MATHI 5:5 - OTSAO BAIBEL (BSI)

⁵ “Puinaikyabu mohiman; Zang kaxtsaobu hwome ataküi!

MATHI 5:5 ပူးပေါင်းရင်းမြစ်များ

MÜNCHUAK-TSAI 37:11

Ikoxlechu puinaikyabu haxtok kopüi ilaxle mongsom hia okop-olwot ma pwonla dongkya ngünüi.

ISAIA 29:19

Jowanpa Israel nok Zang-e koxkya ma, chitüi-chinang hia pui-naile tüikya khünakbue tamchatle mongmüi angkya ataküi.

JAKOP 3:13

Hünzom khama tsingwankya hia jetüi hwonlangkya mix owawa tüicha? Chixe puinaikya hia je-hwon füi mwotmüi mokkya hia tsün müile ngokya tokhange ija kaxkhi fa angkya changle.

MÜNCHUAK-TSAI 149:4

Jowanpae chix khünaknu füi mongmüile; puinaile changkyabu chixe zan to lüt ang tomkya füi achuak-achenle.

GALATIA 5:23

iningkyabu füi wanlom müntüi.

JAKOP 1:21

Idaile hünzome chitsaokya oli pangnu üntoxle awangle ngokya chimüikya ochax awütlax, üntoxle nang mong ma hüikya kax ojae nang azün ang thoüi hex, somdangle ija kax pongle koplax.

MÜNCHUAK-TSAI 25:9

Puinaikyabu chixe sukya lomtang to zun, hwom hama chix mongtex anwot-anole kox.

HUAKE LAIPEX 12:3

Mosa a puinaikya mix, chaxwannu ma chix lailaile puinaikya mix chitüi.)

KOLOSI 3:12

Hünzom a Zang khünaknu changle; chixe hünzom to mongkünle üntoxle hünzom a chix mamix ang kamle kopkya changle. Idaile hünzom a, chingcha, mongkün, puinaikya, jonaikya ilaxle adukya, ibu füi awunlaxle ngolax.

MATHI 11:29

Hünzome ku dang ma pailax, ilaxle ku angkya awanle koplax; chemthüikoxle ku a somdangkya mix tamchu chasa ma jonaikya mix changpu; ilaxle hünzome nazak atak ang thoüi.

EFISIA 4:2

Othuithuima puinaikya, somdangkya, ilaxle adukya tüikox. Tata füi adukya tokhange hünzome künkak mongkün ahokox.

1 PITAR 3:15

Ikoxchu hünzom mongtsang ma, Khrista a Jowanpa changpu le achuak achenkya tüilax. Hünzom ma tüikya monghom bama owawae kaxtik-ngaoshokya jangtüiba, chix kax to lan ang othuithuima achwonle ngolax.

ZEFANIA 2:3

Jowanpa hato chatkox, haxtok angkya puinaile tüikya khünaknu pangwüi, hünzom chix kaxtombu kax ma laxle tüikyabu. Chem supuix ija mokkox, ilaxle Jowanpa tuntho to malualua to puinaile changlax. Ile jangchang thüiningle Jowanpae chix mongtsik ahokya nyix hünzom azangle pao ang tsuak.

TITA 3:2

Owa angchu omale kax chithüi angkya, ikoxle mongsom hia zuikop manle tüi angkya ilaxle pangnu zongto wüi othuithuima jonai le tüi angkya hwom hama wünkox.

MÜNCHUAK-TSAI 37:22

Opang to Jowanpa mohimanle changpuix, chaxwan a hwom kux ang changüi, ikoxlechu opang to thuakzomle changpuix ibu a jwonle asamüi.

MÜNCHUAK-TSAI 37:9

Opangsae Jowanpa to mongong thompuix hwome haxtok kopüi, ikoxle chichang-chizangkyabu a jwonle apaoüi.

1 PITAR 3:4

ikoxle mong othongdua to, künsom mongdang hia dangjajakya chasa, omüt osam chitüikya zapua ang achanglax; ija chasa a Zang miksho ma thalix changle.

ISAIA 11:4

chixe mixshix-zasabu bama sukya kaxfün faüi ilaxle asunfa angkya mix chitüikyabu süntom amüt ang müntomüi. Chix kaxtom ma khünaknu to sikangünkya tüiüi, ilaxle ochax khünakbua ziüi.

MÜNCHUAK-TSAI 25:13

Hwom a othuithuima ahak-aluale tüiüi, üntoxle hwom su-sabue haxtok kopüi.

1 TIMOTHI 6:11

Ikoxlechu, nang Zang khünake, ibu lom pangnu tsyakle toxdao. Chasa Otsao, Zang womle tüikya, mongong, mongkün, thuakjokkya, ilaxle somdangkya, tamchu ibu hanpakma azong amongkya tüikox.

MÜNCHUAK-TSAI 69:32

Chemtue mix fangto ngokyabue ija ngünüihex, hwom ang mongmüikya tüiüi; opange Zang to shwomle tüipuix, hwom ang mong achenüi.

MÜNCHUAK-TSAI 37:29

Otsao khünakbue haxtok kopüi ilaxle ikhama jento ngoüi.

MÜNCHUAK-TSAI 37:34

Nang monghom Jowanpa ma thomlax ilaxle chix kaxtombu kax ma laxlax; hünzom ang haxtok koxle chixe hünzom achuak-achenle changüi, üntoxle chichang-chizangkya khünakbu jwonle apaokya hünzome ngün ang kopüi.

2 TIMOTHI 2:25

Ma zongto tüikya mix achangle fa ang chix a puinai le tüi angkya oli changpu, chemthüikoxle ile changkya makhange hwom ang mong alüix angkya hia otsingtsing awankya hato chat ang Zange sho amüile faüi.

ROM NOK HATO ZAKYA POL LAIZA 4:13

Zange Abraham hia chixsu chixsabu ang, zangfang hwom kux ang achangüile tsaosax. Ija tsaosüt fakya a, Abrahame wanlom kax ma laxkya khomale münchang, ikoxle chixe Zang to mongong ilaxle Zange chix a otsao khünak tuita le laxkya khoma changle.

MÜNCHUAK-TSAI 147:6

Chixe puinaile changkyabu nwonle, ikoxlechu chichangchizangle tüikyabu haxkha to zutle akhixle.

MATHI 21:5

“Zaion tingnu ang thüikox; Hulax, nang wanghom, nang hato hüile ngole; Chix somdangle tamchu, Gatho ma ngale hüile!”

ISAIA 60:21

Hünzom khünak pangnusae chem supuix ija moküi, Ilaxle ija haxtok a hünzome jento kople thomüi. Ibu kue küi-thwompu, kue zingle alaipu, Noknusa hato ku chongkya aho ang.

ISAIA 61:1

Jowanpa Khüthak Zang-e ku chix Chasa füi awang. Chixe ku zünle kop ilaxle tsanle apao Chitüi-chinang khünakbu hato kaxho müikya apüi ang, Künmax-mongshanle ngokyabu mong azün ang, Kople thomkyabu hato dan angkya kax apuk ang Ilaxle kun ma thomkyabu hato alai angkya kaxho ang.

MÜNCHUAK-TSAI 22:26

Chitüi-chinang khünakbue hwom mongzom ma müile saxüi; opang Jowanpa hato nguipuix hwome chix achuaküi. Hwom a othuithuima ahak-aluale naxtüi!