MATHI 5:3 - OTSAO BAIBEL (BSI)

³ “Chasa ma zasa changpule awankyabu, hwom mohiman; Zangkangting a hwom kux changle!

MATHI 5:3 ပူးပေါင်းရင်းမြစ်များ

ISAIA 66:2

Zangfang a ku jaoe zingle alaikya changpu! Puinaikya füi tamchu künlop-monglüi laxle, opange ku thuaza tamchu kax ma laxle tüilaxpuix, ibu füi ku ang mongzom müikya tüile.

WANWÜNKAX 29:23

Ma kax ma chilaxlaxba le thütkyae nang thomle adütüi, ikoxle nang a puinaile jangtüi, nang chathua zaüi.

MÜNCHUAK-TSAI 34:18

Jowanpa a mong atholaxle ngokyabu hama soxle tüile; mongtex asamlaxle ngokyabu pangnu chixe sünle kople.

WANWÜNKAX 16:19

Ngamkya mix ang achang üntoxle pa-lole kopkya tuina tom-hankya ma womkya füi puinai üntoxle zasa ang ngokya wüi sümüi.

KAXHO MÜIKYA LUK 18:14

Jisu-e thüi: ‘kue hünzom ang thüipu, Farisi mixsün füi süisai mix wüi Zang miksho ma sule hom to chat. Chemthüikoxle owa malualua to bong-chongüi hex, chix ahixkya ang achangüi; ikoxle owa malualua to hixkya ang achangüihex, chix chongkya ang achangüi.’”

2 PUKAX-PANGAO 7:14

ipongma ku khünaknue künlop-monglüi füi ku to zangjople jangchang, ilaxle hwome mokle ngokya ochax mwotbu hato tok ahole jangchang, ipongma kue zangkangting tokhange hwom zangjop atatüi ilaxle hwom thaikyabu alaküi ifüima hwom haxtok a tamchatle ahak-aluale chang ang tomüi.

MÜNCHUAK-TSAI 51:17

O Zang, puinaikya ku chasa a ku tö changpu; puinaikya hia mong alüixkya ku künmong nange pongle chikople müntüiüi.

ISAIA 57:15

“Ku a jento ngokya Khüthak tamchu otsao Zang changpu. Ku a atsuakya khato tamchu otsao nui to ngole, ikoxle kue a puinaile tüikya hia künlop-monglüile tüikyabu füichu ngopu, ija a hwom mongong hia monghom achatle koxtsuak angkya hanpakma.

JAKOP 2:5

Ku tüinaohom, apahüi! Mongong ma ahak-alua ang tamchu chix to mongkünkyabu ang tsaole tüikya wangting kop angkya kuxma Zange Ija chaxwannu angkya chitüi-chinangkyabu pai-zün lelaxle.

ISAIA 61:1

Jowanpa Khüthak Zang-e ku chix Chasa füi awang. Chixe ku zünle kop ilaxle tsanle apao Chitüi-chinang khünakbu hato kaxho müikya apüi ang, Künmax-mongshanle ngokyabu mong azün ang, Kople thomkyabu hato dan angkya kax apuk ang Ilaxle kun ma thomkyabu hato alai angkya kaxho ang.

2 PUKAX-PANGAO 34:27

ilaxle kue Jerusalem hia ima tüikya khünaknu sikngün apong ang tom angkya azale changkya kax atat pongma, nang nyizabu akyetle tamchu sople, mong puinaikya füi ku tunthoma mongchatle changdaoa. Kue nang zangjop atatle laxdaoa,

MIKA 6:8

Ile münchang, Jowanpae chem müipuix ija kem hama apuadaoa. Chixe kem angkya laxse tsukya a ija changle: chem supuix ija mok angkya, chithwon mongkün angkya, ilaxle kem Zang füi puinaikya notom-tusüi ma ngo angkya.

KAXHO MÜIKYA LUK 11:28

Ikoxle Jisu-e lan: “Itülüi Zang Kax apalax. Ija kax ma laxkyabu sisi tamtai mohimankyabu changle!”

MÜNCHUAK-TSAI 112:1

Jowanpa achuak kox!

MÜNCHUAK-TSAI 1:1

Ochax khünakbue zün-saikya kax ma chilax, Ochax khünakbu thüi chiano, Zang zongto chemhwon chithakyabu füito azuile chichang; otsingtsing mongmüi mixbu a hwom changle.

JOB LAIPEX 42:6

Ikhoma kue akax daokyabu bama ku tüle azak maxle ilaxle haxbu khato wotle mong alüixpu.

MATHI 11:25

Iponge Jisu-e akax: “O Apa! Nang a zangkangting hia chaxwannu Jowanpa, kue nang ang münchong fapu! Chemthüikoxle nange hwontüi jelangkyabu tamchu man-ngünkyabu hato chiaho le pyenle thomkya ija naosombu thüntho ma nange kotok to ngai ang tomdaoa!

KAXHO MÜIKYA LUK 4:18

“Jowanpa Chasa ku ma tüile; mütmix shunmix hato, Kaxho Müikya apüi ang chixe ku kam. Kople thomkya hato, dan angkya kax apuk angkya; Mikduakbu hato, ngün angkya kax apuk angkya; mix fang to ngokyabu ang, khangkho angai kox angkya;

MARK 10:14

Ikoxle Jisu-e ija ngünkya zuma, mongto kaklaxle, hwom ang thüi: “Naosombu ku hato hüi ang laxkox; hwom taxabax; chemthüikoxle Zang Wangting a iningkyabu kux changle.

MATHI 13:16

“Ikoxle hünzom a mohiman! Chemthüikoxle hünzom mike ngünle ilaxle hünzom nae atatle.

