MATHI 5:37 - OTSAO BAIBEL (BSI)

³⁷ Idaile, jangchangba changpule chichangba münchangle thüikya tok to kaile hünzome tsaosax le akaxkya pangnuli ochax tokhange hüikyakya wüi changle.

MATHI 5:37 ပူးပေါင်းရင်းမြစ်များ

JAKOP 5:12

Kutüi kunaohom, pangnu thakma ija changle, hünzome zangkangting mün ma, chichangba ma tüta mün machu tsao saxle taxatsao, ikoxle hünzom kaxfün ma chiwom angkya kuxma, hünzom zangwün “jo” jangchangba jole: “mün” jangchangbachu mün le changlax.

KOLOSI 4:6

Othuithuima hünzom zangwün a mix zongma müile tamchu apa ang tsule tüikox, ilaxle pangnusasa ang wüi changkya kaxlan fa ang hünzome awanle tüikox.

KOLOSI 3:9

Tata füi kaxthai le zang taxwün; chemthüikoxle hünzom amikya khünak chix mwot füi tomle amütdaoa,

JUHAN 8:44

Hünzom a, hünzom hopa Bao (haxshix) makhange hüikya changpu. Hünzome hünzom hopa haxshix mongtex ma mokse tsule. Ami pongwang tokhange wüi chix a mix mik amütkya mix, ilaxle chix ma sukya chitüi koxle otuechu chixe otsingtsing chima chise. Chixe kaxthai akaxkya zuma, chixe chix jaopo ma chem tüipuix, ija mokpu; chemthüikoxle chix a thaikya mix tamchu thaikya hopa.

EFISIA 4:25

Ifüima atsekya taxtüi! Pangnusae tomzi füi kaxtsing akax angkya changpu, chemthüikoxle kem a noknusa wüi Khrista tompo ma womkyabu changle.

2 THESALONIKA 3:3

Ikoxlechu Jowanpa a chialekya Zang changle, ilaxle chixe hünzom ang tsakzong koxüi tamchu chisumüikya chak tokya hünzom khosünüi.

MATHI 13:19

Zangkangting kaxho atat ang a kop ikoxlechu chitsing, ibu a lomfo le dütkya tsaxtsangbu ningle changpu. Ipongkhae wüi haxshix nguilaxle hwom mong khato saile toxkya kaxho pale pao.

MATHI 13:38

Haxtok a chaxwannu changpu; tsaxli müikyabu a Zang Wangting ma womkyabu changpu ikoxle bao tsax a chichang-chizangkya susabu changpu.

1 JUHAN 5:18

Zang susa owaechu ochax lyenle münngo le keme awanpu, chemthüikoxle Zang Hosae chix sünle thomle, ilaxle haxshixe chix to thomzün ang müntho.

MATHI 6:13

Chongkya thwongtsing to kwom taxahüi; Ikoxle omalom tokya kwom sünle thom hüi.’

1 JUHAN 2:13

Apu-apahom, pongwang tokhange wüi, tüile hüikya mix hünzome awankya khoma kue hünzom hato lai zangopu. Tsünzünhom, hünzome onu-oma to lütdao koxle, kue hünzom hato laiza ngopu.

1 JUHAN 3:12

Kem Kain ningle chichangüi; chix a onu-oma kux ang chang, ilaxle honao Abel lang. Kain-e chix büthüikoxle lang? Chemthüikoxle chix mwot a chisu ikoxle honao mwot a sukya le chang.

JUHAN 17:15

Nang ma kue chaxwannu angkya paofa le jukya münchang, ikoxle kue nang ang bao chak tokya hwom sünle thomfa le thüi wüi.

MATHI 15:19

Chemthüikoxle künmong tokhange iningle mongtex chimüikyabu laile: mix mik amütkya; chinunchakkai; ahuxkya; atsekya; ahaikya; iningkyabu.

MATHI 5:36

Nang khang münlün laxlechu taxsax, chemthüikoxle nange khopa tuita ngaxchu anak ang chichangba atsyet ang müntho.

EFISIA 6:16

othuithuima mongong a di ang twonlaxle; chemthüikoxle ija füi nange ochax wün sanhapbu komle abax ang thoüi.