MATHI 5:18 - OTSAO BAIBEL (BSI)

¹⁸ Idaile kue hünzom ang otsingtsingma akaxpu; ding hia hax mamax-maxba tamchu ibu pangnu angaile machang tanto Wanlom funtachu muato kaile leüi münchang.

MATHI 5:18 ပူးပေါင်းရင်းမြစ်များ

KAXHO MÜIKYA LUK 16:17

Wanlom khapta thaile lekya füi ding hia hax max angkya wüi ochwon.

ISAIA 40:8

Changle, hingzang zanle paole ilaxle maipua hüile paole, ikoxle Zang kax a othuithuima ngoüi.”

1 PITAR 1:25

ikoxlechu Jowanpa kax othuithuima ngo.” Ija kax a hünzom hato apuk-apuakya Kaxho Müikya changle.

MARK 13:30

Athax pongma tüikya khünakbu komle mazi tanto wüi ibu pangnu changle hüi angkya mong ma koplax.

ISAIA 51:6

Zangdingkhobu to angakle hulax; chaxwannu to hunolax! Zangdingbu a wünkhut samkya ningle samle paoünüi; chaxwannu a nyitsyen buikya ningle sumle paoünüi, ilaxle khünaknu pangwüi hwom zikya ningle zile paoünüi. Ikoxlechu kue apüikya khosün a jento ngoüi; kue lütkya ija a oshuk-okim changüi.

MIKNGÜN-OHÜN 20:11

Ifüima kue chongwang tüntong tsekya hia ikha ma thungkya mix ngün. Chix thüntho angkya ding hia hax paole sam üntoxle ibu chatle tamchingün.

MÜNCHUAK-TSAI 102:26

Hwom a samle paoüi, ikoxchu nang a ngoüi; hwom pangwüi nyi-za lailaile büile paoüi. Nange hwom nyi-za awütkya ningle awütüi ilaxle hwom a samle paoüi

JUHAN 5:19

Ija khoma Jisu-e hwom kax to lan: “Otsingtsingma kue hünzom ang thüipu, Hosae lita olom ma Hopa mwot ngünle laxkya chichang thüikoxle chix lualua to chemchu mok ang müntho; chemthüikoxle Hopae chemle mokpuix, Hosaechu ija ningle mokpu.

MATHI 17:20

Chixe lan: “Ija a hünzom ma mongong anguile chitüikya khoma changle. Hünzom ma mongong suili tsang tukux ngaxchu jangtüi thüikoxle, hünzome ija haxhua füi akax tsuaküi: ‘Nang ikha angkya chukha to paoün!’ Ija ma ija haxhua paoüi. Ija ningle hünzome pangnu mok ang thoüi.

MATHI 16:28

Kue thüipu, Khünak Hosa chongwang ang achangle nguikya mangün tanto ikha ma ngokya züizüie zikya füi münapongüi.”

MATHI 13:17

Ikhoma kue hünzom ang thüipu, anyix hünzome chempang ngün ang koppuix ibu a ajebue tamchu otsao khünakbue ngünse le tüle tsukoxchu hwome ngün ang chikop.

MATHI 10:23

Otue hwome hünzom to tingkhua tuita ma zothupüi hex, mama ting to paokox. Kue hünzom füi otsingtsing akaxpu, hünzome Israel haxtok akhople matsuakba wüi Khünak Hosa nguiüi.

MATHI 6:2

“Chitüi chinang mix to fongle jali kox-zun pongma, künkux mongkwombue Zangshwom nui to hia noknu tu ma hwonkya ningle, achenle taxaho. Hwome ile mokkya a khünaknue hwom naxachuak ang mokpu. Kue hünzom füi kaxshing kople akaxpu, hwome ma hingho komle kopdaoa.

MATHI 5:26

Kue hünzom ang otsingtsing ma akaxpu, nange tsangthom komle makox tanto ikha angkya nang chemle lai angchu chithoüi.

MÜNCHUAK-TSAI 119:152

Nange adangle fakyabu bama kue kaitanto wüi awanle hüipu; nange ibu jento ngo angkya hanpakmale zing.

JUHAN 21:18

“Otsingtsingma kue nang ang thüipu, nang naosün ma ngopongma nange nang lualua to züpak apakpu, tamchu nang ochito paose tsupuix ichito paopu; ikoxle ongai nang mixpa ang achangüi hex, nange nang chak thuiüi ilaxle owawae nang chak ma khaüi ilaxle nang paose chitexkya chito syetle paoüi.”

JUHAN 16:23

“Ilaxle ija nyix nguile hüikya zuma hünzome ku ma chemchu chijuüi. Otsingtsingma kue hünzom ang thüipu, Ku mün ma ajuju Apae hünzom ang pangnu koxüi.