ISAIA 30:18

Ikoxlechu Jowanpa a hünzom hato chingcha aho ang tanle ngonuiüi. Chix a hünzom to chingcha ang jento achwon ngole chemthüikoxle chixe othuithuima sukya mokpu. Opange Jowanpa to mongong thomtsuak puix hwom a mongmüi khünakbu changle.

MÜNCHUAK-TSAI 146:5

Hwom to fong ang owapange Jakop Zang koplaxle tüipuix, opange Jowanpa hwom Zang to onglaxpuix,

2 PUKAX-PANGAO 33:12

Chix sikngün khato ngopongma chix puinaile chang, Jowanpa, chix Zang hato mongchat, ilaxle chix ma chingcha ju.

MÜNCHUAK-TSAI 41:1

Mixshix zasabu tuitexle tüikya a mongmüi mix changpu; chemtue thangnak tuitaile changüihex Jowanpa hwom to fongüi.

MÜNCHUAK-TSAI 2:12

ilaxle chix chitong ma akhuxlax; chichangthüiba chix mongtsik a lebama wüi alaiüi, ilaxle nang allele ziüi. Ma kho awa ang chix hato nguikyabu pangwüi mohiman.

2 PUKAX-PANGAO 33:23

Ikoxlechu chix a, hopa lailaile Jowanpa hato mongchatle chihüi, ikoxle hopa to kaile chix tuita ochax khünak ang achangle pao.

JAKOP 1:12

Thwontsing pongma adu ang thokyabu mohiman, chemthüikoxle otue hwome iningkya thwontsing kaile le ang thopuix, chix to mongkünkyabu ang koxüi hexo le Zange tsaole thomkya khüzün khohom hwome kopüi.

JUHAN 20:29

Jisu-e chix ang thüi: “Nange ku ngün ang kopkya khoma ongpia? Ikoxle osün chingün homle ongkyabu tamtaikya mohiman.”

MATHI 24:46

Ija dae hopunu hom to nguikya thoma ija mwot alanle jangbang, chix ang mong chemtukux müiüi hex!

MÜNCHUAK-TSAI 84:12

Khüthak Jowanpa, nang to mongong thomkyabu chemtukux mongmüi mixbu changpuix!

TSAITONG-KAXTONG 8:2

Jowanpa hünzom Zang-e hünzom zanglao punyi mong ma sak-hax faonu akaile chemle azuile apüipuix; hünzom mongjang awan ang tamtampong chixe sikngün apong ang tom, imakhange, hünzome chix kax ma laxle chitüi hia tüi ija awanle lax.

JAKOP 1:10

üntoxle hakpa-luapa khristabu Zange fangto ajo pongma hwom mongmüi angkya changle, chemthüikoxle ahak-aluakya a kotho maipua ningle zale leünüi.

WANWÜNKAX 8:32

“Athax, tsünzün-hom, ku kax to apalax. Kue chemle akaxpuix ile moklax, ilaxle nang mongmüile ngoüi.

2 PUKAX-PANGAO 33:19

Wanghompa zangjop hia ija to lankya Zang kaxlan, ilaxle chix künlop-monglüile changüi thoto chixe ochax lyenle: chichang-chizang mokkya changkya pukax, songsari baozangbu to shwomkya onuibu, chixe zaile alaikya baozangchanu Asherah muabu ilaxle chixe shwomle ngokya chapabu: ibu pangwüi bama Ajebu Pukax laipex ma tüile.

MIKNGÜN-OHÜN 22:14

Ma zapua sole atsao daokyabu mohiman, chemthüikoxle khüzün pün angkya pünziak sax ang tamchu ngailombu makhange tingnu to dong ang hwome ataküi.

MIKNGÜN-OHÜN 19:9

Ifüima kaxtaimixe ku ang thüi: “Ija zalax: Chun Hosa aju-asomkya püntuxkya to ahyenkyabu mohiman.” Kaxtaimixe chatlechu thüi: “Ijabu a otsingtsing Zang kaxbu changle.”

MATHI 25:34

Ija ma wanghome ma tsaxchi angkyabu füi akaxüi: ‘Hünzom Apae mohimankyabu! Oman! Hüilax ilaxle chaxwannu zingpong tokhange wüi hünzom kux ang achwonle thomkya wangting koplax.

MÜNCHUAK-TSAI 128:1

Jowanpa kax ma laxle tüikyabu mohiman, chix kaxtombu ningle ngotsuakkyabu a.

MATHI 11:6

Ku to mongao chitüikyabu ang mong otukux müiüi hex!”

MATHI 8:11

Ilaxle kue hünzom füi akaxpu, handün hia hannop chito khange khünakbu huanuma nguilaxle, Abraham, Isak, hia Jakop hwom füi tomle zangkangting fongsüt ma womüi.

MATHI 3:2

chemthüikoxle Zang Wangting a soxle hüiüna!”

MATHI 19:14

Jisu-e thüi: “Naosombu taxabax, ku hato hüi ang laxkox; chemthüikoxle Zang Wangting a hwom ningkyabu kux changle.”

KAXHO MÜIKYA LUK 22:29

Ilaxle Apae ku ang apün-awang angkya zong koxle thomkya ningle, kuechu ija zong hünzom ang koxpu.

KAXHO MÜIKYA LUK 22:30

Ku Wangting ma hünzome ku tsap ma sax-lingüi, ilaxle Israel homjen bün anyi thakma apün-awang ang hünzom chongwang ngwotnui ma thungüi.

MIKNGÜN-OHÜN 3:17

Nange thüile, ‘Ku hakpa changle ilaxle müile ngopu; kue alomlom ku ma komle tüipu.’ Ikoxchu nang chemtukux tuitai le tamchu chingcha ashukle tüipuix nange chiawan! Nang a zasa, ohua tamchu miksut mix changle.