MATHI 5:22 - OTSAO BAIBEL (BSI)

²² Ikoxchu athax kue thüipu, owawae matüi manao füi mongtsikle jangchang, chix a kaxfün nui to apüi angkya changle. Matüi manao ang ‘nang chilaxli’, le thüikya khünak a nguawangbu chitong ma apüiüi; tamchu matüi manao ang ‘mwot to chihüikya angapa’, le nyakkya khünak a omalum wünkham to le angkya thangma ma tüile.

MATHI 5:22 ပူးပေါင်းရင်းမြစ်များ

1 JUHAN 2:9

Owawae ma zangngai ma ngopule akax üntoxle matüi manao to anule jangchang, ituk kople chix zangnaknu khato ngotan changle.

JAKOP 3:6

Le a tuita wün ningle changpu. Kem mik-chak khama le a tuita chitsaokya chongkya changle. Ijae tsangtsa komle chitsaokya ang achangle, ilaxle tsünpo ma jao wün alaile tamchu ija to haolum e wünnu adün ang tomle.

TITA 3:2

Owa angchu omale kax chithüi angkya, ikoxle mongsom hia zuikop manle tüi angkya ilaxle pangnu zongto wüi othuithuima jonai le tüi angkya hwom hama wünkox.

MATHI 10:28

Tsangtsa amüt ang tho koxchu chasa lang ang chitsuak angkyabu thua taxza; itülüi, Zang owae tsangtsa hia chasa pangnyi haolum to amüt ang thopuix, chix thua zalax.

MATHI 18:35

Jisu-e ashuk: “Hünzome pangnue wüi matüi manao to mong makhange thailak fakya chitüi jangthüiba zangkangting tokya Apaechu hünzom to ile hwonüi.”

1 PITAR 3:9

oma lüix to oma chichangba thuakzom lüix to thuakzomle jan anongkya taxtüi; itülüi, mohiman mix laxkox, chemthüikoxle mohiman a Zange hünzom nyakkya zuma hünzom ang koxüile tsaokya changle.

ROM NOK HATO ZAKYA POL LAIZA 12:10

Khrista ma tüi-hi-nao ningle tata füi lomlule mong akünkox, ilaxle tata chathua za ang tsukox.

1 PITAR 2:23

Chix adix-ada pongma anongle chixe adix-adale chichang; chix sikangün pongma chixe aza-anale chichang; ikoxlechu otsingtsing kaxfünpa, Zang ma chix monghom thom.

MATHI 18:21

Ifüima Pitar hüilaxle Jisu ma atüi: “Kutüi kunao hwom ang kue thailak obithom ma fatsuak angkya? Othom anüt ma hia?”

MÜNCHUAK-TSAI 109:3

ilaxle hwome ku mo amale wünle; chemtsai-chemkax chitüi khato ku zan to kale.

MÜNCHUAK-TSAI 37:8

Mong abüt-abankya hia mongtsik mongma ang onüi taxkox; ijae thama hato zunle paoüi wüi.

JUD LAIZA 1:9

Kaxtaimixbu khama akhokya Maikel-e ngaxchu ile chimok. Mosa mang ma atinle bao füi ahe pongma ngaxchu Maikel-e chix adix-adale chichang ikoxle “Nang to Zange wüi naxsakox”, le tata thüi.

1 JUHAN 3:10

Zangsu Zangsabu hia baosu baosabu malili changle le tsaotha le ahokya a ija changle: Owae sukya mwot chimok tamchu ma tüi-hi-nao to mongkünle chitüi laxpuix chix a Zang susa münchang.

WANGSHEMBU MWOT 17:18

Züizüi Epikurian üntoxle Stoik le nyakkya nwotmixbuechu chix füi kax ma alan. Züizüie thüi: “Chuja zaman mixe chem wünse le azongkya changkoxpu!” Mamabue thüi: “Chixe mixnok zangbu mo wünle ngokya ningle tüile.” Pol-e, Jisu üntoxle chix chatle azangle zokya mo wünle ngokoxle hwome ija akax.

1 THESALONIKA 4:6

Ija olom ma khünak owaechu ma üitho khristan füi thaile chimoküi chichangba dyen-nganle chichangüi. Kwome ija hünzom hama thotochu akaxdaoa, athaxchu kaxkhün koxle akaxpu, iningle mokkya khünak to Jowanpa-e sikngün faüi.

MARK 14:55

Nguakhobu hia Nguawangbu tusox pangnue Jisu lang angkya bama chix thaikya nox amopüsa ngaxchu tüichale lom; ikoxlechu chiatak tsuak.

MATHI 26:59

Nguakhobu hia Nguawangbue chix lang angkya hanpakma, chix bama thaikya kaxhux fekya atak angchale azong.

