MATHI 5:9 - OTSAO BAIBEL (BSI)

⁹ “Tumüi mwot mokkyabu mohiman; hwom ang Zang susabu le nyaküi!

MATHI 5:9 ပူးပေါင်းရင်းမြစ်များ

IBRI 12:14

Pangnu füi tumüi ang azonglax, chemthüikoxle ija chichang homtoxle owaechu Zang ngün ang münthoüi.

ROM NOK HATO ZAKYA POL LAIZA 12:18

Pangnu lito, nangchi makhange, nok füi wüi mongsom ma tumüi le ngotsuak angkya lima mokkox.

GALATIA 5:22

Ikoxle Chasa oziak a ibu changpu: Mongkün; mongmüi; mongsom; adukya; chingchajaja; müikya; mongong; jonai; ilaxle ma alüile akumathumkya;

MÜNCHUAK-TSAI 120:6

Tumüi to anukyabu füi, ku okuilole ngole hüidaoa!

ROM NOK HATO ZAKYA POL LAIZA 8:14

Opang Zang Chasae zunle tüilaxpuix hwom a Zang susabu changle.

KAXHO MÜIKYA LUK 6:35

Ile münchang! Hünzome ma zanbu to mongkün kox ilaxle hwom ang müikya olom mokle laxkox; olüix kopüi le ongkya chitüi le laxkox. Ile jangchangba nang ang hingho chongkya tüiüi, üntoxle hünzom a Taitax Zang susa ang achangüi; chemthüikoxle münchong chifakya hia chichang-chizangle tüikyabu to chixe chingchale.

2 KORIN 13:11

Kutüi kunaohom, athax a ngodao! Nguiwangkya atak ang atinlax; ku zangwün to natha hüi; tata füi tsaitun-kaxtun tomle tüihüi; mongsom ma ngohüi. Mongkün hia mongsom Zang hünzom füi ngohüi.

KOLOSI 3:13

Tata füi adule tüilax üntoxle hünzome owawa füi chisumüikya zangwün tüipongma tata ang thailak laxkox. Jowanpa-e hünzom ang thailak fadaokya ningle hünzomechu tata ang thailak fa angkya changle.

MÜNCHUAK-TSAI 34:12

Nange tsün mongmüi füi ngose tsucha? Nange tsünlwot hia mongmüi laxse tsucha?

MATHI 5:48

Ijadaile chemle zangkangting tokya hünzom Hopa okhoguile tüipuix, ija ningle hünzom chuwüi okhongui angkya changle.

2 KORIN 5:20

Zang chixjaoe kwom makhange chix zangwün thwonkya tukux, ikhama kwome Khrista bama zangwün ngopu. Zan ang ngokya chix füi zuikhui ang achangle, Zange hünzom mong alüix ang laxkoxle kwome Khrista mün ma Zang to joppu.

WANGSHEMBU MWOT 7:26

Ofüinyix chixe Israel khünak mixsün anyi ahele ngokya ngün, ijama chixe hokhi hyet abaxle tu amüi ang azong. Chixe thüi: ‘Hünkhie tam apahüi; hünkhi a hotüi-honao changle; büthüikoxle tata füi ahepu?’

MATHI 5:45

Ikoxletix hünzom a zangkangting tokya Apa susabu ang achang ang tsuaküi; chemthüikoxle chixe chix zanghan füi chimüikya hia müikya khünaknu nok to tomwüi nyan ang tomle; tamchu omüi mokkya hia oma mokkya pangnu ang zangwat tomwüi fale.

1 PUKAX-PANGAO 12:17

Dawid a hwom füi apong ang zik ilaxle thüi: “Hünzom ku to fong ang zuikhui ningle nguikya jangchang, hünzom a mongmüimüile pongle koppu, kwom khato hak-hüi! Ikoxlechu hünzom mong ma zanpabu chak to ku khohang angkya tsingtsang tüile jangchang thüiningle, kue hünzom to chem oma chithüikoxlechu, kem pupa hwom Zang-e ija awanle laxüi ilaxle chixe hünzom to sikangünle changüi.”

1 KORIN 6:6

Itülüi, khristan tuitae ata khristan füi apüile zangwün khwa to pao ang ilaxle chiongkyabu ang ija zangwün fün ang kox.

FILIPI 4:2

India hia Sintik nyi, kue hünkhi ang thüipu: Chingchalaxle Jowanpa ma na-hi-naohom ningle hünkhi tsaino-kaxno tomhüi.

KAXHO MÜIKYA LUK 20:36

Hwom chatle münzi toxüi chemthüikoxle hwom a kaxtaimixbu ningle achangüi. Zidaokya anaole zokyabu daile hwom a Zang susabu changpu.

EFISIA 4:1

Jowanpa mwot mok angkya khoma tuita kople thomkya mix, kue hünzom ang thüipu: Chixe hünzom nyak pongma tyale thoptox daokya chifün füi asule hünzom ahamkox.

ROM NOK HATO ZAKYA POL LAIZA 8:16

Kem Zangsu Zangsabu le aho ang kem chasa füi Zang Chasa, chix jao athutle.

ROM NOK HATO ZAKYA POL LAIZA 8:19

Zang chakzing pangnue wüi Zange Hosa angaile ahokya ngün ang mong ma sungle tanle ngole.