MATHI 5:48 - OTSAO BAIBEL (BSI)

⁴⁸ Ijadaile chemle zangkangting tokya hünzom Hopa okhoguile tüipuix, ija ningle hünzom chuwüi okhongui angkya changle.

MATHI 5:48 ပူးပေါင်းရင်းမြစ်များ

JAKOP 1:4

Nang chasa tsün tsongle atya angkya hanpakma üntoxle chem machu thaithaxkya chitüi le okhongui angkya hanpakma, adukyae mwot tsuak ang laxkox.

LIWI 19:2

Israel khünaknu hama wün angkya kax koxle thüi: “Otsao ma ngolax, büthüikoxle ku, Jowanpa hünzom Zang a otsao changle.

KAXHO MÜIKYA LUK 6:36

Hünzom Hopa ma chingcha tüikya ningle hünzomchu chingcha füi tüilax.

TSAITONG-KAXTONG 18:13

Jowanpa to mongpak-fünthole mongong tüikya füi ngolax.”

KOLOSI 1:28

Ikhoma kwome nok hato wüi Khrista apuk apua. Khrista ma mixhuak pangnu wüi tsongkya ang achangle Zang ngwotnui to pangnu wüi apüi angkya hanpakma kwome otsuaktsuak ma hwom ang kaxkhün akax ilaxle anwot-anopu.

1 JUHAN 3:3

Khrista to ija mongkün tüikyabu, Khrista chemle tsaotha le tüipuix, ilailaile ma tsaotha le tamchu sule thomle.

2 KORIN 7:1

Ku mongkün zuikhuibu, kaxtsao ibu pangnu kem hanpak ang zingkya changle. Idaile, tsangtsa chichangba chasa ma tsao ang chikoxkya oli pangnu tokhange malualua to atsai le ngolax, ilaxle Zang thuazale ozün ma ngokya tokhange kem komkaile otsao ang achangle ngohax.

KAXHO MÜIKYA LUK 6:40

Lainao owachu nwotmix füi achongkya münchang; ikoxlechu lainao pangnu wüi anokya tsuak kya zuma, nwotmix ningle achangüi.

MATHI 5:16

Ija lailaile nang zangngaie khünaknu to nyan ang laxkox; ikoxtix hünzom mwot müikya ngün ang koplaxle hwome zangkangting tokya Apa mün achuaküi.

PONGWANG LAIPEX 17:1

Chemtue Abram zanglao puli-aku changkya hex, Jowanpa chix hato ngai ilaxle akax: “Ku a Khüthak Zang changpu. Ku kax ma laxlax ilaxle chem supuix ija moklax.

LIWI 11:44

chemthüikoxle, Jowanpa ku a hünzom Zang changle. Hünzome ma alüile atsaolax ilaxle otsao ma ngolax, chemthüikoxle ku a otsao changle. Chaxwantok ma ozyem ma ahamkya zünmok tüta makhangechu hünzom chitsaokya ang taxachang.

LIWI 20:26

Hünzom a otsao tamchu ku kux ang changüi, chemthüikoxle ku a Jowanpa tamchu ku a Otsao. Hünzom a ku tata kuxle naxngo lax ang kue mixjat-mixli pangnu füi süile thompu.

MATHI 5:45

Ikoxletix hünzom a zangkangting tokya Apa susabu ang achang ang tsuaküi; chemthüikoxle chixe chix zanghan füi chimüikya hia müikya khünaknu nok to tomwüi nyan ang tomle; tamchu omüi mokkya hia oma mokkya pangnu ang zangwat tomwüi fale.

KOLOSI 4:12

Tuita Jisu Khrista da, tamchu hünzom othom kha angkya Epafra tokhange salam. Tsün tsongdaokya tamchu mong komle alüix daokya khristanbu ningle, Zang mongtex kax ma laxlaxle hünzom shingmong le ajong ang koxhüi le Zang ma jule, chixe hünzom hanpakma jento zangjople.

2 KORIN 13:9

Kwom a shonai ikoxlechu hünzom tsakzong le changkya zuma kwom mongmüile. Ikhoma hünzom chuwüi nguiwangkya ang achang angkya kwom zangjop changle.

MÜNCHUAK-TSAI 37:37

Müikya hia otsao khünakbu to hulax; somdangkya khünakbu ang sixlibu tüile,

2 KORIN 13:11

Kutüi kunaohom, athax a ngodao! Nguiwangkya atak ang atinlax; ku zangwün to natha hüi; tata füi tsaitun-kaxtun tomle tüihüi; mongsom ma ngohüi. Mongkün hia mongsom Zang hünzom füi ngohüi.

EFISIA 3:1

Ija khoma mixnokbu kuxmale kople thomkya Pol, kue Zang to joppu.

2 SAMUEL 22:31

Ija Zang—chix mwot ma chemtukux thaikya chitüile supuix, chix kaxbu to chemtukux mongong tüikya li hex! Chix a di tuita thatha chix ma khangkhomnui lomkyabu pangwüi zongto a.

MATHI 5:47

Hünzome matüi manao tata ang salam le jangthüiba, ija khünake mix to nüile chem mokdao? Ile nang songsari khünakbue ngaxchu akaxpu.

TSAITONG-KAXTONG 27:10

idaile chix kax ma laxle tüilax ilaxle anyix kue hünzom ang koxle ngokya kaxtombu thomlax.”