TSAITONG-KAXTONG 15:11

Israel nok ma tüimix nuakmix tüile ngo angkya changle ibu to chingchajajale tüi angkya kue hünzom ang kaxtom fapu.

JUHAN 11:47

Ija khoma nguakhobu tamchu farisibue nguawangbu kartzua lax ang nyakle asoxlaxle thüi: “Keme chemle wünüi? Chemthüikoxle ija khünake ohünotün mwotbu huanuma wüi ahole ngole;

MIKNGÜN-OHÜN 20:14

Ifüima zik hia lumtingbu tinu ningle tüikya okham-wün khato tswonle awüt. (Ija tinu ningle tüikya okham-wün a anyi lükya zik changpu).

WANGSHEMBU MWOT 7:37

Chixe ku ahüikya ningle, Zange hünzom kha angkya ajepa tuita ahüiüi le Israel khünaknu füi akaxkya mix a Mosa changkya.

KAXHO MÜIKYA LUK 12:5

Ikoxlechu hünzom owa thua za angkya hex kue hünzom hama apuafang: Zang thua zalax, owama tsangtsa lang füimachu chasa omalum to awüt tsuak angkya zong tüipuix. Anaolechu kue hünzom ang thüipu, Chix thua zalax!

MATHI 5:44

Ikoxle kue hünzom ang thüipu: Ma zan to mongkün kox ilaxlechu ma zongto chichangle tüikya bama zangjopkox.

MATHI 5:34

Ikoxchu kue hünzom ang thüipu: Tsao ojao taxsax; zangkangting mün lünlechu taxsax, chemthüikoxle ikha a Zang ngwotnui changle.

MATHI 3:17

Ifüima zangding tokya kaxzing tuitae ile akax: “Ija a kue mongkünkya Ku Sasün changle; chix füi ku mongzom müipu.”

OBADIA 1:10

“Hünzome papalo le tüikya tamchu hünzome ma haxnu-homsa, Jakop susün hwom mik amütkya khoma, hünzom a amütüi ilaxle chemtuechu e-sele tüi ang müntom.

WANWÜNKAX 14:16

Jetüi-hwonlangkya khünakbu a sikngün füi atsaile ngo angkya bama mik-hingle, ikoxle ongatbu a chem aju-ajangkya chitüile thüile mokle awütle.

PONGWANG LAIPEX 37:4

Chemtue hotüi-honao hwome, hopa Jakop-e hwom pangnu to nüile Jusep to mongkünkya ngünle laxpuix, chix füi zangwünse ngax chitsule hwom ang mongma.

1 JUHAN 5:16

Tüinao owawae mikmax tang chichangle achaxkya ngün pongma, owae chix ang khüzün kox angkya hex, ija Zang to hünzome jop angkya changle. Ija a mik max tang chichang le ochax lyenkya bu hanpak. Ikoxlechu mik max ang tom angkya ochaxbu tüile, ilaxle kue hünzom ang ibu bama Zang to joplax le münthüi.

JAKOP 2:20

Ikoxle, O anga! Mokkya mwot chitüi homtoxle mongong tata ma chem mwot müntüile nange ahose tsupuix nyi?

IBRI 12:25

Kaxzexkya mix kax ma chilaxle chitüi angkya bama hünzom likhün lax, chemthüikoxle chaxwannu ma likhün angkya kax owae zexpuix, ija kax ma chilaxkyabu ngaxchu paole azang ang chitho, jangchangba zangkangting tokhange kaxkhün zexkya mix thüntho angkya tomning chemle paole azang thoüi!

IBRI 5:9

Otue chix nguiwangkya ang achang puix, chix kax ma alaxlax nok hanpakma chix a tuita oshuk chitüikya khosün otong ang achang,

1 KORIN 6:10

chichangba ahuxkya, osing nüfux, jutok saxngat, adix-ada, pa-lokya, iningkyabu owaechu Zang Wangting mantswon ang münkopüi.

1 KORIN 6:6

Itülüi, khristan tuitae ata khristan füi apüile zangwün khwa to pao ang ilaxle chiongkyabu ang ija zangwün fün ang kox.

WANGSHEMBU MWOT 5:27

Hwome wangshem nyi hommong to dünlaxle nguawangbu tu ma hokhi ajong ang tom ilaxle nguakhoe sa.

JUHAN 15:25

‘Ikoxle hwome ngat-khüza to ku thua anu’ le wanlom ma zale tüikya kax changle ngai angkya kuxma ile changpu.

JUHAN 8:48

Chix kax to lanle Jehudi khünakbue thüi: “Nang a Samaria khünak, nang ma bao tüile le kwome ami wüi mathüi dai hia?”