JUHAN 16:20

Otsingtsingma kue hünzom ang thüipu; hünzom sopüi ilaxle mong maxüi, ikoxlechu chaxwannu a mongmüiüi; hünzom ang mongmaüi ikoxlechu hünzom mongma a mongmüi ang achangüi.

JUHAN 14:12

Otsingtsingma kue hünzom ang thüipu: Owae ku to ongpuix, kue chempang mwot mokpuix, chixechu ija mwot moküi; ilaxle ijabu mwot to lyemle ngaxchu chix ang mok ang tomüi; chemthüikoxle ku a Apa hato pao angkya changle.

JUHAN 13:38

Jisu-e lan: “Nange ku bama nang tsün kox ang thoüi nyi? Otsingtsingma kue nang ang thüipu, awün o haüi thoto wüi, nange ku owa hex müntsing le othom azom ma akax angkya changle.”

JUHAN 13:16

Otsingtsingma kue hünzom ang thüipu, ma hopunu füi da wüi achongkya münchang tamchu owae tsanpuix, chix füi tsanle apaokya mix wüi achongkya chichang.

JUHAN 12:24

Otsingtsingma kue hünzom ang thüipu: Tsaxtsang tuita chaxwan tok to dütle chizi thüikoxle ija a chix tata ngole; ikoxle ija jangziba, ijae oziak huanuma dünüi;

JUHAN 10:7

Ija khoma chatlechu Jisu-e hwom ang thüi: “Otsingtsingma kue hünzom ang thüipu, chunbu hanpakma fülom ang a ku changpu.

JUHAN 10:1

Jisu-e akax: “Otsingtsingma kue hünzom ang thüipu: Khünak owa chun thom khato fülom makhange chidongüi hex, ikoxle mama lom makhange zün akaile dongüi hex, chix a tuita pa-lole laxkya ahux mix changpu.

JUHAN 8:58

Jisu-e hwom ang thüi: “Otsingtsingma kue hünzom ang thüipu, Abraham mapuxba wüi ku tüikya.”

JUHAN 8:51

Otsingtsingma kue hünzom ang thüipu, ku kax ma laxle tüikya mix otuechu münzi toxüi.”

JUHAN 8:34

Jisu-e hwom kax to lan: “Otsingtsingma kue hünzom ang thüipu, ochax lyenle ngokya mix a ochax da changpu;

JUHAN 6:53

Jisu-e hwom ang thüi: “Otsingtsingma kue hünzom ang thüipu, hünzome Khünak Hosa müi sax tamchu chix aji chiling jangthüiba, malualua to ozün ma ngo ang münthoüi.

JUHAN 6:47

Otsingtsingma kue thüipu, mongongkya khünak ang oshuk chitüikya tsün khüzün tüile.

JUHAN 6:32

Jisu-e hwom ang thüi: “Otsingtsingma kue hünzom ang thüipu, hünzom ang zangkangting tokya manna fakya mix a Mosa chichang; zangkangting tokya otsingtsing süt fakya mix a ku Apa changpu.

JUHAN 6:26

Jisu-e hwom kax to lanle thüi: “Otsingtsingma kue hünzom ang thüipu, hünzome kue mokkya ohünotün mwotbu tsingle laxkya tokhange chichangle an füi wok afwotle sax ang atakkya khoma ku lomle ngo wüi.

JUHAN 3:11

Otsingtsingma kue nang ang thüipu, kwome chem awanpuix ija akaxpu, ilaxle kwome ngündaokya bama kaxkhi fapu; ikoxlechu hünzom opupue ngaxchu pongle kop ang chitsu.

JUHAN 3:5

Jisu-e lan: “Otsingtsingma kue nang ang thüipu, khünak tuita ti ma hia Otsao Chasa ma chipux jangthüiba chix zangkang ting to nop ang tsuak angkya fang münchang.

JUHAN 3:3

Jisu-e chix kax to lanle thüi: “Otsingtsingma kue nang ang thüipu, tamchatle chipux jangthüiba owaechu Zang Wangting ngün ang münkopüi.”

JUHAN 1:51

Ilaxle chixe hwom ang thüi: “Kue otsingtsing ma akaxpu, nange zangding ka dapkya tamchu Khünak Hosa ma kaxtaimixbu dongkya hia jukyabu ngünüi.”

KAXHO MÜIKYA LUK 23:43

Jisu-e chix ang thüi: “Otsingtsingma kue nang ang thüipu: Anyix wüi nang ku füi tomle zangkang to ngoüi.”

KAXHO MÜIKYA LUK 18:29

Jisu-e hwom ang thüi: “Changle, otsingtsing ma kue thüipu, Zang Wangting khoma opange hom-pung, kakonu, hotüi-honao, honu-hopa üntoxlechu su-sabu dantox laxpuix;

KAXHO MÜIKYA LUK 18:17

Ija ku kax mong ma koplax, Naosa tuita ningle opange Zang Wangting pongle chikopüi hex, hwom ikha to münnop tsuaküi.”

