MATHI 5:8 - OTSAO BAIBEL (BSI)

⁸ “Kün mong tsaothakyabu mohiman; hwome Zang ngün ang kopüi!

MATHI 5:8 ပူးပေါင်းရင်းမြစ်များ

MÜNCHUAK-TSAI 24:4

Opang mwot hia tutex ma tsaothale tüipuix, owae chapabu to chishwom puix chichangba othai to tsaosaxle chichangpuix, ibutix nguidong tsuaküi.

MÜNCHUAK-TSAI 51:10

O Zang, ku ma mongtsaokya alaile fahüi, üntoxle khüzün hia otsao chasa ku ma shole fahüi.

IBRI 10:22

Idaile chimüikya tutex tokya atsao daokya mongtsangbu hia ti füi sodaokya tsangtsabu füi, künzu-mongzule üntoxle mongao chitüikya mongong füi kem Zang hato hüihax.

IBRI 12:14

Pangnu füi tumüi ang azonglax, chemthüikoxle ija chichang homtoxle owaechu Zang ngün ang münthoüi.

WANWÜNKAX 22:11

Nange küntsao-mongtsaokya to hia chingcha zangwün to kün-luakya jangtüi, wanghompa a nang zuikhui ang changüi.

JAKOP 4:8

Zang hato soxle hüikox, ikoxle chix nang hato soxle hüiüi. Ochax khünakbu, hünzome ma chak tsuxlax! Künkux-mongkwombu, hünzome ma mong atsaolax!

1 PITAR 1:22

Hünzome otsingtsing kax ma laxkya füi künkux-mongkwomkya chitüi homle, tüinaoe tüinao to mongkün angkya hanpakma hünzom chasa tsaothale zingle fakoxle, hünzom tüinaoe tüinao to mong bakle koxkya füi, küntsao-mongtha le tamchu chizakle akün-aluale tüikox.

JAKOP 3:17

Ikoxchu thakchi tokya je-hwon a pongwang ma tsaotha le changüi; tamchu ija a mongsomjale, somdangle tamchu asyen-abui le changüi; ija a chingchajaja oziak opuae awangle tüile; ija a mapai mixzünkya tamchu künkux-mongkwom füi janle tüile.

TITA 1:15

Ma alüile tsaole ngokyabu zong to pangnu wüi otsao; ikoxlechu mongong chitüikya hia achax le ngokyabu zong to tsaokya chemchu müntüi, chemthüikoxle hwom khangka hia tutex tsaotha le chitüi.

MÜNCHUAK-TSAI 15:2

Opange pangnu lom ma Zang kax ma laxle tüipuix üntoxle othuithuima changkya mwot mokle tüipuix, opang zangwün sule tamchu mongkoxle tüipuix,

WANGSHEMBU MWOT 15:9

Chixe kem hia hwom ba süile münthom; hwome ongkya khoma chixe hwom mong atsaole koxle.

MÜNCHUAK-TSAI 73:1

Israel nok hanpakma Zang a otsingtomtata ma müile, mong tsaothale tüikyabu hanpakma a.

IBRI 9:14

Khrista aji makhange tomning ija mwot otukux tsuakle hüipuix! Oshuk chitüikya chasa makhange chixe alüile ma nguiwangkya Zang ang tö kox. Ile keme ozün Zang thotha angkya kuxmale, chixe aji mwot to chihüikya zomchax tokya kem khangkho angaile faüi.

2 KORIN 7:1

Ku mongkün zuikhuibu, kaxtsao ibu pangnu kem hanpak ang zingkya changle. Idaile, tsangtsa chichangba chasa ma tsao ang chikoxkya oli pangnu tokhange malualua to atsai le ngolax, ilaxle Zang thuazale ozün ma ngokya tokhange kem komkaile otsao ang achangle ngohax.

MÜNCHUAK-TSAI 18:26

tsaothakyabu zongto nang tsaothale tüipu, ikoxlechu chichangchizangle tüikyabu zongto zanpa ang changpu.

1 KORIN 13:12

Athax keme chem ngünpuix, ija a chahu mongto ocha ngünkya ningle changpu; ifüima keme thünkhang asaole ngünüi. Athax kue chem tsingpuix ija a süifi-süitex; ifüima kue tsingle ngokya ningle ibu pangnu komkaile tsingle laxüi.

MIKNGÜN-OHÜN 22:4

Hwome chix thünza ngünüi, ilaxle hwom khangpongbu ma chix münwan zaüi.

PONGWANG LAIPEX 32:30

Jakop-e thüi: “Kue thün-khang asaole jao Zang ngün ang kopdaoa, ikoxlechu athax kople ku ozün ma ngopu.” Ikhoma chixe ijakha ang Peniel le nyak.

MÜNCHUAK-TSAI 51:6

Mongkoxkya hia otsingtsing a nange lomkya changle; nang je-hwone ku khangka awang fale.

2 SAMUEL 22:27

Tsaothale tüikyabu zongto nang tsaothale le tüi, ikoxlechu chichang-chizangle tüikyabu zongto nang a zanpa tuita.