JUHAN 7:20

Khünaknu othome lan: “Nang ma bao tüile! Nang lang ang owae lomkya?”

MARK 15:1

Swomsae nguakhobu mixpa tüichongbu hia wanlom nwotmixbu füi tamchu nguawangbu füi katzua tsuak. Hwome Jisu to janbüi füi khak laxle Pilat hato apüile kox.

MATHI 25:41

“Ifüima chixe ma nongchi angkyabu füi akaxüi: ‘Hünzom a Zang thuak Zang zom koplax ngokyabu! Ku ha angkya atsaiün! Bao hia chix wangshembu hanpakma achwonle tüikya, tamchu chimax le chuale ngokya okham wünkha to paolax.

MATHI 23:33

Hünzom pubu tamchu pu susabu! Haolum alop angkya sikngün chak tokya khosün ataküile hünzome chemle textsuak laxpu?

MATHI 23:15

“Wanlom nwotmix hia farisi, hünzom künkux-mongkwombu! Hünzom maxsax! Mixhuak tuita Jehudi khünak ang achang angkya kuxma hünzome tinu hia chaxwan faole ahamle; ilaxle hünzome tsuakkya füima, hünzom achangle ngokya to othom anyie bole, hwom osho haolum to letang changle.

MATHI 17:5

Chix akaxle ngopongma nyankya zangfwom tuita hwom khangkho to hüi; ija zangfwom makhange hwome kaxzing ile atat: “Ija a kue mongkünkya Ku Sasün changpu; chix füi ku mongzom müipu! Chix kax ma laxlax!”

MATHI 12:24

Ikoxlechu ija atatlaxle farisibue thüi: “Bao wanghom Belzebul e fakya tsakzong füi chixe haxshix chasabu jwon ang thole.”

MATHI 10:17

Khünzailax, chemthüikoxle koplaxle kaxfün ang hünzom khwa to apüi angkya tamchu hwom zangshwom hombu to hünzom to fit-müi angkya khünakbu tüi angkya changle.

OBADIA 1:12

Judah angkya hünzom mamixbue shoma apongkya to hünzom tsaichong-kaxbongle chichanghaxkux. Hwom-max hwom-samle changkya nyix hünzom ang nga chidong haxkux. Hwome nuzaole changpongma hünzome hwom cha chinyi haxkux.

DANEL 3:19

Ija atatlaxle Shadrak, Meshak hia Abednego hwom füi zongbakle mongtsikkyae Nebukadnezar ang thünkhi. Ikhoma chixe ija wün a takle thomkya to othom anüte nüile khamle naxchang ang ha sho angkya kaxkox.

DANEL 3:13

Ija kax thoto wanghompa ang huanuma mongtsik dong, ilaxle mixsün hwom azom chix hato apüi angkya kax kox.

MANGSOP 3:52

“Ku to miktsak angkya opong chemchu chitüi khato zanpabue ku a kam ma o amanpupule aman.

JEREMIA 17:11

Chimüikya lom makhange ngun kople changkya mix a mae chilütkya oti to womkya osa ningle changpu. Chix zaxtan tüipongwama chixe ma ahak-aluakya asamüi, ilaxle oshukshuk ma chix a tuita ongat ang changüi.

WANWÜNKAX 18:6

Chemtue ongat khünak tuitae kax ma alat ang sütpuix, ija chixe ma to chakmok-hüile lompu.

MÜNCHUAK-TSAI 92:6

Ija a anga tuitae tsing ang chithokya oli tuita; owawa ongat mixe awanle lax ang chithokya:

MÜNCHUAK-TSAI 69:4

Opange amuamuale ku to tsak-khule ngolaxpuix hwom a ku khangmun füi ngaxchu lüile tüile. Ku zanpabue ku bama khualople zangwünle; hwom ma tsak-zong tüile ilaxle hwome ku mik-amüt-sele tsule. Kue chiahuxkya tuina hwome ku ma tsangle.

MÜNCHUAK-TSAI 49:10

Jepa hwom ngaxchu zile paokya noke ngünle hüipu, ilailaile ongat-onguibu chuwüi zipu. Hwom pangnuewüi matui-manabu su-sa hwom chak to danle toxpu.

MÜNCHUAK-TSAI 35:19

Ibu tselop, ku zanpabue, ku to lütkya wanjai ang taxtom. Chemtsai-chemkax chitüi khato ku to miktsakkyabue ku mongma ngünlaxle mongmüile wanjaikya tüi ang taxtom.

MÜNCHUAK-TSAI 25:3

Nang to mongong tüikyabu to mixe münlüt toxüi, nang füi alün-aloxkyabu füi ochwonpai ma apongüi.