KAXHO MÜIKYA LUK 13:35

Ija khoma hünzome Zangshwom hom awütle toxüi. Kue hünzom ang thüipu, ‘Jowanpa mün ma hüikya mix to Zange mohimankox’ le hünzome mathüi tanto, hünzome ku münngünüi.”

KAXHO MÜIKYA LUK 12:37

Opunu nguikya thoma zole achwonle nuikya dabu otukuxkya mongmüi! Kue hünzom ang thüipu, chixe nyi akhaküi, hwom athungüi, ilaxle chixe humele hwom ang asütüi.

KAXHO MÜIKYA LUK 11:51

Abel langkya makhange zomtong hia otsao nui nyi bama, Zakaria langkya kople, ija tsünthom ma tsangüi. Changpu, kue hünzom ang thüipu, ibu khoma ija tsünthom sikangünüi!

MARK 14:30

Jisu-e Pitar ang thüi: “Otsingtsingma kue nang ang thüipu, awün o anyi ma mahaba wüi, nange ku müntsing hex le othom azom ma atseüi.”

MARK 14:25

Otsingtsingma kue hünzom ang thüipu: Kue Zang Wangting to grep ti hozün maling tanto, athax grep ti kue münlingüi.”

MARK 14:18

Hwom thung laxle fong saxle ngoponge Jisu-e thüi: “Otsingtsingma kue hünzom ang thüipu, hünzom khama ku füi tomle fongsaxkya khünak tuitae ku khohang angkya changle.”

MARK 14:9

Kue otsing tomtata akaxpu: Chaxwannu ojong pang khato Kaxho Müikya apukle tsaüi hex, ija mixchae mokkya mwot bama she mün texle atakle lax angkya hanpakma wünüi.”

MARK 12:43

Chixe ma wangshembu nyaklaxle thüi: “Kue hünzom ang otsing tomtata akaxpu, ngunthün-nui ma ngun shokya pangnu füi, chemchu chitüikya zomnu ijae wüi süluile shodaoa.

MARK 11:23

Kue hünzom ang otsing tomtata akaxpu, opange ija haxhua ang: ‘Nang nwonün ilaxle tinu khato dütün’, le thüiüi hex tamchu mong ma aokya chitüi le, chixe chem akax puix ija changüi jao le ongpuix, chixe ija ile changkya ngün ang kopüi.

MARK 10:29

Jisu-e thüi: “Kue hünzom ang thüipu, owae, matüi manao wüi changlax, ma tingtok wüi changlax, mana manao wüi changlax, honu wüi changlax, hopa wüi changlax, Kakonu wüi changlax, susabu wüi changlax, haxtok homting wüi changlax, ku bama tamchu Kaxho Müikya hanpakma danle toxdao laxpuix,

MARK 10:15

Kue hünzom ang otsing tomtata akaxpu: Opange naosa tuita ningle Zang Wangting pongle chikop laxüihex, hwom ikhato ngui ang münthoüi.”

MARK 9:41

Kue hünzom ang thüipu, hünzom ku füi tüikoxle, hünzom ang tikong wansa tuita alingkya mix ang ngaxchu, chix ang ma hingho kop ang chitom le müntüiüi.

MARK 9:1

Ilaxle chixe thuithui le akaxle le: “Kue otsing tomtata ma hünzom ang thüipu, Zang Wangting tsakzong füi nguikya mangün tanto chizi le ngo angkyabu ikhama züizüi tüile.”

MARK 8:12

Ikoxle chix mongto tüle kaklaxle Jisu-e thüi: “Anyix ngainyixkya khünakbue ohünotün mwot büthüikoxle lompu? Kue hünzom füi kaxtsing tomtata akaxpu: Ija tsünthom ang münwan chemchu münfaüi.”

MARK 6:11

Khünaknue hünzom pongle chikop chichangba hünzom kax to na chitha, iningkya ting-hax to janghüi thüiba ikha dantoxdao ilaxle hünzom paoüima hünzom cha angkya haxbu ngaxchu hongle toxdao. Ija a hwom hanpak ang kaxkhün tuita ningle changüi.”

MARK 3:28

“Kue hünzom füi otsing tomtata akaxpu, khünaknüsa ang hwom kaxchax pangnuli thailak tüiüi;

MATHI 25:45

Wanghome chatle hwom ang thüi: ‘Kue otsingtsing ma hünzom ang thüipu; Hünzome kutüi kunao hixkyabu to chifongkya a ku to chifongkya changpu!’

MATHI 25:40

Wanghome chatle lanüi: ‘Otsingtsingma kue hünzom ang thüipu: ku tüinao hixkyabu to hünzome humekya a ku to humekya changpu!’

