilaxle zangkangting to tüle-tüle azaxle hwome thüi: Chaxwan apün angkya tsakzong, athax a kem Jowanpa tamchu, chix Messaiah kux changle; othuithuima chixe apünüi!

MIKNGÜN-OHÜN 20:4

Ifüima chongwang tüntongbu üntoxle ibu ma thungle tüikyabu ang kaxfün fa angkya tsakzong fakya kue ngün. Jisu Khrista-e angaikya otsingtsing hia Zang Kax apuk-apuakya khoma dingsomkya chasabuchu wüi kue ngün. Ibue müi hia chix chapa to chishwom, ilaxle hwom khangpong ma chichangba chak male müi münwan hwome chilax. Zangpua hajat tuita Khrista füi tomle apün-ada angkya hwom ozün ang achangle chat.

MÜNCHUAK-TSAI 2:6

Chixe thüi: “Zaion, ku otsao haxnu ma, kue ku wanghom thwomdaoa.”

IBRI 1:14

Jangchangba kaxtaimixbu a chem? Hwom a Zang thothakya chasabu opange Zang khosün atak angkyabu hato tsanle apaopuix, ibu changpu.

KOLOSI 1:13

Chix owae kem zangnak tsakzong chak tokya sünle kop ilaxle chix mongkün Hosa wangting to khosün laxle apüipuix;

KAXHO MÜIKYA LUK 19:11

Khünaknue ija kax apale ngoponge wüi ito bole Jisu-e hwom hama kaxpan ija akax. Athax chix Jerusalem hato soxünkya, ikoxle Zang Wangting thuile laiüi le hwome thüt.

ZEKARIA 9:9

Mongmüikox, mongmüikox, Zaion angkya khünaknu! Mongmüi to akhong kox, hünzom Jerusalem angkya khünakbu! Hulax, hünzom wanghompa hünzom hato nguile ngole! Chix a zanbu to lütlaxle chuak-chongle nguingole, ikoxlechu mantsak kun kha angkya mantsaksa kho ma ngalaxle somdangle.

ISAIA 2:2

Athax füichi ma Zangshwom-Hom ajongle tüikya haxhua haxhua pangnusa füi süchuakle tüiüi, haxhuabu pangnusa to ijae tuküi. Abünle zakya füi jat-libu ija haxhua hato nguiüi,

WANGSHEMBU MWOT 22:14

Chixe thüi: ‘Chix mongtex tsing angkya chix otsao da ngün angkya üntoxle chix tun makhange akaxkya chix kaxzing atat angkya hanpakma kem pupa hwom Zange nang zünle kopdaoa.

JEREMIA 23:5

Jowanpae thüi: “Dawid sixli hwomkha angkya kue otsao wanghom tuita zün angkya hanpak nguile hüile. Ija wanghompa-e je füi apünüi ilaxle haxtok ma pangnu khato wüi changkya hia sukya mwot moküi.