MÜNCHUAK-TSAI 14:1

Ongatbue hwom füi alüile akax: “Zang chitüi khato!” Hwom pangwüi chilaxli ang changle, üntoxle hwome khomtsikya mwotbu tsuakdaoa; sukya mwot mokkya mix tuita ngaxchu müntüi.

NEHEMIA 5:8

ilaxle akax: “Kwome tsuakkya kople, ma alüile mixnok chak to hangle awüt-se kem tuita-naopa Judah khünak mamabu shakle tüipu. Ikoxle athax hünzome ma tuita-naopa hwom tamchu hwomma-hwommixbu hünzom chak to hang angkya atsang ngopu!” Ipongma lompabu kaxlan angkya chitüile dangle apa.

2 PUKAX-PANGAO 16:10

Ija kaxho khoma ajepa füi Asa ang mong huanuma ma ilaxle chix to janbüi füi khale thom. Ipongma Asa-e khünak züizüibu to mongtsik ashukle hwon.

1 WANGHOMBU 21:4

Naboth-e chix kax to lankya kaxlan khoma mongtsik, ikhoma mongmale Ahap a hom to chat. Chixe katuk chito thüne hule ile lyading ma süt chisaxle jiple ngo.

2 SAMUEL 16:7

Shemüi-e chix to thuakzomle thüi: “Paoün! Paoün! Nang ningkya mixlang mix a!

2 SAMUEL 6:20

Ifüima, chemtue Dawid chix homkha khünakbu hato mongmüi kaxho kox ang nguipuix, Mikal chix füi apong ang zikle lai. She-e thüi: “Anyix Israel nok wanghompa-e chix hanpakma chix mün huanuma achenle nwondaoa. Chixe chix nguakax-wangkhobu hia danuchabu hato tuita angapa ningle ahodaoa!”

PONGWANG LAIPEX 37:8

Hotüi-Honao hwome thüi: “Nang wanghom ang achang laxle kwom thakma apün angkya lükya kax hia”? Ijaningle chix wünmang bobo ma chu hwom bama hopa hama khualople ngokya khoma sisile hwome chix to miktsak.

TSAITONG-KAXTONG 16:18

“Jowanpa hünzom Zang-e hünzom ang koxkya tingnubu ma kaxfün mixbu tamchu mama okax-okho hwom kamlax. Hwom khünaknu to masüi-mixlüikya chitüikya kaxfün fale apünüi.

2 PUKAX-PANGAO 19:5

Pan zailaxle ziakople tüikya Judah tingnu pangkha towüi chixe kaxfünpabu kamle dan

KAXHO MÜIKYA LUK 22:66

Zangngai füima, mixpa tüichongbu, nguakhobu üntoxle Wanlom nwotmixbu tomle asox, ilaxle Jisu nguawangbu hato apüi,

WANGSHEMBU MWOT 4:15

Idaile hwome nguawangbu katzua nui angkya hokhi tam acha ang hwom ang kaxkox, ilaxle hwom tatae süile zangwün tam azut ang süt.

WANGSHEMBU MWOT 5:21

Wangshem nyie ija kax ma lax, ilaxle swomsae wüi Zangshwom-Hom to donglaxle anwot-ano ang süt. Nguakho hia chix füikyabue Jehudi nok mixpa tüichong pangnu nguawang katzua lax nyakle asox; ilaxle hwome wangshem nyi hwom hato apüi angkya hanpakma kople thomkya kun nyetmixbu hato kaxkox.

WANGSHEMBU MWOT 6:12

Ija ningle hwome khünaknu hia mixpa tüichongbu, ilaxlechu wanlom nwotmixbu to lüixle mwop ang tom. Hwom Stefen hato hüi ilaxle kop, ilaxle hwome thwomshing le nguawangbu hato pao.

WANGSHEMBU MWOT 6:15

Nguawangbu tusox ma ngokya khünakbue Stefen to athangle hu ilaxle hwome chix thünza kaxtaimix thünza ningle ngün.

WANGSHEMBU MWOT 22:30

Ofüi nyix, Jehudi khünakbue chix ma chem tsaihux kaxhux fepuix le opaktik ang chix da ilaxle nguakhobu hia nguawangbu nyakle asox ilaxle Pol jolaxle hwom thüntho ma ajong.

WANGSHEMBU MWOT 23:1

Pol-e nguawangbu to tangthole hu ilaxle akax: “Kutüi kunaohom! Anyix kople Zang pomtho ma ku tsün bama ku khangka tsaotha le otya ma wüi tüitan.”

WANGSHEMBU MWOT 24:20

Chichang koxchu Nguawangbu thüntho ma ajong pongma: Anyix hünzome zidaokya chatle azangle zoüi le ongkya khoma ku kaxfün puo? le akhongkya boma