MATHI 25:12

Ikoxle tuipae lanle thüi: ‘Otsingtsingma kue hünzom opang changkya hex müntsing.’”

MATHI 24:47

Otsingtsingma kue hünzom ang thüipu: Opunue ija da chak ma chix tuina komle danüi.

MATHI 24:2

Chixe thüi: “Changkoxa! Hünzome ibu müile le ngüntüi angpu. Kue hünzom ang thüipu, ikha angkya long tuita ngaxchu omanman ma müntoxüi; ibu bakle atsun dao angkya changle.”

MATHI 23:36

Otsingtsingma kue hünzom ang thüipu, ibu zothup thama pangnu hünzom athax pongkya tsünthom ma athütüi.

MATHI 21:31

Okhi opupue hopa mongtex ma mokpuix?” “Hotüie wüi a”, le hwome lan. Jisu-e hwom ang thüi: “Kue hünzom ang thüipu: Süisai mixbu hia chinunchakkai khünakbu wüi hünzom thoto Zang Wangting alop angkya changle.

MATHI 21:21

Jisu-e lan: “Ija mong ma koplax; hünzome jangong thüiba tamchu mongao chitüi thüiba, kue ija fupsa pün to mokkya mwot hünzomechu mok ang thoüi; ija ning chem, hünzome ija haxhua füi, laox laxle chix lualua to tinu khato düt angkya ngaxchu akax ang thoüi ilaxle ija ile changkya changle.

MATHI 19:28

Jisu-e lan: “Kue ija hünzom ang thüipu: Ongai Khünak Hosa Tsün Hozün ma, chix fuazangkya tüntong ma thungüi hex, Israel homjen bün anyi kaxfün ang hünzom ku wangshembu bün anyichu wüi ma tüntongtong ma thung angkya changle.

MATHI 19:23

Jisu-e chix wangshembu ang thüi: “Kue hünzom ang thüipu: Hakpa luapa zangkangting to ngui ang müima wüi tsakle;

MATHI 18:18

“Ijadaile kue hünzom pangnu ang thüipu: Chaxwannu ma hünzome chempang abaxüi hex, ibu zangkangting tochu wüi abaxüi; chaxwannu ma hünzome chempang danpanüi hex, zangkangting tochu ibu danpan angkya changle.

MATHI 18:3

ilaxle akax: “Mong ma koplax, hünzom ang mongnai laxle ija naosa ningle machang tanto, hünzome Zang Wangting to nop ang münkopüi.

MATHI 11:11

Otsingtsingma kue hünzom ang thüipu, sheko makhange puxkya khakha ma bapti fakya mix Juhan thakkaikya mix malai; ikoxlechu zangkangting to ahixkya ngaxchu chix füi süchongle tüile.

MATHI 10:42

Üntoxle owae ijabu hixkya khama tuita ang ngax thüichu wangshem mün ma tihing peta alingkya mix jangtüi, otsingtsing ma kue hünzom ang thüipu, chixe otuechu ma hingho münamütüi.”

MATHI 10:15

Otsingtsingma kue hünzom ang thüipu, Zange kaxfün nyix ija tingkhua angkya khünaknu füi Sodom hia Gomorah nok hato wüi chingcha chongle ahoüi.

MATHI 8:10

Ija kax atatlaxle Jisu abüt ilaxle chix füito azuile hüikyabu füi akax: Kue hünzom ang otsingtsing akaxpu, Israel khama kue chix bukux mongong füikya mix maatakkya.

MATHI 6:16

“Tamchu otue hünzome chisax-chilingle atsaole zangjopkya hanpak laxüi hex, künkux-mongkwombu ningle thün ma mongma ahole taxchang. Hwome chisax-chilingle atsao alangle zangjop hanpak laxkya mixe naxngünle, ibue ma thün ma zamak tüikya pak chitik le ahole. Kue hünzom hama otsingtsing akaxpu: hwome ma hinghoho kopdaoa.

KAXHO MÜIKYA LUK 4:24

Kue hünzom ang thüipu, ajepa ma tingsho ma otuechu pongle münkop.

MÜNCHUAK-TSAI 111:8

Ibu a othuithuima otsünlole ngole; ibu a pangwüi otsingtsing hia otsao ma koxkya changle.

ISAIA 44:26

Ikoxlechu chemtue ku dapae ajele changpuix, chemtue kue ku mwottho apua ang kaxhomix ahüipuix, Kue ibu mwottho zing ilaxle ajekyabu changle ngai ang tompu. Kue Jerusalem ang ikhama khünaknu tamchatle ngo angkya changle le akaxpu, ilaxle Judah ang tingnubu tamchatle azünle zingle changüi. Tingnu ibu thama ma maxdaokya chatle ajongüi.