MATHI 5:34 - OTSAO BAIBEL (BSI)

³⁴ Ikoxchu kue hünzom ang thüipu: Tsao ojao taxsax; zangkangting mün lünlechu taxsax, chemthüikoxle ikha a Zang ngwotnui changle.

MATHI 5:34 ပူးပေါင်းရင်းမြစ်များ

JAKOP 5:12

Kutüi kunaohom, pangnu thakma ija changle, hünzome zangkangting mün ma, chichangba ma tüta mün machu tsao saxle taxatsao, ikoxle hünzom kaxfün ma chiwom angkya kuxma, hünzom zangwün “jo” jangchangba jole: “mün” jangchangbachu mün le changlax.

ISAIA 66:1

Jowanpae thüi: “Zangkangting ku ngwotnui, chaxwannu a ku chitingnui changpu. Jangchangba, nange ku hanpakma chem ningkya hom tamchu chem ningkya ku ngwotnui zingle alaiüi?

HWON-NWOT-JAONO 9:2

Kem osho tuitata wüi. Otsao hia ochax khünak, müikya hia chimüikya khünak pangnusa hato osho talailaikya wüi hüile, opang otsao hex ilaxle opang otsao chichangpuix, opange töbu koxpuix ilaxle opange chikox puix. Müikya khünak tuita a ochax khünak tuita füi amüikya le münchang; tsaosaxkya khünak tuita tsao chisaxkya khünak tuita füi amüikya le münchang.

ISAIA 57:15

“Ku a jento ngokya Khüthak tamchu otsao Zang changpu. Ku a atsuakya khato tamchu otsao nui to ngole, ikoxle kue a puinaile tüikya hia künlop-monglüile tüikyabu füichu ngopu, ija a hwom mongong hia monghom achatle koxtsuak angkya hanpakma.

MÜNCHUAK-TSAI 11:4

Jowanpa a chix Zangshwom-Hom ma tüile; chix ang chix tüntong zangkangting to tüile. Chixe khünaknu pangnu khato nyele ngole ilaxle hwome chempang mokle ngopuix awanle.

WANGSHEMBU MWOT 7:49

Zangkangting a ku ngwotnui, chaxwannu ku chiting nui changpu. Ku ang nange, chem ningkya hom zingüi? Ku na-azak angkya nui a, ojong khato tamtüi?